"يالمنتضر رفعت روس الملايين"

[عبيد الكثيري]

لاتخفى على الجميع حادثت حذاء المنتصري "اعزكم الله"
وكم تفاعل معها العرب جميعأ من المحيط الى الخليج
لا احب ان اطيل عليكم لكم هذه القصيده المتواضعه بعنوان


" رجمت بوش "



يالمنتضر رفعت روس الملايـيــــن= للــه درك مــن بـطـل مـاتـخافــــي

يامنـتــضر يامنـتــصر للمسلميـــن= بغض النـظرعن مذهبك يالسنافــي

عبـرت عن نفسك ونـاسٍ كثيـريــن= وعـن العرب والمسلمين الشـرافـي

مانته مثل بعض العرب والسلاطين= اللـي الــى شافتـه جـاها ارجـافـــي

رجمت بـوش وزمــرته الملاعيــن= يــوم انت حــرولا عليكم خلافــي

من حر ماتونس وماشفت بالعيـــن= قلت الوداع ياحذاي لورحت حافي

يـبـا الــوداع وقبـلهٍ فــوق خـديـــن= وجته الجـواتي فوق خـــده جلافي

اهنــت راس العـنـجـهيه بحـذويـن= مثل الطلق جــاته سريعه وخافـــي

محـدٍ يلومك راجـمٍ الشيــاطــيــــن= ابـلس ولد ابـلس رجـمه عـوافـــي

يذبح ويصلخ بالعـرب والمسلميـن= كـم واحــدٍ كــفٍ ولحـف لحافـــي

واليوم جاي وتحسب الناس ناسين= وانت السبب في فـقرهم والجفافي

واجبك تشنق ثم فـي هالسكاكيــــن= ولاهيب تكفي مـير لامت كافـــي

يابـوش مثـلك منهزم له زمانـيــــن= وسط العراق يابويش يسفاك سافي
الشاعر/عبيدبن بتال الكثيري

ند" القـــاف"يم

[محمد نايف العتيبي]

’,


منتظر كل العرب يدعون له عسى الله ينجيه ..



وصح لسانك يالكثيري




دمت بخير

[أمل عبدالعزيز]

ههههههههه

العذب عبيد نديم القاف


تعلم وجهة نظري عن هذا الموضوع
ولكن عن القصيدة
صح نبضك وسلم بوحك
ولك أعذب تحية
وأتمنى أن لايكون فرحنا ب ( حذاء )

تحيتي لك

[عبيد الكثيري]

الاستاذ الشاعر/محمدنايف العتيبي
مشرف منتدى الشعر الشعبي

منور والله متصفحي بوجود الطيبين اللى مثلك وشرواك

مروركم عين الشرف وبوجودكم نسعد بعد


لك صادق الحب والموده والشكر الجزبل

اخيك/ عبيد بن بتال الكثيري

[صهيل الصمت]

صح لسانك وقلبك ملايين

[أبوعبدالرحمن]

وصح قلبك وكلك

جزلة ومن شاعر جزل


تحيتي لك

[(( الثريا ))]

الشاعرعبيدالكثيري
صح عقلك ودمت وداموا
امثالك من اصحاب الروح
العربيه الاصيله الشعررساله
وانت كفيت وفيت

تقبل مروري

(( الثريا ))