معايده بعقد(ن) من الالماس

[نشمي مقعد العتيبي]

الاخوة والاخوات اعضاء منتديات غرابيل
كل عام وانتم بخير
يسبق عذري عن الغياب حضوري لاضع بين ايديكم
هذا القعد الثمين ثمره هذا الغياب

http://file12.9q9q.net/img/16555129/54804559_00e0a8ed84_o.jpg (http://file12.9q9q.net/preview/16555129/54804559_00e0a8ed84_o.jpg.html)

عقد الماس


الا وا وجودي وجد من صابه الهوجاس=يشوف العرب ساعه وساعه يغيبه
يسولف على نفسه بعد ماطواه الياس=تقول ان في صدره ذياب تقانبه
سبايب هنوف خدها كنه القرطاس=وصدر(ن) تقول مولع داخل لمبه
تمايل كما تيدر(ن) مقتفي له راس=فضت حملته واصبح ورى الراس يلعبه
يقولون لي كب الهواء واترك الهوجاس=وراع الهواء لو تنصحه كنك تسبه
مريض الهواء لو تاب قلبه يجي حساس=ومن ذاق سكرات الهواء مات ماكبه
تخلوت بقلبي لين جابت له الوسواس=ومن وسوست به يعجز الطب عن طبه
ليا شفت عنق (ن) لامع(ن) فيه عقد الماس=وشقر(ن) تقول بروسها النار مشتبه
وخصر(ن) ليا هب الهواء تقول عروة كاس=على واجهت دكان قزاز ينصب به
عفيفه نظيفه ماتقرب من الادناس=ولاهي من اللي كل واحد ترحب به
حلايا وليفي تفرقه عن بنات الناس=ولو لا كل هذي فيه والله ماحبه

[عــ قبيلـة ــزوة]

ما احبببببببببببببببه
صح الساااااانك نشمي مدد بلا عدد

بس عندي سؤااال خارج القصيدة :مزون:

ماكن الصورة اللي انت حاطها صورة حزام مهوب عقد ؟؟ :مزون:

والا مزنط ؟ :مزون:

<< حريم ما يخلّن ماقضى الله شانه هههههههههههههه

بس حلوة القصيدة :مزون:

صح السانك ونس موور :مزون:

[نشمي مقعد العتيبي]

ما احبببببببببببببببه
صح الساااااانك نشمي مدد بلا عدد

بس عندي سؤااال خارج القصيدة :مزون:

ماكن الصورة اللي انت حاطها صورة حزام مهوب عقد ؟؟ :مزون:

والا مزنط ؟ :مزون:

<< حريم ما يخلّن ماقضى الله شانه هههههههههههههه

بس حلوة القصيدة :مزون:

صح السانك ونس موور :مزون:





هلابك

اختي الغاليه

لاهنتي ومرورك هو الهدف

[محمد نايف العتيبي]

.


مريض الهـواء لـو تـاب قلبـه يجـي حسـاس
ــــــــــــــ ومـن ذاق سكـرات الهـواء مـات ماكبـه

تخلـوت بقلبـي ليـن جابـت لـه الوسـواس
ــــــــــــــ ومن وسوسـت بـه يعجـز الطـب عـن طبـه



الله اكبر الله اكبر


وينك وينك وينك وينك يانشمي


في ذمتي ان شعرك يقعد الراس وجزالتك اتشفق لها ..


انت شاعر جزل ومتمكن ولله درك ..


ولو سمحت لا عاد تبطي علينا لانك غالي وشاعر جزل


صح لسانك مليووووووون



دمت بخير


محمد بن نايف

[نشمي مقعد العتيبي]

الغالي

محمد نايف

لاعدمتك عزيزي

هذا بس من ذوقك الراااقي

[مطلق بن حنيتم]

ليا شفت عنق (ن) لامع(ن) فيه عقد الماس
وشـقـر(ن) تـقـول بروسـهـا الـنـار مشـتـبـه
وخصر(ن) ليا هب الهواء تقول عروة كاس
علـى واجهـت دكــان قــزاز ينـصـب بــه
عفيـفـه نظيـفـه ماتـقـرب مــن الادنـــاس
ولاهـي مـن اللـي كـل واحـد تـرحـب بــه
حلايـا وليفـي تفـرقـه عــن بـنـات الـنـاس
ولــو لا كــل هــذي فـيــه والله مـاحـبـه


الله الله على هذا التشبيه الفريد ..

أخي الكريم الشاعر / نشمي العتيبي

صح لسانك على هذه الحبكة الشعرية الرائعه .. تقبل مروري وتقديري ..

[أبوعبدالرحمن]

نشمي مقعد



صح قلبك وكلك


وسلمت اناملك

جزلة ومن شاعر جزل


وكل عام وانت بخير


تحيتي لك

[نايف السليطي]

يقولون لي كب الهـواء واتـرك الهوجـاس
وراع الـهـواء لــو تنصـحـه كـنـك تـسـبـه
مريض الهـواء لـو تـاب قلبـه يجـي حسـاس
ومـن ذاق سكـرات الهـواء مـات ماكبـه
>>>>>>>>>


نشمي ...

أعدك بالمتابعة يالجزل ....

[فخر أهلها]

حياك الله يالنشمي ومن طول الغيبات

صح لسانك مدد على هالمعايده

لي ملاحظه بسيطه يانشمي اتمنى يكون لها قبول

انا لاحظت ان قافيتك كلها على أبّه بتشديد الباء الا بيت واحد المختوم بكلمة ( لمبه ) الباء فيها كانت مخففه اضافه الى ان كلمة داخل قبل مسويه خلل اتوقع قصدك داخله والهاء سقطت سهوا

وجهة نظر اتمنى تلقالها ممر عندك

وصح لسانك مره ثانيه

تحياتي لك

[عبدالعزيز نايف]

صح لسانك واحلى معايد يانشمي
يقولون لي كب الهواء واتـرك الهوجـاس
وراع الهـواء لـو تنصحـه كنـك تسبـه
مريض الهواء لو تاب قلبه يجـي حسـاس
ومن ذاق سكـرات الهـواء مـات ماكبـه


والله ابيات فالصميم بيض الله وجهك




قصيدة تستحق الاشاده





تحياتي

[نشمي مقعد العتيبي]

حياك الله يالنشمي ومن طول الغيبات

صح لسانك مدد على هالمعايده

لي ملاحظه بسيطه يانشمي اتمنى يكون لها قبول

انا لاحظت ان قافيتك كلها على أبّه بتشديد الباء الا بيت واحد المختوم بكلمة ( لمبه ) الباء فيها كانت مخففه اضافه الى ان كلمة داخل قبل مسويه خلل اتوقع قصدك داخله والهاء سقطت سهوا

وجهة نظر اتمنى تلقالها ممر عندك

وصح لسانك مره ثانيه

تحياتي لك





الف هلابك يالغاليه

ملاكظتك شرف لي

بس اخاف تسوين علينا مثل

سلطان العميمي

ههههههههههههه

حياك اختي

[نشمي مقعد العتيبي]

الغالي


مطلق حنيتم

الف شكر لمرورك الراااااقي

لاهنت

[نشمي مقعد العتيبي]

الغالي

ابو عبد الرحمن

الف شكر للمرور المميز

هذا من ذوقك

[نشمي مقعد العتيبي]

الغالي

نايف السليطي

مرور اعتز به

يالذيب

[بدر ناصر المورقي]

النشمي ابن مقعد

وخصر(ن) ليا هب الهواء تقول عروة كاس
علـى واجهـت دكــان قــزاز ينـصـب بــه

نص رائع بروعة النشمي

لله درك وصح لسانك مدد بلا عدد

تحياتي

[نشمي مقعد العتيبي]

عبد العزيز الدلبحي


شاكر للمرور الرااااقي

[محمد بن ضاوي]

هلابك نشمي وهلا بما جبت


الف صح لسانك يابو مقعد على هالرائعه ولاهنت

[صمت الاشواق]

:::

صـــــ السآآآآآآنك ــــــــح

تقبل مروري

دمتـ بود

:::

[منتوقة العنق]

صح لسانك نشمي لاهنت

تقبل مروري

[نشمي مقعد العتيبي]

الغالي

بدر ناصر

الف شكر للمرور الراااقي

لاهنت

[نشمي مقعد العتيبي]

الرااااقي

محمد بن ضاوي

مرورك هدف لاعدمتك

[نشمي مقعد العتيبي]

صمت الاشواق

الف شكر للمرور

الرااااقي

[نشمي مقعد العتيبي]

منتوقة العنق

الف هلا وغلا

مورك هو الهدف

عزيزتي

[احمد مناحي]

نشمي مقعد العتيبي

هلا بك وغلا

صح لسانك الى رضاك

كتبت فابدعت الله لايضرك

غزليه رقيقه ورايقه

الله لايضرك

تقبل مروري