(( الورده النرجسيه )) .... !!!!!

[ناصر الجلاه]

..

مساجله خفيفه من الشاعر القدير / ناصر الجنيبي
إليكم :

يابومحمد رحت للصيدليه=أبغى أتداوى ماقدرت أتداوى
والنفس عن بعض الأمور محميه=مير الذيابه فوق راسي تعاوى
من يوم شفت الورده النرجسيه=اللي على فكري وقلبي تساوى
ماعاد ابه شرهه ولامنقديه=قامت مشاهيب المحبه تهاوى
وأليا برى كيه تحفويت كيه=والقاف مع كل المشاعر تلاوى
قلبي خضر وانا على حسن نيه=وعجزت عن بعض الجروح أتداوى

وهذا ردي عليه :

يابوحسين إن كان تشكي عليه=لاعاد تقعد يالجنيبي تراوى
النفس ماموره بحسنه وسيه=كب المراره عقب ذقت الحلاوه
تقول فيه يالعصيمي وفيه=وأقول ساير دنيتك بالهداوى
مادمت في نعمه وعيشه هنيه=لايجرفك درب الغوى والمغاوى
لوشفت حالي بين هاذي وذيه=ذكرت حرب أهل تربه والشلاوى
حضي محاربني وشفت الأذيه=بين الحضاره موقعي والبداوى

[فهده]

الشاعر ناصر الجلاه

صح لسانك ولسانه

لاعدمنا جديدك

سلام..

[بصمتــي اذلـك]

نـــاصر الجـــلاهـ

صـــح الســانـك يامبـــدعـ

كـون بخيـر

[أبوعبدالرحمن]

صح قلبك وكلك


وسلمت اناملك


وكل عام وانت بخير



تحيتي لك

[محمد الروقي]

رحت تبا تتداو هاه

ولا يوم شفتها في الصيدليه ونت تسوي نفسك وجعان

ماتمشي ياناصر دور غيرها وجعان وتغازل هاه طيب ياحبيبي

ابي اقولك صح لسااااااااانك لين تمل تقبل مرور وتقديري

وكل عام ونت بخير

[خالد الممخور]

صوت وصدى ولا اجمل

والله استمتعت فيها

صحت السنتكم ولاهان الفكر الرائعه

[محمد نايف العتيبي]

.

ناصر الجنيبي


ناصر الجلاه


كلكم مبدعين ..


والشهاده مجروووحه



صحة السنتكم يالجزلين ...



دمتم بخير



محمد بن نايف

[ناصر الجلاه]

..

بنت برقا

..


صح بدنكـ يالغااليه .. تصفحكـ يشرفني

لاهنتي

..