منوخ قبل العيد (( من العايدين )) @@@

[فرد حمزه]

يامنوخ الليل ليلي والسماء والنجوم=والارض ببحورها ماغطت جبالها

الجمله اللي بدايتها حروف ورقوم=ما أنته بعملها ما أنته ترى خالها

[منوخ العمودي]

يامنوخ الليل ليلي والسماء والنجوم=والارض ببحورها ماغطت جبالها

الجمله اللي بدايتها حروف ورقوم=إن كان ما أنته عماها اكيد ما أنته خالها


يافرد حمزه ترى بالوزن عندك ثلوم=والضالعه ماندرجها على فالها
ان كان مالامك الصاحب ترانا نلوم=وندرس اللي جهل مانفعل افعالها

[فهده]

صح لسانك

ومن العايدين .. :مزون:


سلام..

[فرد حمزه]

خطا ملائي وعدل والخطا مايدوم=لاتقصر حبالها يافاتل حبالها
ماني ببايع بصل ماني ببياع ثوم=وأليا وردنا شربنا صافي زلالها

[فرد حمزه]

.. بنت برقا ..

..صح بدنك .. شرفتي يالغااليه ..

.. دمتي ..

[منوخ العمودي]

خطا ملائي وعدل والخطا مايدوم=لاتقصر حبالها يافاتل حبالها
ماني ببايع بصل ماني ببياع ثوم=وأليا وردنا شربنا صافي زلالها


بنيت بيتك ولاكن الاساس معدوم=ومره هبوب الهواء حطه على جالها
والخيل تبغى من الفرسان خيال قوم=ماكل رجلٍ ركبها قيل خيالها

[فرد حمزه]

هذا منوخ يصلي والبلا مايصوم=وين أنت عن خيمتك يوم الهواء شالها

أنا احمد الله على جسم لبست الهدوم=عزي لفزعه عرب مثلك من عيالها

[منوخ العمودي]

هذا منوخ يصلي والبلا مايصوم=وين أنت عن خيمتك يوم الهواء شالها

أنا احمد الله على جسم لبست الهدوم=عزي لفزعه عرب مثلك من عيالها


ذا الليل يافرد حمزه حان فرك الخشوم=في ساحة الملعبه ندفنك برمالها
والعلم عندي وانا بعطيك بعض العلوم=عن فارع ماشية ماتلبس جلالها

[فرد حمزه]

والله ماشلت همك كل ليله ويوم=التهلكه يالعمودي مالك ومالها

ماعندك ألا الدوادي يالبعير الهيوم=والنقنقه عندكم معروفٍ أرسالها

[منوخ العمودي]

الهرج هين ولكن مايفك الزوم=والكايده ياولد ماكل احد نالها
ولا يجتمع بالمواكر فرخ حرٍ وبوم=خذ زبدة الهرج وسمع هرج من قالها

[فرد حمزه]

ياما من اسبابنا شلت الحقد والهموم=ناسٍ سواتك تروح بحالها أشوالها

ولايجتمع فالمجالس نسل قرم ورخوم=وأهل الرخامه يشابه زولك ازوالها

[منوخ العمودي]

صح السانك يافرد حمزه

مافيك حيله ولكن لنا لقاء باذن الله

[محمد ابن براك العطاوي]

فرد حمزه ... منوخ العمودي
صحت السنتكم
شاعرين مافيكم هرجه
محاورتكم شدت انتباهي واعجبتني في نفس الوقت

بيض الله وجيهكم