من يبشر عيوني بالكراه

[فايز بن علي]

اه يا جرحي عيا لا يطيب=كل ما جيت ادور عن دواه
ظعت ما بين طبه و الطبيب=من يبشَر عيوني بالكراه
عند ربعي و كني الغريب=ضايعن عن دياره ما دراه
من يدله على دربن صويب=يفعل الخير ما يبحث وراه
يا هوا بالي الفرقى صعيب=و الله انه خفوقي ما قواه
كيف ينبت شجر عرقه عطيب=منقطع ماهي عنَََََّه من سماه
يا شبابي و راسي فيه شيب=و اشهب الوجه و حالي انطواه
مثل غصن الغضى وسط الشعيب=اشهب اللون و القيض اكتواه
و ياهل الخير قولو لا يغيب=كيف يهجر حبيبه ما نواه
و أخذو مني سلامي للحبيب=مع تحيه و مسك و عنبراه

[خــــالـــــد]

صح لسانك ولا هنت

وتسلم يمينك على القصيدة

رائع بكل ما تقدمه

واعذرني على تنسيق القصيدة !!

[سيف الدوسري]

فايز بن علي صح لسانك على هالقصيدة الرائعة ودااام عزك
تحياتي...................................... ..................................((المعنّى ))