مسفر الدوسري
30-11-2008, 06:00 AM
بسم الله الرحمن الرحيم
السلام عليكم و رحمة الله و بركاته
بعد غياب طويل نعود لكم من جديد
وهذي قصيده جات بعد موقف حصل لي شخصياً
و الموقف : أن أحد الزملاء كأن شخصاً عاديا و زميل كبقية الزملاء
و كان منا في كل مكان و روحه و جيه لكن بعد ما شراء
أحد أقاربه جمس تغير هذا الزميل و صار ما هو رفيقنا اللي نخبره
و تغيرت طبوعه الله يحمانا و في مره من المرات سألني أحد الاصجاب عنه
و هاضت القريحه بهذه الأبيات
يا صاحبي با الله لا يكثـر الرمـس = ماني بيمك صـدري اليـوم ضايـق
يا صاحبي تكفى ترى خاطري عمس = ماني برايـق كـان تبغـى الحقايـق
كله سبايب من حمس خافقي حمـس = ناسٍ غشيمه مـا تعـرف الطرايـق
ناسٍ اتحسب المرجله ركبة الجمـس = وتقـول مـا مثلـي بكـل الخلايـق
الله يطمس مثلهم يا عـرب طمـس = أهـل العلـوم الهيـنـات الدقـايـق
المرجله يا اللي تبا المرجلـه شمـس = من دونها يا ناس مـا عـاق عايـق
اللي يميز فعلهـا يـا بشـر خمـس = اموثقه عنـد العـرب بـا الوثايـق
طيب ووفاء وصدور ما تعرف الحمس = وجـودٍ ولـدروب المكـارم سبايـق
ناسٍ تدف العوق ما تعرف الرمـس = و الـلاش دايـم للغثيثـه يـوايـق
وراع المراجل يأخذ اليـوم والأمـس = فـي كـل علـمٍ غانـمٍ دوم فـايـق
وألا الردي لو هو لمس للقمر لمـس = يبقى ردي حيـث العلايـق علايـق
أهل الردى نكبات و وجيههم دمـس = واللـي سواهـم جعلهـم للمحـايـق
يا صاحبي جاتك جهر ما هي بهمـس = أهل الوفاء تفرق عن أهـل الدقايـق
واللي يحسب المرجله ركبة الجمـس = ويشوف نفسه فـوق كـل الخلايـق
شرواه قل له يا طويل العمـر أمـس = والمدح في الرديان مـا هـو بلايـق
و سلامة الجميع
أخوكم الشاعر : مسفر بن منيف الدوسري
أبو نااااايف
السلام عليكم و رحمة الله و بركاته
بعد غياب طويل نعود لكم من جديد
وهذي قصيده جات بعد موقف حصل لي شخصياً
و الموقف : أن أحد الزملاء كأن شخصاً عاديا و زميل كبقية الزملاء
و كان منا في كل مكان و روحه و جيه لكن بعد ما شراء
أحد أقاربه جمس تغير هذا الزميل و صار ما هو رفيقنا اللي نخبره
و تغيرت طبوعه الله يحمانا و في مره من المرات سألني أحد الاصجاب عنه
و هاضت القريحه بهذه الأبيات
يا صاحبي با الله لا يكثـر الرمـس = ماني بيمك صـدري اليـوم ضايـق
يا صاحبي تكفى ترى خاطري عمس = ماني برايـق كـان تبغـى الحقايـق
كله سبايب من حمس خافقي حمـس = ناسٍ غشيمه مـا تعـرف الطرايـق
ناسٍ اتحسب المرجله ركبة الجمـس = وتقـول مـا مثلـي بكـل الخلايـق
الله يطمس مثلهم يا عـرب طمـس = أهـل العلـوم الهيـنـات الدقـايـق
المرجله يا اللي تبا المرجلـه شمـس = من دونها يا ناس مـا عـاق عايـق
اللي يميز فعلهـا يـا بشـر خمـس = اموثقه عنـد العـرب بـا الوثايـق
طيب ووفاء وصدور ما تعرف الحمس = وجـودٍ ولـدروب المكـارم سبايـق
ناسٍ تدف العوق ما تعرف الرمـس = و الـلاش دايـم للغثيثـه يـوايـق
وراع المراجل يأخذ اليـوم والأمـس = فـي كـل علـمٍ غانـمٍ دوم فـايـق
وألا الردي لو هو لمس للقمر لمـس = يبقى ردي حيـث العلايـق علايـق
أهل الردى نكبات و وجيههم دمـس = واللـي سواهـم جعلهـم للمحـايـق
يا صاحبي جاتك جهر ما هي بهمـس = أهل الوفاء تفرق عن أهـل الدقايـق
واللي يحسب المرجله ركبة الجمـس = ويشوف نفسه فـوق كـل الخلايـق
شرواه قل له يا طويل العمـر أمـس = والمدح في الرديان مـا هـو بلايـق
و سلامة الجميع
أخوكم الشاعر : مسفر بن منيف الدوسري
أبو نااااايف