اول كلامي سلام ن مثل روس الرماح = وياليت نلقى عتيبي ن يعد الصحيح

[حبيّب الحربي]

السلام عليكم

خلووووووووووووووووووووووو وها


اول كــــلامي ســـلام ن مثل روس الرماح = ويــاليت نلقى عـــتيبي ن يعد الصـــحيح

هرج المساء مع طلوع الشمس روّح رواح = وهل المهايط تهايط من ضميرن جريح

[فرد حمزه]

يامرحبا ياحبيب بالمساء والصباح=وصلك عتيبي يحجك بالكلام الصريح

ترى الحقايق حقايق لا تجر الصياح=أحدٍ حما موقفه واحدٍ تجلا يصيح

[منور العوني]

الله الله

شدوا حيلكم ياشبابه


حنا نشجعكم وحيلكم بينكم :)


لاهنتوا يالنشاما

وصحت السنكم

[ابن شهران]

الله يعطيكم العافيه

صحت السنتكم

اعتقد ان هناك خطاء مطبعي في البيت

يامرحبا ياحبيب بالمساء والصباح=وصلك عيبي يحجك بالكلام الصريح

في عجز البيت وصلك عتيبي

واصلووووو

[فرد حمزه]

... منور العوني ...

... صح بدنك ... لاتزود النار حطب تراك من عزوه طيييييبه ههههههه

...شرفت يامنور المطاري ...

.. دمت ..

[فرد حمزه]

.. ابن شهران ..صح بدنك .. ملاحظه لك حق فيها ولكن البيت مافيه عجز يالغاالي وقفه وطبيعيه لاكسر ولاجبر ولا عجز على قولتك و فيه خطا مطبعي (( عيبي)) والصحيح (( عتيبي ))

ومن ابسط حقوق الشاعر الوقفه السريعه ولو غنيتها صوتيآ مابان ولاشي (( توضيح للملاحظه ))

ولكن يعجبني من يدلي برأيه ورايك على الراس والعين ومشكور يالغااالي شاعر ولك اسمك فالمنتدى آمانتآ.

..دمت ..

[محمد بن ضاوي]

...شرفت يامنور المطاري ...

ههههههههه لا وبعد يقول حيلهم بينهم ويشجع بعد ههههههههههههه


في صفك يافرد ولايهون حبيب

وبانتظار محاورة راقيه وهادفه وانتم اهلن لها

[بدر1111]

صحت السنتكم
بدايه هجوميه عنيفه
فرد حمزه انا في صفك واذكرك ان خير وسيله للدفاع الهجوم

[мαηѕoя]

/

صـح لســانك يا فــرد حــمزه

في تيه تلقفها تاك أنـك جـزل يا أبن العــم

ترى الحقايق حقايق لا تجر الصياح .....أحدٍ حما موقفه واحدٍ تجلا يصيـح

<<< في الصــميم

حبيب الحـربي صـح لســانك

متابـع لنهـايه

[حبيّب الحربي]

يامرحبا ياحبيب بالمساء والصبـاح
وصلك عيبي يحجك بالكلام الصريح
ترى الحقايق حقايق لا تجر الصياح
أحدٍ حما موقفه واحدٍ تجلا يصيـح

0000000000000000000000000000000000000000000000

ابك البقا يالعميل اللي ضربت الفياح = والضلع لــوّك نويت تزحــزح ماتزيح
الحق واضح كما ضو القمر مايزاح = مثل الذين ناوين دفن الهواء فالضريح

[حبيّب الحربي]

منور العوني

ارحب والله ان ترحب

لاهنت

[حبيّب الحربي]

ابن شهران


صح بدنك


لاهنت

[حبيّب الحربي]

ابن ضاوي


لاهنت يالمشرف لاهنت

[حبيّب الحربي]

بدر 1111


لاهنت والصفوف وحده

لاهنت

[حبيّب الحربي]

منصور

هههههههههههههه

وشهو صميمه

يمكن تقصد الصمام خخخخخخخخخخ


لاهنت والصفوف وحده

[حبيّب الحربي]

ابك البقا يالعميل اللي ضربت الفياح = والضلع لــوّك نويت تزحــزحه ماتزيح
الحـق واضح كما ضو القمر مايزاح = مثل الذي ناوين دفن الهواء فالضريح


بس عدلت خطأ املائي سابق وشكرا لكم

[فرد حمزه]

حنا ندك الجبل يالين يصبح براح=حنا نجوم السماء فالعاليه مانطيح
ماعاد ينفع على الميت تجر النياح=أنتم كسبتوا هجاء وألا كسبتوا مديح هه

[فرد حمزه]

... محمد ضاوي ... بدر 1111 ... منصور ...

... صحت ابدانكم ...

... دمتم ...

[حبيّب الحربي]

حنا كما سيل ليل وصاملن بجتياح = يغرق حيايا القفر من بعد زود الفحيح
بعض نجوم السما ربي خلقها كفاح = مير الجدي في وقاره منعم ومستريح

[فرد حمزه]

اقرب وابسقيك يالحربي شرابٍ ذحاح=النار شبت غضا ماهي بجله وشيح

قامت تسافا على وجهك هبوب الرياح=من يوم فكيت بابٍ جابلك كل ريح

[محمد نايف العتيبي]

.


الله الله



ياسلام ياسلام




واصلوا

[حبيّب الحربي]

بس لدتي بالــعيون تزيد قلبك جــراح = والباب بابك نسده يابو وجه ن سميح

قم يالعتيبي ترو واشرب وخل القراح = محجوز للي لهم بالناس ذكرن فليح

[مشعل الثبيتي]

اقسم بالله ابدااااااااااااااااع


تحياتي لكم وصحة السنتكم

والله انكم ماقصرتوا

وتحيات خاصة للفرد

الثبيتي @@

[فرد حمزه]

عيونك مخلله بسيوفنا والرماح=ماعاد يطمع بنا غير أنت ياأحمد قريح
تراك في ساقتي والبرق برقي ولاح=يومٍ قربتك يالحربي تناضح نضيح

[حبيّب الحربي]

محمد بن نايف


لاهنت على المرور


تحياتس لك

[حبيّب الحربي]

مشعل الثبيتي


الجزاله والابداع مرورك

وتحياتك الخاصه لفرد اوصلت 000 وتراني خذيت منها لي اشوي ههههههههه


لاهنت

لاه

[حبيّب الحربي]

فــــــــــــــــــــــــ ــــــــــرد حمزه

لاهنت ولنا لقاء



تحياتي لك

[فرد حمزه]

.. مشعل الثبيتي .. صح بدنك حضورك يسعدني يابن عمي ..

.. حبيب .. صح بدنك وعلى خير إن شاء الله ..

.. دمتم ..

[سيدة الموقف]

فكرتوني بقناة الساحه
ما ناقصكم غير صف يصفق لكم وينشد معكم وانا عني باوقف معهم لاني ما يطلع مني ولا بيت لو بالغلط
والله يعطيكم العافيه على الابيات الجميله
ما قصرتوا ياشباب