((((((الظلم التحكيمي))))))

[مقبول الشيباني]

يانعنبو كوريا والله مدانيها=جتنا وفازت علينا كيف هاذيه
مدر الدفاع السعودي رايحن فيها=والا الحكم جاه رشوه وخلف النيه
اول هفواته اللي مانعديها=ضيع علينا بلنتي ميه بميه
والعله الثانيه محدن يداويها=يطرد مهاجم وطنا جعله الحيه
والثالثه واضحه وشلون اخفيها=وهيه على شاشة التلفاز مرئيه
ضرب الفريدي قضيه وش نسميها=وينك يالاخلاق والروح الرياضيه
غلطاتهم ضدنا عادي يمشيها=ويشوفها ضمن الاشياء الطبيعيه
وغلطاتنا ضدهم ماهوب راضيها=يبرز لنا الكرت وبسرعه جنونيه
بانت للانظار حاميها حراميها=ونقاطنا راحت لكوريا الجنوبيه
لاكن في سيئول والله مانخليها=بنجيبها كلبوها للسعوديه

[مقبول الشيباني]

الرجاء من الاخوه المشرفين تنسيق القصيده

[محمد السريّع]

يانعنبو كوريا والله مدانيها=جتنا وفازت علينا كيف هاذيه
مدر الدفاع السعودي رايحن فيها=والا الحكم جاه رشوه وخلف النيه
اول هفواته اللي مانعديها=ضيع علينا بلنتي ميه بميه
والعله الثانيه محدن يداويها=يطرد مهاجم وطنا جعله الحيه
والثالثه واضحه وشلون اخفيها=وهيه على شاشة التلفاز مرئيه
ضرب الفريدي قضيه وش نسميها=وينك يالاخلاق والروح الرياضيه
غلطاتهم ضدنا عادي يمشيها=ويشوفها ضمن الاشياء الطبيعيه
وغلطاتنا ضدهم ماهوب راضيها=يبرز لنا الكرت وبسرعه جنونيه
بانت للانظار حاميها حراميها=ونقاطنا راحت لكوريا الجنوبيه
لاكن في سيئول والله مانخليها=بنجيبها كلبوها للسعوديه


الرائع مقبول الشيباني

صح لسانك مدى الحياة

و الله يجيب العواقب سليمه

تحيتي لك

[محمد الدغيري]

بلانا الأول والاخير لا هو تحكيم
بـل هو رئيس الاتحاد السعودي سلطان بن فهد
ومنتخبه الفاشل
ما بعد فيصل كورة سعوديه تمتع المشاهد

[أبوعبدالرحمن]

عسى الله يكون بالعون


صح لسانك

[مقبول الشيباني]

الرائع مقبول الشيباني

صح لسانك مدى الحياة

و الله يجيب العواقب سليمه

تحيتي لك

-----------------------------


مشكوووووووور

اخوي محمد ولاهنت ياغالي

[خــــالـــــد]

تسلم يالغالي

وصح لسانك ملايين

واسمح لي بـ نسخة على المنتدى الرياضي

[احمد مناحي]

مقبول الشيباني

هلا بك وغلا

صح لسانك الى رضاك

وانا اختلف معاك في وجهة نظرك

انا اقول بيض الله وجه كوريا اللي عرفونا بانفسنا وكشفوا اوراقنا .

على هكذا حال ان تأهلنا الى كاس العالم الله يذكر ايام الثمانيات بالخير .

عموما الله يكتب اللي فيه الخير .

تقبل مروري

[مقبول الشيباني]

بلانا الأول والاخير لا هو تحكيم
بـل هو رئيس الاتحاد السعودي سلطان بن فهد
ومنتخبه الفاشل
ما بعد فيصل كورة سعوديه تمتع المشاهد

---------------------------




مشكووووووووووووور


محمد ولاهنت

[خالد الممخور]

مقبول الشيباني

صح الله لسانك وشكلك متعصب كروي

رغم اني ماحب الكوره لكن كايفه يامقبول وانشالله

نحقق كاس العالم << احلام الاقلام هههه