((( كلي ثقة ))) جديدة للتواصل

[صالح المرزوق]

بسم الله الرحمن الرحيم
أسعد الله أوقاتكم بكل خير

بعد غيبة .. اعود بهذه المتواضعة للتواصل مع قلوبكم النقية




الهاجس اللي ودي انه يحاكيك = لاضاقت الدنيا أبد لا تضيقي

لاتتركي فرصة لفرحة معاديك = حذاري يادنياي أرجوك فيقي

لاتحسبين الناس لاضقتي تبكيك = عمر الحرايق ماتطفي الحريقي

لاتحسبين الغير وده يداويك = غيرك وثق باليمّ واصبح غريقي

اللي يطبطب لك ويسعى ويرضيك = فكي حبال الطبطبات الوثيقي

اقري سطوره واعرفي وش يبي فيك = الذيب يمرح لاتركته طليقي

ماقول كلماتي وقصدي أوصيك = وانتي اللي ثوب العز فيها يليقي

انا أكثر أهل الأرض يابنت يغليك = لاشفت زولك رقت وابتلّ ريقي

خسران منهو يعرفك ثم يخليك = كنه سواة مضيعين الطريقي

من كثر ماودي اشوفك واحاكيك = صرت ألمحك ربعي واخوي ورفيقي

صرت اسأل الألماس عنك واناديك = لأنه بدونك يفتقد للبريقي

فنجال من يدك وفجنال أقهويك = قهوة حطب والشاي وسط البريقي

الجو بارد بحضن ايدك وادفيك = دفوة شتا مافيها شيء ٍ يعيقي

ودي تشوفيني اذا حل طاريك = تقول فايز باللقب يا فريقي

ودي اسولف لك وادندن واغنيك = غطي عيونك لين عشرة و ويقي

واحد ثلاثه اربعه اصبري اشفيك = لاتسرقي نظرات كيد وتبيقي

عديت عشرة ، ناظري عيون مغليك = وسط العيون ألغاز حبي العميقي

لو يوصلك حب البشر بين اياديك = كلي ثقه ينهيه حبي الحقيقي



.
.
.


صالح المرزوق

[منور العوني]

الشاعر المبدع
صالح المرزوق


صح لسااانك


قصيده تحلق في سماء الابداااع


بس البيت هذا الظاهر انك كاتبه فالمدرجات :)



ودي تشوفينـي اذا حـل طاريـك
تقـول فايـز باللقـب يـا فريقـي

[خــــالـــــد]

أرحب يا صالح ,,

صح لسـانك ملايين على هـ الشامخة

قصيدة جزلة من شاعر جزل

لاهنت يالغالي

[أبوعبدالرحمن]

صالح المرزوقي



صح قلبك وكلك


وسلمت اناملك


جزلة ومن شاعر جزل


تحيتي لك

[صالح المرزوق]

بسم الله ..

منور العوني ,, حياك ربي يالغالي .. شرفني حضورك واسعدني تواجدك

صح بدنك ولا عدمناك ..

بس البيت هذا الظاهر انك كاتبه فالمدرجات :)

هههههههههههههههههههه تقدر تقول

.
.
.


صالح المرزوق

[سيف الدوسري]

صح لساانك ياااصالح وداام عزك
تقبل تحياتي واحتراماتي............................(( المعنّى))

[محمد السريّع]

صح الله لسانك اخوي صالح

رائعة تستحق القراءة اكثر من مره و سافعل

دمت بهذا التألق

[صالح المرزوق]

بسم الله ..

خــــالـــــد ,, حياااك الله يالغالي

لحضورك شكل آخر وطعم مختلف ..

شاكر لك اطلالتك وتشريفك للقصيدة .. ولي شخصيا

ما قصرت يابعدي


.
.
.


صالح المرزوق

[صالح المرزوق]

بسم الله ..

أبو عبدالرحمن ,, شرفني حضورك يا استاذي الأول ..

واتشرف بإطلالتك يالغالي .. والله لا يحرمني هالتواجد

ما قصرت وانا اخوك

.
.
.


صالح المرزوق

[أنا لك]

قصيدة رائعة وجزلة صح لسانك