(( ذيب الخلا ))

[عمر اللهيميد]

السلام عليكم ورحمة الله وبركاته








طويت الدروب .. وغالي الدمع بالمنديل = وسريت الليال السرمديه .. وانا هاوي

وقطعت الفيافي ... والعرب هاجعين الليل = على قاعي القفرا .. وذيب الخلا عاوي

ظلامٍ مخرمسني ... ماغير البروق تخيل = الوح البروق .. ولاحني برقي الغاوي

اهيجن واقول الليل مافادبه قنديل = يفيد القمر لاصار في طلته ظاوي

ولااسمع دبيب النمل ... واسمع صهيل الخيل = واذوًد مع اهل البل ماني مع الشاوي

الا ياعيوني .. ناظري تحت نجم سهيل = وشوفي سحابٍ تمطره .. مزنه الجاوي

عسى يسقي القيعان ... والسيل حدره سيل = وتارد عليه الناس ... والناس ماتاوي

وتارد به القوده ... ويارد عليه شعيل = وقعود الجمل قودان متعثرٍ ثاوي

الايازماني .. ماتبي نظره الحلحيل = نواني ردي الحظ ... وانته علي ناوي

ترفق تراك اليوم عللتني تعليل = وحالي غدت قصه .. على هرجه الراوي

افصًل على قدي هدوم الشقا .. تفصيل = وذرعاني القشرا .. بلاها من اللاوي

صبرت السنيين العوج .. والحيل مامن حيل = ورياح الشتا .. تجلد .. وانا فماقفي ذاوي

تطعمت من بقعا .. مرار الشقا ... والويل = وانا المنكوي .. ماصرت في دنيتي كاوي

انا وين مالدت عيوني لقيت الميل = وغدر الزمن يطوي ... وانا مبلش الطاوي

أرتل من القرأن .. مارتل الانجيل = وجوف البلد خاوي ... وانا فجووفه الخاوي

ابقنب قنيب الذيب .. وابدله تبديل = ياعل وعساني اصبح برزقي القاوي

ياذيب السموحه منك يامحول التحويل = لك الله تراني في مهماتك فداوي

ياذيب الفيافي .. اسلم وسلم بتبجيل = تراني على بقعا وصكاتها مخاوي

سمعت النجر يندق ... وشميت ريحه هيل = على حمسه البارح ولالي من مداوي

انا البارحه ياذيب ... اخايل بروق الليل = وعلى غفوه الهجاع .... صار الجمل واوي


















وسلامتكم








عمر اللهيميد

[عوادالعلي]

افصًل على قدي هـدوم الشقـا .. تفصيـل=وذرعاني القشـرا .. بلاهـا مـن الـلاوي
صبرت السنيين العوج .. والحيل مامن حيل=ورياح الشتا .. تجلد .. وانا فماقفـي ذاوي

الله يعينك

وصح لسااااااااانك جزله من جزل

[أبوعبدالرحمن]

صح قلبك وكلك



وسلمت اناملك




تحيتي لك

[ماجد نصار]

صح لسانك




واعتلا شانك


ابدعت

[خــــالـــــد]

تسلم يمينك أخوي

وصح لسانك مليون ولا تهون

رائعة من رائع

لا عدمناك

[علي عبدالرحمن الأسمري]

صح لسانك ياغالي
وتسلم يمناك
دمت بالف خير

[احمد مناحي]

عمر اللهيميد

هلا بك وغلا

صح لسانك الى رضاك

كتبت فابدعت

رائعه حملت الكثير من المعاني الجميله

مااقول الا الله يعافيك ويقويك ويهدي بالك .

شاعر رائع الله لايضرك

تقبل مروري

[عمر اللهيميد]

عواد العلي الله يعين الجميع



واشكرك على مرورك













عمر اللهيميد