انا شاعر وبي شاعر (((لاكن بشرط ))) ... ؟ من يتحدي الجبريني يتقدم الليله الليل

[محمد الجبريني]

مساء الخير الشرط هو ان المحاوره الان مباشره
ولو الى الفجر لامشكله
هههههههههه فاضي الليله والجنيه من العصر تلاقطه ملاقط

خلوووووووووووووووووها


سلام الله برديه لها مدخل لها مخراج =تعم المنتدى وتعم كل اللي يمرونه
وانا شاعر وبي شاعر لاكن بشرط مايحتاج =يجيد القاف والمعنى على وزنه ومظمونه

[شقران1]

متابع وين الشاعر الثاني

[عبدالمحسن الحارثي]

خلوها مدام مباشره معك لين بكره هالوقت

هلا يامرحبا ترحيب عد مصافق الامواج=عدد منشا السحاب وعد من قامو يخيلونه
تهرج يا عميلي بس لاتسري بدون اسراج=نبى نخلي العشا ياصاحبي مندي ومدفونه

[عبدالمحسن الحارثي]

اسف مادريت ان شقران رد
واصلو متابع

[شقران1]

عبدالمحسن الحارثي

واصل صحت اللسنتكم.

انا اترك المجال لك تفضل لاهنت

[عبدالمحسن الحارثي]

لا واصل انت انا مشغول في محاوره ثانيه

[محمد الجبريني]

ههههههههه هلا هلا صح السانك واالله انا قعت بقافك وانت هني استلم هنيه مافيه صحبه ههههه



يدوم بك البقى ماقدمك الا يوسف الحجاج=ويوسف من ثقيف وربعك الحرث يعرفونه
توقع ياعميلي قبل اسوقك سوق باالكرباج =اخاف انك تعشي ظيفك الليله عشى تونه

[محمد الجبريني]

متابع وين الشاعر الثاني

لاهنت شقران على المتابعه
خلك بيني وبين الحارثي ان كان ونك خنذفي وان كان ونك من شبابه لاتقربناهههههههههه
شجع من بعيد وشكر على مرورك يالذيب

[عبدالمحسن الحارثي]

ولا يايوسف الحجاج قدمك بحري الهداج=لاكن انت الشكيمه والشكيمه وش يانادونه
تعديت الخطوط الحمر لاكن ماعليك احراج=يحسبني بعلم صاحبه ويشيب عيونه

[عوادالعلي]

عاشو

وصحت السنتكم

يالنشاما

[منوخ العمودي]

مبدعين واصلو

متاااابع الى الصبح

[محمد الجبريني]

هههههههههه
قامت الحرب


انا من روس قومٍ سيفها وقت القى خجاج=هجومي ياعميل الخير مثلك مايصدونه
ياكبتن هيلو كبتر منت طايف سرعت الميراج=ترى الميراج حربيه بكم صاروخ مشحونه

[محمد الجبريني]

عاشو

وصحت السنتكم

يالنشاما

عواد هلا وغلا انت جيت
حياك الله اشوى انك نأخرت شوي ولا مدي الميراج ما طارت هههههههههه
كيف تطير وقدامها اف 15 مدري 16 عواد العلى تقبل شكري على مرورك وفائق تقديرري يالقرم

[عبدالمحسن الحارثي]

انا ربعي بن الحارث لياجا للحروب اعجاج=الا ياكم حريبٍ يامحمد كبرة اطعونه
ترىما نته بخصمً مقبل ولا انته رديً هاج=ولا واشيب عيني يالكلام اللي تقولونه
ملاحظه (هاج)بمعنى الفرار

[محمد الجبريني]

مبدعين واصلو

متاااابع الى الصبح

لاهنت متابع الى الصبح بيظ
الله وجهك يامنوخ هذا من طيبك والشرف لي ولاخوي الشاعر الغالي عبدالمحسن الحارثي

هلا يامرحبا باالشيخ ولد الشيخ ولد الشيخ
هلا بمنوخ اللي نسمع بذكره وبخباره
سمعنا به وذكره معتلي للجدي والمريخ
ياربي لاتهينه عز شانه لي ومقداررره

[عنود القصيد]

هلا يامرحبا باالشيخ ولد الشيخ ولد الشيخ=هلا بمنوخ اللي نسمع بذكره وبخباره
سمعنا به وذكره معتلي للجدي والمريخ=ياربي لاتهينه عز شانه لي ومقداررره

لله درك

ولايهونون الشعراء

[محمد الجبريني]

والله لي ساعه وزياده وانا احول والمشكله اتظحتلي بالمنتدى بعد التحديث الجديد لغرابيل ليس بالاتصال لان حتى الماستجر فتحته اظني اعينك با اخوبي عبد المحسن ولاكنك غير متواجد وارسلت لك رساله بذالك تجدها




ونعم ونعم ياالحرث عدد ماحجو الحجاج =وعدد من زار بيت الله وطاف وحج بركونه
انا صم الحديد اليا سهجته لان لي ونعاج =وحكم الشعر والشعار والقيفان مظمونه




لتوظيح فقط
(مضمونه) سرت ولا كنها
هنا تختلف باالمعني
والقصد لا باالكلمه نفسها
وهذا جايز في المحاوره حسب
علمي والله اعلم من كل شي
__________________

[منوخ العمودي]

لاهنت متابع الى الصبح بيظ
الله وجهك يامنوخ هذا من طيبك والشرف لي ولاخوي الشاعر الغالي عبدالمحسن الحارثي

هلا يامرحبا باالشيخ ولد الشيخ ولد الشيخ
هلا بمنوخ اللي نسمع بذكره وبخباره
سمعنا به وذكره معتلي للجدي والمريخ
ياربي لاتهينه عز شانه لي ومقداررره




اخوي محمد الجبريني

بيض الله وجهك على هذه الابيات الجميله

هذا من طيبك وطيب اصلك يالغالي

الم شاء الله نردها لك بالافراح

[ماجد الرويس]

يدوم بك البقى ماقدمك الا يوسف الحجـاج
ويوسف من ثقيف وربعك الحرث يعرفونه
صح لسانك يامحمد

ولا يايوسف الحجاج قدمك بحري الهـداج
لاكن انت الشكيمه والشكيمه وش يانادونـه


صح لسانك ياعبد المحسن


والصف شبابي

تحياتي لكم يامبدعين

[عبدالمحسن الحارثي]

تجيد الحبك مدري السبك والا فالمعاني داج=تجر الصوت مدري ليش تبغى الناس يوحونه
اكل تمر المدينه والا اكل من منتج الافلاج=ترى صاحبك عنده رد كل اللي تجيبونه

[محمد الجبريني]

استلم



انا في خير يابن الناس ماني لك ترى محتاج=واشوفك يابن حارث فاظين تمرك وماعونه
ترى ماتمشي الدعوا بلا حجه ولا منهاج=وانا فارس ومليون الف مثلك ما يظدونه

[عبدالمحسن الحارثي]

علامك يامحمد ليش تنسى قصة المعراج=احسبنه ثري واثر محمد واجد اديونه
هاوش رايك لو نخلي القضيه داخل الادراج=ترى عباث نادى بالرباعيه مع الحونه

[محمد الجبريني]

علامك يامحمد ليش تنسى قصة المعراج=احسبنه ثري واثر محمد واجد اديونه
هاوش رايك لو نخلي القضيه داخل الادراج=ترى عباث نادى بالرباعيه مع الحونه


تبي مخراج مني قولها وابعلن الاافراج=وعباث ازهله عندي ابا كسر لك اقرونه
مشينا يمهم نديلها معهم لحد الصاج=وخنذف من قديم اصلٍ شبابه ما يحيلونه


وتشرفت معك باالعب يا القرم وتقبل شكري وتقديري مادام انها رباعيه زي ماقلتلك الهجوم الساحق على شبابه وان بغيت ترد ولا نقفلها
انت حر ومن احر الاحرار مع اننا متفقين الى الفجر بس بنروح الشبابه وهناك تشوف حامض العلم ميرر الله الله امسك ظهري لايجيه برد ولا لا سبحان الله
ههههههههه

تحياتي واحترامي

[عبدالمحسن الحارثي]

ههههههههههههههه
الشرف لي يابو حميد بالعب معك
ولرباعيه ترى
البرق شام

[بادي السبيعي]

الجبريني والحارثي صح الله السنتكم

[نـواف الشمــري]

صحت السنتكم جميعا ولا هنتوا




تابعوا




فمان الكريم

[محمد الجبريني]

الله لايهين
كل من مر الف شكر
له على مروره واخص الاخوان

كلٍ

من


الشاعر/بادي السبيعي

والشاعر/ نواف الشمرررري


اقول لهم صحت ابدانكم وقلوبكم لاهنتم والمعذره على تأخري في الرد لانكم تأخرتم
في الحظور والمعذرره من جميع من مر وسلم ومسك الصف
ولا مامسكه حظووره شرف تقبلو فاائق
شكري وتقديرري
اخوووكم
محمد