مشاهدة النسخة كاملة : وش حيثهم الرجال يطلقون وحنا لا 00نويت أني أطلق
بقايا إنسانه
27-10-2008, 10:16 PM
ايبله ضايقن صدري بالحيل ليش حنا طايحين من عيونهم وراهم مايخلونا نطلق مثلهم
<<< ماعندها وقت على طول داخله بالموضوع
ولا يابنوتات يانعومات يابعد تسبدي أكيد كلياتكن مهضومه حقوقكن
لذلك أنا جبت طريقه سرريه وعاجله وفتاكه تخليهم غصبن عن أبو جد جدهم يقتنعون بنا ويعرفون أن الله حق وأنه لنا حقوق مهضومه ويوافقون غصبن ورى خشومهم ويخلونا مثلهم نطلق
لا وبدال الوحده عشر
وبدال العشر ميه
الى الخطه
رجااااااااااااااااااااااا ااء رجائن حارن توه مطلع من الفريزر أي واحدن له شنبات يقضب الباب
يالله يابنياتي كل وحدتن تتلفت تشوف أنتسان حوله من هالشنبات تكزه لها بقوطي ببسي عشان يدحدر من فوق الطعس
بقولكم الخطه على شكل قصه عشان تستوعبونها بسرعه وتطبقونها بحذافيرها
حصيصه بنتن مؤدبتن بالحيل وراعية سوالف وفلة حجاج
دايم تروح مع صقيقاتها للمطرسه وتوسع صدرها ولو أنها ماهنا زود بالدروس بس أهم شي تغير جوووو وتشوف خشش البنات
ومرتن من المرات جاهم خاطب وبعد مد وجزر وتنبيش بالرجال تمت مراسيم الزواج على خيرر
ومر شهر العسل
وبعده بصل
وبعده ثوم
وبعده مره وحلتيته
وصار الرجال يطلع ويخلي حصيصه منكسرتن الخاطر بالبيت
ومن زود القشر أن ماعندها بزر يوسع صدرها
وزودن على طين بله صار الرجال كل أربعاء يطلع ولا تشوف خشته إلا ليلة السبت << لايكون متزوج مسيار بس(طبعا هذا تفكير حصيصه يابعد تسبدي من الفراغ اللي ذابحها
ومرة سنين ومنين على هالحاله
وفي يومن من الأيام 00آآآآآآآآآآه << لازم أسلوب الحزن
كانت حصه قاعدتن لحاله وتفكر وتفكر وتفكر لين كبر راسها من زود التفكير وأنفجر وطلعت لها فكرتن جهنميتن بالحيل
قالت أيبله أنتي صادزه ياالفكره وين أنتي عني من زمان 00أنا حسبت أني حرمه لا أفك ولا أربط
بس ما دام أن السالفه تسذا أبشري وأنا وشسمه من باتسر أطبقها
ويجي يوم الإربعاء وحصه تقل على منقد ضووووو من الحماس
وتروح وتفتح دالوب رجلها وتطلع هذك اللي يشبه المسدس بس أنه طووويل (عرفتوه أكيد)
المهم مالكم بالطويله
ومير تاخذه وتروح لرجلها وهو يتغدى وتجيه من ورى وتمد هاك المسدس على راسه
قالت شف يافلان
قل تم
قامت تنافض ركبه تقل به صعقه كهربائيه <<<ياحيف على المرجله بس راحت ملح
قال تم بس وخري هالبليه عن راسي
قالت لا مانيب موخرتها وأنا بنت منيره لين توقع عليها
قال وش هي يامره
قالت أبي أطلق مثلك
قامت تدور أعييناته تقل حبة زيتونه بصحن فاضي
يامره أعقلي وش هالهرج
ايه وش حيثني أنا ما أطلق وراه بس أنت اللي تطلق قلي هاه علمني بس
لا والله طلقتن تحب راسك وتوديها للمقبره
قال يامره خلينا نتفاهم
وش أنتي شايفتن علي
لاتقولين روحاتي كل خميس وجمعه أنت تدرين أني مانيب راعي خرابيط
أنا أروح أصيد
ايييه وأنا وش قلت أنا أبي أصيد مثلك أبي أطلق رصاص من هالمسدس لين أجمع لي كم عصفورن أملح
أبي أوسع صدري بهالبران وأعزم كم وحدتن من زميلاتي على هالعصيفيرات يالله من فضلك
اييييييييييييه يامره تم تم تم بس وخري عني من هاللحين أركبي
<<< وهكذا ننتصر عليهم ونروح نوسع صدرنا مع هالأمطار ونفلها ونشوف البر اللي لنا كم سنه مابعد شفنا شكله أكيد تغير وقلب لونه مع الشمس
كنتم مع أختكم
بقااايا أنسانه
الأميرة الناعمة
27-10-2008, 10:45 PM
ههههههههههههههههههههههههه ههههههههههههههههههههههه
الله يرجك انتي و حصيصه
اجل تبي تطلق
يومها عرفت تمسك المسدس
وشلون بتثبت الهدف :خخخخ:
لو انا منها ما تفاهمت معاه اطلق على طول :وردي:
بس المصيبة اني بروح السجن و تنتهي حياتي على هالمهبول
علشان كذا انا عندي لها فكره جهنميه
من يطلع زوجها
تلبس واحد من اثوابه
و تطلع وراه :ويوي:
مو يقولون حقوق المرأة
خلاص احنا نطبقها
<< بتخرب بيت البنية :خخخخ:
بقايا
تسلمين يا قلبي على الموضوع الخطير
و ما اوصيك
اي شنب يدخل :قهر:
اطلقي عليه
من عند الباب :اظافري:
مستووو
27-10-2008, 11:00 PM
ههههههههههههههههههههههههه هههههه
أجل بقايا كل ها الزحمه
ومسدس من الدالوب << شكله معلاق
كل هذا عشان كشته بالبر
ههههههههههههههههههههههههه ه
صز عليكم حركاااااات
بس عندي فكره بقايوووه
وش رايتس للي مثل حصوووه والحريم اللي يعانون نفس المعاناة
يتعاقدون مع شليويح سواق الباص يوديهم للبر كل خميس
عشان يفتكون الرجال من تهور الحريم بالمسدسات
خخخخخخخخخخخخخخخخخخخخخخخخخ
تـقبلي مروري
ناعمة
27-10-2008, 11:19 PM
,
ههههههههههههههههههههههههه ههههههههههههههههههههههههه هههه
ههههههههههههههههههههههههه هههههه
والله معذورة البنت كل اسبوع بر
صيف - شتاء - خريف - ربيع ...... صار البر جارة الحريم خخخخخخخخخخ
وحصيصه منها كثيررررررر ياعومرررري
واما تبي تطلق مثله على العصافير .. انصحها ماتجرب ( صاروا الطيور عصافير هههههههههههه )
قلبو
مرسي اوي ع هيك فكرة جهنميه
ورح نستفيد منها بالمستقبل :مزون:
تنكيو
,
كونوا بخير
دفا المشاعر
28-10-2008, 03:43 AM
بسولافتك هذي بتكثر نسبة عنف الزوجة ضد زوجها
ههههههههههههههههههههههههه هههههههههه
امممم أنا عندي كمان فكرة أكثر جهنمية من هالطلقة لأنه مصيرها المسيكينة السجن على قولة حسوسة
الفكرة هي :
تنكبه بالأكل تخلي الأكل المالح ملحه كثير ألين عيونه تحمر بحالة إن زعلها
وإن رمى عليها طلقة ترفع عليه قضية خلع هههههههه < طلاق الحريم بالخلع
،
ميرسي يا بقبق
< دلع جديد قابل للتعديل
تسلمين يا عسووولة
ودي وتقديري
محمد بن ضاوي
28-10-2008, 04:52 PM
رجااااااااااااااااااااااا ااء رجائن حارن توه مطلع من الفريزر أي واحدن له شنبات يقضب الباب
يمكن احد يصدقني!!
يمكن ما احد يصدقني !!
بس والله اول ماقريت الجمله اقتبستها وعلى طول بالسهم نزلت بكل ما املك من قوه عشان ما اشوف الكلام اللي بعده
ترى وربي اتكلم جد واني ما ادري وش بعد هالجمله
علشان كذا مدري والله كيف ارد عليك بقايا؟؟؟
من جد كيف ارد وانا ماكملت قراية الموضوع ههههههههههههههههه
تدرين برد واللي يصير يصير بس عساني اوفق في الرد هههههههههههههه
الرد :
تسلمين اختي بقايا انسانه على مقدمة الموضوع الحلوه ههههههههههههههههههههههههه هههههههههه
بقايا إنسانه
28-10-2008, 05:34 PM
^
^
^
محمد بن ضاوي
أحتراما لرجولتك وأمانتك أنت بذات مسموحن لك تقرى الموضوع من الى
بس هاه لاتعلم أحد على خطتنا ثمن نبلش
لي عوده لردود السابقه
محمد بن ضاوي
28-10-2008, 06:35 PM
8
8
الله يجزى المحسنين خير ويكتبها في موازين حسناتك ههههههههههههههههه
بس من جد انتم وش فيكم علينا ؟
ترى قسم اننا حليلين بس انتم مدري وش فيكم علينا؟
كل دايم ,, كل دايم ماغير تحسسونا اننا مب حلوين
بقايا ترى برد الآن على الموضوع !! زين؟
انتي قلتي رد
انا برد
ههههههههههههههه حسيت اني ضعيفون على الاسلوب
من جد انرحم ههههههههههههههههههه
ونشوف البر اللي لنا كم سنه مابعد شفنا شكله أكيد تغير وقلب لونه مع الشمس
اما هذي من جد يديده جديده يديده هههههههههههههههه نفسي اشوف البر بعد ماقلب لونه من الشمس ههههههههههههههههههههههه
محمد بن ضاوي
28-10-2008, 06:35 PM
مكرر ويبي له حذف
بس هو لوحده الرد اللي فوقه لا عشان ماهو مكرر
زين؟
almajdws
28-10-2008, 07:17 PM
السلام عليكم ورحمة الله وبركاته
خيتي مشكورة بس اكيد انتو بالسعودية تعيشن قهر شديد انا جوزي ما يطلعني لا ع مطعم والا غيره الا للمستشفى لين تعبت بس اكيد اروح وايا خواته وخواته كثار هه 7 خوات والا وايا اهلي بس اكيد احنا حياتنا صعبة مو مثلكم
نحن دايم ندعي انهم يرجعون بسلام لنا
بس روحك حلوة وعندك موهبة تأليف تقدرين تألفين قصص
شـكــ وبارك الله فيك ـــرا لك ... لك مني أجمل تحية .
ماريا
28-10-2008, 07:19 PM
ههههههههههههههههههههههههه ههههه حلوة لاحلوة وخطيرة بعد
بس هذا يبله اخوي خصوصا من اطلب شي مايسوية لو يدفنوني قدامة ماتحركة شعرة وحده
تسلمين بقايا انسانة موضوع ولا اروع جاري التنفيذ....................
almajdws
28-10-2008, 07:48 PM
شو رايك شكلي فريق حقوق المرأة وطالبي بيها والا يذبحونك
Aqua Butterfly
28-10-2008, 08:19 PM
شـكــ وبارك الله فيك ـــرا لك ... لك مني أجمل تحية .
غلا أبوها
28-10-2008, 08:26 PM
ههههههههههههههههههههههههه هههههههههههههههههه
موضوع خطيررررررررر وعجبني اسم حصيصه
ياقلبي عليها تبي تطلق رصاص وربي انها جدعه ع قولة اخواننا المصرين
وتشكرات باقيا علة هيك موضوع
بقايا إنسانه
31-10-2008, 11:37 PM
حساسه
لاحبيبت قلبي أنا ما أدعوا للإجرام <<عشان مايقولون أرهابيه
أنا بس كان قصدي شريف يعني بس تخوووفه
تشكاراتي على تواجدك الأول
بقايا إنسانه
31-10-2008, 11:40 PM
مستوو
أجل بقايا كل ها الزحمه
ومسدس من الدالوب << شكله معلاق
كل هذا عشان كشته بالبر
ههههههههههههههههههههههههه ه
ايه وش عليك أضحك
مقيوله اللي رجله بالبر ماهوب مثل اللي يتسدح بين أربع جدران
تشكرات على تواجدك
وبالنسبه لتعاقد مع الشليويح
للأسف هذا الإقتراح مرفوض
وشوله يومنا نزج الدراهم يمين ويسار ونروح ونتعنقد بعبياتنا مع الشليويح والله موسعها علينا
بقايا إنسانه
31-10-2008, 11:43 PM
ناعمه
واما تبي تطلق مثله على العصافير .. انصحها ماتجرب ( صاروا الطيور عصافير هههههههههههه )
لاتخافين هي أصلن بيجيها تمزع بكتفها من شيل هالبندقيه
بس هو مجرد تخويف لأبو الشنبات
يعطيتس العافيه على هيك مرور رايق
بقايا إنسانه
31-10-2008, 11:54 PM
دفا المشاعر
امممم أنا عندي كمان فكرة أكثر جهنمية من هالطلقة لأنه مصيرها المسيكينة السجن على قولة حسوسة
الفكرة هي :
تنكبه بالأكل تخلي الأكل المالح ملحه كثير ألين عيونه تحمر بحالة إن زعلها
وإن رمى عليها طلقة ترفع عليه قضية خلع هههههههه < طلاق الحريم بالخلع
لا حنا مانبي نروح في ستين داهيه ويرجع الأمر بيده ويكون هو المسيطر
تعرفين الرجال مايجابون باللف والدوران
يالله كل شي صريح وعساه ينفع معهم
تشكررراتي حبوبتي على مرورك العذب
بايوووه ههههههههههههههههههههههههه هه
ياحبي لك وللقماري <<انتعش جوي مع الصيد
تصدقين انا اول قدم تطاء السياره بالبندقيه
بس عمري ماصدت غير فناجيييييل حسافه :مزون:
<< تخيلي عاد اذبح عصافير احححح ياساتر
بقايووه تسلم يداتك الف مره
الله لا يحرمنا منك
سلام..
ههههههههههههههههههههههههه ههههههه
بقايا والله نصايحك تخرب بيوت عاامره
وانصح اي بنت تقراها تغض الطرف وتنساها
ولا تخرب بيتها بيدها
<<== ناوي ينظف بيته بعد الزواج من السلاح حتى السلاح الابيض
وتسلمين على هيك نصيحة تودي بداهيه
تحية عطرة
بقايا إنسانه
11-11-2008, 01:02 AM
محمد بن ضاوي
ترى قسم اننا حليلين بس انتم مدري وش فيكم علينا؟
كل دايم ,, كل دايم ماغير تحسسونا اننا مب حلوين
تصدق بس أني رحمتكم << إيه هين بس قال إيش قال حليلين كثر منها
يعطيك العافيه على هيك مرور
بقايا إنسانه
11-11-2008, 01:11 AM
المجد<مدري صح ولا غلط
السلام عليكم ورحمة الله وبركاته
وعليكم السلام ورحمة الله وبركاته
خيتي مشكورة بس اكيد انتو بالسعودية تعيشن قهر شديد
لا والله ياوخيتي أن جيتي للجد ماهنا قهر بالعكس مبسوطين
ياختي قاعدين بالبيت تحت المكيفات والبراد يالله من فضلك وضامنين رزقنا على الله ثم بمجهود الشنبات
وأن بغينا نطلع نرفه عن نفسنا نلبس حجابنا ونركب السياره ولد أمه اللي ما يمشينا
نحن دايم ندعي انهم يرجعون بسلام لنا
ليش خيتوووو وين عايشه أنتي <<تسن الأمور غير مستتبه عندكم
بس روحك حلوة وعندك موهبة تأليف تقدرين تألفين قصص
وه بس فديت قلبك <<هون خقييييييييييت خلاص لا أحد يتكلم معي
حياك أختي وشرفني تواجدك العطر
بقايا إنسانه
11-11-2008, 01:13 AM
ماريا
إيه أبد ياوخيتي عليتس به
خوذي حقتس منه
تغدي به قبل يتعشى بك
وأنا أضمن لك أنك بتاصلين حد الشبع
شرفني تواجدك
بقايا إنسانه
11-11-2008, 01:14 AM
نور التقى
مشكوره لعبورك
بقايا إنسانه
11-11-2008, 01:15 AM
غلا أبوها
أبد ولا يهمتس متبرعين بالإسم
تسلمين لتواجدك المميز
بصمتــي اذلـك
13-11-2008, 12:42 AM
ـهههههههههههههههههههههههه ههههههـ
وه بس فديت قلبك <<هون خقييييييييييت خلاص لا أحد يتكلم معي
تر بتكـــلام <<مؤدبــــــــهـ
فكـــرهـ جهنمـــــيه :11umbup:راح اجاربـــهـ مستقبلــنـ وعلمــك رجعت لبيت اهلي ولا لا <<اللهـ يحاينا
يعطيـــــك العـــــافيــــــهـ عـ اضحــــــــك الي ضحكتـــــــهـ
جميل الثبيتي
13-11-2008, 01:01 AM
ومير تاخذه وتروح لرجلها وهو يتغدى وتجيه من ورى وتمد هاك المسدس على راسه
قالت شف يافلان
قل تم
قامت تنافض ركبه تقل به صعقه كهربائيه <<<ياحيف على المرجله بس راحت ملح
قال تم بس وخري هالبليه عن راسي
قالت لا مانيب موخرتها وأنا بنت منيره لين توقع عليها
قال وش هي يامره
قالت أبي أطلق مثلك
والله هيك الطلاق ولا بلاش
بقايا إنسانه من أجمل ما قرأت من التسلسل والتنوع
والسرد الذي يجبر الشخص على متابعة القصة اسلوب
ساخر في قالب كوميدي ولكنه ايضا في شكل تشويق
وواقع نعيشه للأسف من تجاهل بعض الرجال لنسائهم
اضحك الله سنك ورفع قدرك
عشرة على عشرة
بقايا إنسانه
15-11-2008, 08:11 PM
بنت برقا
بس عمري ماصدت غير فناجيييييل حسافه
أبد هذي فاتحت خير يا وخيتي
الواحد أول شي يتعلم بالأرض ثمن ترتفع معنوياته فوق ويصيد القماري وبني جنسهن << أبوك يارفع المعنويات
بنت برقا
فرحت مره مره يومنتس مريتي علينا هنيا:مزون:
بقايا إنسانه
15-11-2008, 08:16 PM
سعود
بقايا والله نصايحك تخرب بيوت عاامره
أنت لو تدري وش يطلع من البنات اللي عندهم حالات نفسيسلوجيه طلع لهم بعد الحبس بين أربع جدارن أنتسان ماقلت تسذا
بالعكس أنا هنا أوجهم لطريق الصحيح وأخفف من الضغوطات
يعني أبد لاتخاف حط في بيتك جميع انواع السلاحات اللطيفه والعنيفه
تشكرات لوجودك
بقايا إنسانه
15-11-2008, 08:25 PM
بصمتي أذلك
تر بتكـــلام <<مؤدبــــــــهـ
وه بس ياحبنيلي للمؤدبين
تكلمي ياوخيتي كلي أذانون صاغيتون
فكـــرهـ جهنمـــــيه راح اجاربـــهـ مستقبلــنـ وعلمــك رجعت لبيت اهلي ولا لا <<اللهـ يحاينا
ايه تسذا التفائل 00إن شاء الله بترجعين لبيت أهلتس بخيشة قماري وتعزمينهم على طلعه محترمه مع أبو شباب <<عشان يقعد بها صح
يعطيـــــك العـــــافيــــــهـ عـ اضحــــــــك الي ضحكتـــــــهـ
دووووووووووووووووووووم أن شاء الله الضحك
ربي يسعدك على التواجد الرائع
بقايا إنسانه
15-11-2008, 08:27 PM
جميل ياجميل ماسطرته يداك من التحفيز والتشجيع
بوركت وبورك مدادك
<<< تسنها أستحت من هالكلام الزين
Powered by vBulletin® Version 4.2.6 by vBS Copyright © 2025 vBulletin Solutions, Inc. All rights reserved, TranZ by Almuhajir