عبدالرحمن البراق
26-10-2008, 04:11 PM
الشرهه على من طول في غيابه
،،،
اتمنى ان تنال اعجابكم ،،
الغايب اللي قطع في سبعة الهاصي = ومعطيه باشا السبيت وقبله العشره
أدبل غلاته بقلبي حب وإخلاصي = ومدي معه يكفي الاخبار والنشره
لكن في لجة غياب الزمن غاصي = وانا على مين في صداته ابشره
روح مراح الرياح وروحة الشاصي = اللي يسوقه عليمي عابس الكشره
غشيم وده يتابع كل مقناصي = حتى غدا بالدجا في حالةٍ قشره
ياهيه فعلك مثل فيروس الاقراصي = يعطب أساس الوصل ربعه على عشره
عاهدت وقتي ويشهد داني وقاصي = ان الحنايا تشيل القدر للخشره
الملح والزاد فيه الدين متواصي = من مبتدا العرف حتى تجعد البشره
أشري صداقة وفاء لأهل الوفاء ناصي = اللي تصون الغلا من ماضي العشره
لكن بمعدل النسبه للاخصاصي = الاغلبيه لقيت بروسهم وشره
تال الليالي لعب بالربع مشقاصي = وعلمهم هياط وقته كثرة الفشره
ماني بقايل غدو للفاسق العاصي = ولا صاحبو شلة الترويج والدشره
لكن غابو وسيف الصد قصاصي = وبسباب عذال خلو بالصدر حشره
لا بوك ياعقل يتبع كل نقاصي = ولا بوك ياقلب فيه شكوك منتشره
واللي يبا الكهربا مع شبكة الماصي = الله حسيبه بيومٍ مذهلٍ حشره
====================================
عبدالرحمن مجاهد البراق ،،
،،،
اتمنى ان تنال اعجابكم ،،
الغايب اللي قطع في سبعة الهاصي = ومعطيه باشا السبيت وقبله العشره
أدبل غلاته بقلبي حب وإخلاصي = ومدي معه يكفي الاخبار والنشره
لكن في لجة غياب الزمن غاصي = وانا على مين في صداته ابشره
روح مراح الرياح وروحة الشاصي = اللي يسوقه عليمي عابس الكشره
غشيم وده يتابع كل مقناصي = حتى غدا بالدجا في حالةٍ قشره
ياهيه فعلك مثل فيروس الاقراصي = يعطب أساس الوصل ربعه على عشره
عاهدت وقتي ويشهد داني وقاصي = ان الحنايا تشيل القدر للخشره
الملح والزاد فيه الدين متواصي = من مبتدا العرف حتى تجعد البشره
أشري صداقة وفاء لأهل الوفاء ناصي = اللي تصون الغلا من ماضي العشره
لكن بمعدل النسبه للاخصاصي = الاغلبيه لقيت بروسهم وشره
تال الليالي لعب بالربع مشقاصي = وعلمهم هياط وقته كثرة الفشره
ماني بقايل غدو للفاسق العاصي = ولا صاحبو شلة الترويج والدشره
لكن غابو وسيف الصد قصاصي = وبسباب عذال خلو بالصدر حشره
لا بوك ياعقل يتبع كل نقاصي = ولا بوك ياقلب فيه شكوك منتشره
واللي يبا الكهربا مع شبكة الماصي = الله حسيبه بيومٍ مذهلٍ حشره
====================================
عبدالرحمن مجاهد البراق ،،