محمد بن دحيلان
08-04-2004, 06:59 PM
السلام عليكم ورحمة الله وبركاته
مساكم الله بالخير جميع
هذي محاوره بين الشاعرين
ظافر ابن هندي السهلي
والشاعر سعد ابن جدلان الاكلبي
ابن هندي
يالاكلبي قرّب لعلّك ما تهون=عندي علومٍ يا عسى تفطن لها
الله يا علمٍ لفا بالتيلفون=خلاّ جنون الشعر تحضر كلها
ابن جدلان
اللي يمون انقول له قلّط تمون=واحدٍ نقل يا ذيب زلّ وخلّها
انتو عوارف تسمعون وتنظرون=واللي يبرّك للحمول يشلّها
ابن هندي
خل الميانه مير لدّ إليّ العيون=من شان نفرق دقها من جلّها
يا شعيل شيل الحمل من فوق المتون=ساعه بساعه والدروب اندلها
ابن جدلان
لا تحصرون الدر في ديس اللبون=فك الصرار احسن لكم واحسن لها
الطيّبون القالطون القالطون=قلنا لمن يتقن صلاته صلّها
ابن هندي
انته توصي وانت للبضعه زبون=ناسٍ كما حضرتك ويش اعملّها
للناس لون ولك يبن جدلان لون=حنا نعرف اهل الوفا من دلّها
ابن جدلان
السابقون انتو وحنا اللاحقون=من رز له خيمه يجي في ظلّها
عزالله انكم كلبوكم طيّبون=لكن ما اعرف دقها من جلّها
ابن هندي
اثرك تتبّعنا ونحن غافلون=ياملّ عينٍ غافله يا ملّها
ظنيت بالفارس وخابن الظنون=ماهوب لاقي ديرةٍ يحتلّها
ابن جدلان
انتو برازات السهول المؤمنون=بعض المراضا عندكم طبٍ لها
نبغي نختمّها بخير وتسلمون=يا عزوةٍ جابي لها حبٍ لها
ابن هندي
ان كان صايبكم من الدنيا جنون=حنا نحشر اجنونكم ونعلّها
ان مات ابويه ما كليته بالسنون=ياللي سكاكينك عليه اتسلّها
وصح الله السان الشاعرين
تقبلوّ تحياتي
..
مساكم الله بالخير جميع
هذي محاوره بين الشاعرين
ظافر ابن هندي السهلي
والشاعر سعد ابن جدلان الاكلبي
ابن هندي
يالاكلبي قرّب لعلّك ما تهون=عندي علومٍ يا عسى تفطن لها
الله يا علمٍ لفا بالتيلفون=خلاّ جنون الشعر تحضر كلها
ابن جدلان
اللي يمون انقول له قلّط تمون=واحدٍ نقل يا ذيب زلّ وخلّها
انتو عوارف تسمعون وتنظرون=واللي يبرّك للحمول يشلّها
ابن هندي
خل الميانه مير لدّ إليّ العيون=من شان نفرق دقها من جلّها
يا شعيل شيل الحمل من فوق المتون=ساعه بساعه والدروب اندلها
ابن جدلان
لا تحصرون الدر في ديس اللبون=فك الصرار احسن لكم واحسن لها
الطيّبون القالطون القالطون=قلنا لمن يتقن صلاته صلّها
ابن هندي
انته توصي وانت للبضعه زبون=ناسٍ كما حضرتك ويش اعملّها
للناس لون ولك يبن جدلان لون=حنا نعرف اهل الوفا من دلّها
ابن جدلان
السابقون انتو وحنا اللاحقون=من رز له خيمه يجي في ظلّها
عزالله انكم كلبوكم طيّبون=لكن ما اعرف دقها من جلّها
ابن هندي
اثرك تتبّعنا ونحن غافلون=ياملّ عينٍ غافله يا ملّها
ظنيت بالفارس وخابن الظنون=ماهوب لاقي ديرةٍ يحتلّها
ابن جدلان
انتو برازات السهول المؤمنون=بعض المراضا عندكم طبٍ لها
نبغي نختمّها بخير وتسلمون=يا عزوةٍ جابي لها حبٍ لها
ابن هندي
ان كان صايبكم من الدنيا جنون=حنا نحشر اجنونكم ونعلّها
ان مات ابويه ما كليته بالسنون=ياللي سكاكينك عليه اتسلّها
وصح الله السان الشاعرين
تقبلوّ تحياتي
..