عشق ليل ،، اقرب لاهنت

[ابن هندي]

اسعد الله مساك ،،


ودي معك بـ هالطاروق لاهنت



يا اهل المواقيف ما فالسالفه شكٍ ولاريب=بالزند شبّيت لي ظوٍ وابرمي عشق فيها
لن كان وانه على ذبحي يسجّل له مكاتيب=انا له الموت الاحمر والميادين احتميها

[مشعل العتيبي]

الله الله ياسلام يابن هندي


بنتظار عشق ليل ومتابع لكم وعساكم على القوه :برافو: :برافو: :برافو:

[أبوعبدالرحمن]

اسعد الله مساك يا ابن هندي

اليوم علينا برد .. ومطر .. وخيييييير كثييييييير .. والطاروق معك مهوب شين .. مع إن الواحد وده ينقز لأقرب طعس ويستمتع :confused:

استلم


ما كنت اظن الهقاوي فـِـ ابن هندي شوي وتخيب=يشّب له نار ذا المسكين ثم يجلس عليها
أنا ترى عادتي ما اذبح يا كود من البشر ذيب=وإن كان ما هوب ذيب افديرتي يحرم يجيها

[طيف الوله]

:برافو: :برافو: :برافو:


عشق ليل وبن هندي واحلى محاوره

صحت قلوووبكم

[ابن هندي]

طيب طيب ولوّ ماهوب ودّي


الراجع الشطور الاوله من بيوتك يا عشق

واستلم


لاهنت واعدل مسيرك عند عكفان الاشنايب=واحذر تكحّل عيونك يا عميلي واتعميها
عادتك لك والرجال اهل الوفا ما تقرب العيب=مالك معي كود ضرس وناب وانت اختر حديها

[أبوعبدالرحمن]

الله الله


استلم يابن هندي


ما قـد خبرنا ضروسٍ تجتمع مع طلعة الشيب
ــــــــــــــــــــــــ ياكثر من ضيع ( الرزة ) وهو ميت يبيها

ومن ضيّع العلم ما يقدر على فعل المواجيب
ـــــــــــــــــــــــ والفزعة اللي تجي دايم اشوفك تحتريها

[طيف الوله]

ماقد خبرنا ضروسٍ تجتمع مع طلعة الشيب
ــــــــــــــــــــــــ ياكثر من ضيع ( الرزة ) وهو ميت يبيها:confused:

رااااااااااائع يا عشق


اكيد سنستمتع الليله مع عشق وبن هندي

[محمد بن دحيلان]

الله الله الله









لاهنت واعدل مسيرك عند عكفان الاشنايب
واحذر تكحّل عيونك يا عميلي واتعميها
عادتك لك والرجال اهل الوفا ما تقرب العيب
مالك معي كود ضرس وناب وانت اختر حديها


ياسلالالالالالالام عليكم


ما قـد خبرنا ضروسٍ تجتمع مع طلعة الشيب
ــــــــــــــــــــــــ ياكثر من ضيع ( الرزة ) وهو ميت يبيها

ومن ضيّع العلم ما يقدر على فعل المواجيب
ـــــــــــــــــــــــ والفزعة اللي تجي دايم اشوفك تحتريها


ياسلام

واصلووووووووووا



تحياااااتي للجيمع



اخووووكم


ابن دحيلان

[محمد الاسمري]

الله الله يا شعار

صحة قلوبكم

فاتنا الشي الكثير لكن ما ابطى من جاااااء

معكم وننتظر العلووووووم تزين

:confused:

[ابن هندي]

يسلام يسلام

ولاهنت على تعديل بيوتك الاوله

استلم

،،


انته بشر يا اجودي منته بعالم وش ورا الغيب=واللي تبوق الامانه واجبٍ قطعة يديها
يا ضعيّف الزند وين انته ووين اهل المشاعيب=يحدونك اليا بغوك ولاانت قادر تحتديها

[أبوعبدالرحمن]

:برافو: :برافو: :برافو:

استلم ،،


لا واحليلك يا ابن هندي غدى في مشيتك ريب=صدَّقت ( صحّافك ) وقمت إتَّـهـبـَّـد وِتـْحَـديها
واهل المشاعيب أعلقها وزاني بالعراقيب=وأضحك على أشكالها وأقول ربي مبتليها

[مجروحة الزمن]

:برافو: :برافو: :برافو:


ياسلاااااام عليكم محاوره اكثر من روعه

استمرو واحنا معكم:confused:

[محمد بن دحيلان]

الله الله الله



يالعشق


وااصلو الليل الليل



تحياتي للجميع

[ابن هندي]

الله الله


استلم يا عشق وحافظ على القاف



من ضاق يقدر يقول اللي تقوله دون تصعيب=مير احفظ القاف لا يسري وصر رجلٍ نبيها
والله وانا ظافر انه مااشغلتني حذفة عضيب=يا عضيب هوّن قبل كبدك على النار اشتويها

[محمد بن دحيلان]

من ضاق يقدر يقول اللي تقوله دون تصعيب
مير احفظ القاف لا يسري وصر رجلٍ نبيها
والله وانا ظافر انه مااشغلتني حذفة عضيب
يا عضيب هوّن قبل كبدك على النار اشتويها


الله الله الله الله


دكتوووور يابن هندي ياسلالالالالالام





الليل الليل


تحياتي للجمييييييع

[أبوعبدالرحمن]

حلو :برافو: حلو
لكن ليتك بعد تشوف المعاني اللي راحت كيف ردك عليها !!! :بفكر:
على العموم استلم

القافلة وجَّهت بحمولها من دون تثريب=وان عارضتها الصغار أقول يارب تْهَديها
أبْـك أبْـك أنا سِم حية وان كليت السم ما تْطَّيب=أبشر بموتك وقدامك جهنم تصطليها

[محمد السبيعي]

يعطيكم العافية
وامتعتونا فعلاً
.
.
.

[ابن هندي]

يسلام :برافو: يسلام

كلامك طيب يا عشق ليل استلم الله يحييك



يا كبر هولك ولايـِـشره عليك إمن الاصاحيب=ما يِشره الا علي اللي كل حاجه يقتضيها
يالحيه ام اللسان اليا قضبتس فالكلاليب=بشنكرتس واكسر انيابتس واقول إلتس انقليها

[محمد بن دحيلان]

يا كبر هولك ولايِشره عليك إمن الاصاحيب
ما يِشره الا علي اللي كل حاجه يقتضيها
يالحيه ام اللسان اليا قضبتس فالكلاليب
بشنكرتس واكسر انيابتس واقول إلتس انقليها




الله الله الله



صح السانك






واصلوا ياشعااااااار




تحياتي للجميع

[أبوعبدالرحمن]

يا سلام
طيب طيب

استلم
،،،

أثْرِك( بلوشي ) وتبغى معْ عمامك زود تأديب=وإن ما تأدَّبت جاتك صاعقة ما تِـنِّـسـيـها
الشعر فنٍ وذوق وللنفوس القشر تهذيب=ما هو ظهر هاملٍ من هو لقاها يمتطيها

[محمد السبيعي]

شــاب الــقــاف
وجــمَّــل الـلـه حــالـكـم

وتعتبر المحاورة انتهت عند هذا الحد
وسيتم إقفال الموضوع .

تقبلوا تحياتي ،،،

.

[أبوعبدالرحمن]

هلا بشاعرنا محمد السبيعي

وعن اذنك وانا اخوك بفتح الموضوع

وابشرك أنا وابن هندي اخويا ومتفقين على المزح ولو تلاحظ ان القاف شاب من أوله ,, يعني الدعوة مقصودة وما تتعدى نظاق الاخوة ابدا ...


وصح السانك يابن هندي واخذت معك سجة طيبة ,, ومحاورة استاذ مثلك مكسب لي
وان شاء الله تتكرر هالمحاورات بيني وبينك ..

وتحياتي لكل من مر على الموضوع وشارك فيه ..

واكرر شكري لك يابو تركي على حرصك ...

[طيف الوله]

:برافو: :برافو:

بدوووووووون مجامله من اروع المحاورات التي قرأت

لا تقفلون الموضوع استمرووووو:confused:

[محمد السبيعي]

تمون يا ابو عبد الرحمن ولا يهون الأخ ظافر
وأنا ما داخلٍ قلبي شك فيكم


ما فاتني شي وأدري بالسوالف والهناديب=أحب طيب السوالف وأتخير وانتقيها
ويالربع أنا عارفٍ وسْط البحر در وشواذيب=وكل الشواذيب خَطْرة لو تربِّي وِتْغـذيها
والرجل ما هوب يجلس لين تندبه المناديب=الناس لامن لقت قصة ترى تروح تْحكيها