لون الحداد وسيد النزوات

[عبدالعزيز بن سعيد البحيري]

لون الحداد وسيد النزوات=وتدوين للحظات فغيابك

كنت الحبيب ألي عليك آهات=تهزني ذكراك واحيا بك

وكنتي خرافه تنحكي حكوات=وكانت حكاياتي تسما بك

والحين عذرك للغضي زلات=ياكره زلاتك على أحبابك

الأخ والصديق والشمات=أصبح لهم توقيع بكتابك

تبغي الصراحه.إيه.حبك فات=والحين لا احبك ولا أهابك

يا انسه تطري علي ساعات=اكره خفوقي لنه اوصا بك

أحشاء قلبي للشعر قوات=وأنتي تقولي الشعر عرابك

تعالي أمول عليك أبيات=وأرجوك خليها على حسابك

ماعاد ينفع تطعن ألي مات=ما تفرق الطعنات لجنابك

خلي سواليفك علي بذات=أشياء تفتح للعدو بابك

ولون الحداد وسيد النزوات =من المؤكد غاب بغيابك



تحياتي للجميع

[احمد مناحي]

عبدالعزيز البحيري

هلا بك وغلا

صح لسانك الى رضاك

قصيدة رائعه رغم ماتحمل من الم وحسره .

كتبت فابدعت وامتعت

ولي ملاحظه بسيطه ان سمحت لي بها وهي :

انتقالك بصفة المخاطبه مابين المذكر والمؤنت .

الافضل توحيد الصفه اما مذكر او مؤنث لجواز التذكير في الغزل .

عموما انت شاعر رائع

تقبل مروري