دمع القلم

[عبدالرحمن الدوسري]

السلام عليكم ورحمة الله وبركاته اخواني

أعضاء هذا المنتدى المميز هذي أخر قصيدة

كتبتها بدموع القلم الذي ارتسم على خد الأوراق

ليشكل هذه القصيدة التي أتمنى أن تحوز على رضاكم وإعجابكم

لكم القصيدة ولي الشرف بمروركم عليها وردك



دمع القلم ينزف على خـد الأوراق=يكتب تفاصيـل الـوداع الحزينـة

حيرة سهر غيرة قهر هـم إرهـاق=علة شقى قلة لقـى هـم غبينـة !

هذي حياتي من بعد هجـر وفـراق=من شافني تمتـم حـزن ياعوينـه

كلن رحم حالي عـواذل وعشـاق=وانتي يا اغلا الناس ما ترحمينـه

ماهو بصدري بس من غيبتك ضاق=حتـى شـوارع حيّنـا والمدينـة

من بعدها دنيـاي ماعـاد تنطـاق=وأصبحت لأحزاني وهمـي رهينـة

الفرح وشهو الفرح غير أبني العاق=وأشد صدمات الأبو مـن ضنينـه

والحـزن رجـالٍ غثيـثٍ ولـزاق=وذب الميانة حيـل بينـي وبينـه

والحظ من صغري وأنا حظي معاق=يبغى الوقوف ولالقى مـن يعينـه

والبعد قاضي حاكم بقطع الاعنـاق=والصـد سيافـة وأنتـي عوينـه

والشوق ناره تحرق ضلوعي احراق=والذكريـات الماضيـة بانزيـنـه

والشعر لازاد الحزن صـار معـلاق=أخلع ثياب الحـزن فـي راحتينـه

أقطف من زهور الشعر كل مـالاق=فلـة وريحانـه مـع ياسميـنـه

وأسبح فبحره وآتعمـق بالاعمـاق=وأطلع وفي يـدّي جواهـر ثمينـه

ويقول بعض الناس لـك رب رزاق=يعوضـك عـن الحبيـب وسنيـه

وأقول لـه وآنـا تخنـق تخنـاق=وينه حلي الزيـن يانـاس وينـه

اللي جمع زينٍ على طيب الأخـلاق=ماغرتـه دنيـاه وأطغـاه زيـنـه

تجمعت مـن حولـه آراء واذواق=كلّـن يأشـر لالمـحـه بيديـنـه

سبحان ربٍ جامـعٍ ليـل وإشـراق=الليل شعره والصبـح فـي جبينـه

وحمرة خدوده كنها حمرة أشفـاق=والنحل يجني الشهد مـن شفتينـه

ورموشه سهامٍ والاقواس الأحـداق=كم فارسٍ أصبـح ضحيـة لعينـه

ولبيـه ياحظـنٍ يغرّقنـي إغـراق=ولبيـه ياعنـقـه وياخوختيـنـه

غيره ليامن صـد بألفيـن طقـاق=ولاصد عذبنـي الخفـوق وحنينـه

الله يجازيهم غـدى الدمـع دفـاق=وصحـو بخفاقـي جـروحٍ دفينـة

وش لون ما اشتاق لا والله أشتاق=شوق الصغير اللـي فقـد والدينـه

خايف يطول البعد ويمـوت خفـاق=صرتي هـواه ومـاه ياأكسجينـه

وماينفعك لاألتفت السـاق بالسـاق=تبكين مـن زود النـدم والغبينـه

وبهديك دمعة حزن في وسـط الأوراق=تحكي تفاصيـل الـوداع الحزينـة

وسلامتكم

اخوكم

عبد الرحمن سعد الدوسري

حزين الحرف

[يوسف عبدالله الغنامي]

عبدالرحمن الدوسري


صح لسانك وعلا شانك

قصيده رائعه من شاعر مبدع

تقبل تحيتي وتقديري

[بادي السبيعي]

الله الله


صح لسانك ياعبد الرحمن


قصيدة أكثر من رااااااااائعة


تحياتي لك

[احمد مناحي]

عبدالرحمن الدوسري

هلا بك وغلا

صح لسانك الى رضاك

قصيده رائعه بحق

بيض الله و جهك وجمل الله حالك .

ماهو بصدري بس من غيبتك ضـاق=حتـى شـوارع حيّنـا والمديـنـة

يازين هالبيت زيناه .

شاعر رائع الله لايضرك

تقبل مروري

[عبدالرحمن الدوسري]

يوسف الغنامي
يسعدني ويشرفني أن تكون أول من يرد علي
لك كل الود والورد

[صادق الإحساس]

وعليكم السلام ورحمة الله وبركاته
وكل عام وأنت بخير وعافية


عبدالرحمن الدوسري
والبعد قاضي حاكم بقطع الاعنـاق=والصـد سيافـة وأنتـي عوينـه
والشوق ناره تحرق ضلوعي احراق=والذكريـات الماضيـة بانزيـنـه


الله وأكبر

بيتين رائعين يغنينا عن قصيدة
فيهما معاني وأحاسيس كبيرة


الاخ الشاعر العذب
عبدالرحمن الدوسري
( حزين الحرف )



صح لسانك
وأبدعت والله في نظم هذه الفاتنة
ولا نملك سوى التصفيق لك بحرارة


لكن أخي الكريم هنا سؤال " فقط للتعلم منك لا أكثر "
البيت الرابع الذي تقول فيه :


كلن رحم حالي عـواذل وعشـاق=وانتي يا اغلا الناس ما ترحمينـه

كيف لهذا البيت أن يستقيم منطقيا وفكريا مع البيت السابع عشر ؟
والذي تقول فيه :


اللي جمع زينٍ على طيب الأخـلاق=ماغرتـه دنيـاه وأطغـاه زيـنـه



كيف لعجز الأول يتفق مع صدر الثاني ؟؟
هل الذي (( ما يرحم )) من صفاته طيب الأخلاق ؟؟

أنا رؤيتي الشخصية تقول : أن من لا يرحم غيره فأن لديه (( نقص )) في الأخلاق وليس كمال فيها لكي نقول عنه : (( طيب الأخلاق )) وبالذات لو كان من الحبيب فالأمر أعظم !! بل أني أصل إلى بعد من ذلك وأقول : أن ــ ربما ــ عدم الرحمة يعتبر نوع من أنواع (( التكبر و( تعظيم الذات ) التي ربما أوصلته إلى أن يطغى على المقابل ويتكبر عليه ـ قد يكون ناتج عن فرط كبير في الجمال ، أو في زيادة كبيرة في الدلال أو في غيره ـ ولو وصلنا لهذا المفهوم واقتنعنا به فأنه حينئذ سوف ينسف كامل العبارة التي بالشطر القائل بـ ( طيب الأخلاق ) كله !!

لديّه لبس أوعدم وضوح للصورة بين الشطرين المذكورين .. أرجو التكرم بايضاحها ومن يدري ربما تقنعني بمنطقك أو فكرتك بهذين البيتين !!

للعلم .. ربما كلامي كله غير صحيح وأن الحق معك فأنا لست ناقدا ولا مؤهل لأن أكون كذلك لكن ـ أزعم أني متذوق جيد لا أكثر ـ فقط ليتك تقنعني بفكرك تجاههما ( أقصد الشطرين ) لكي أغير شيء من فكري حين اقناعك لي .


لك كامل الود
وجمال الورد



أخيك
عمر العتيبي.

[عبدالرحمن الدوسري]

بادي السبيعي
صح بدنك ولاهنت
بيض الله وجهك

[مهدي بن مسفر الحبابي]

اخوي ابو سعد

صح لسانك وسلم فكرك

لك احترامي وتقديري

[المهااااا]

عبدالرحمن الدوسري

نص عذب شجي صيغ بكل الم وحسره

صح قلبك

ولاهنت

ابداع يفوق الوصف

قصيده جميله راقت لي كثيرا

كن بخير

[محمد نايف العتيبي]

.

عبدالرحمن الدوسري


صح لسانك وعلا شانك
عبدالرحمن الدوسري


صح لسانك وعلا شانك



دمت مبدع



محمد نايف

[صلاح الأحمدي]

.؛

يسلَم كلّك، ابدعت ب حق.؛

عبد الرحمن سعد الدوسري
صَحّ قَلْبك وَيسْلَم بَوحك وَنَبْض رُوحك ، لاَهنْت.

.؛

رُوح العِ ـطْر
http://up107.arabsh.com/s/wlh7jpemsx.gif

[عبدالرحمن الدوسري]

أخوي أحمد مناحي
صح بدنك ولاهنت
تشرفت بردك

[مبارك الودعاني]

والشعر لازاد الحزن صـار معـلاق
أخلع ثيـاب الحـزن فـي راحتينـه
أقطف من زهور الشعر كل مـالاق
فلـة وريحانـه مــع ياسميـنـه
وأسبح فبحره وآتعمـق بالاعمـاق
وأطلع وفي يـدّي جواهـر ثمينـه


صح لسانك يالجزل ودام ابدااااعك

تحياتي وتقديري

اخوك

ابوماجد

[عبدالرحمن الدوسري]

أخوي الغالي عمر العتيبي
أشكرك على كلامك وملاحظاتك فهي إن دلت على شيء فإنما تدل على قرائتك المتمعنة والمتفحصة للقصيدة وإحساسك بها ليس مثل من يرد على القصائد وحتى لو لم يقرأها
ملاحظتك هذه ملاحظة شاعر وناقد لا يهمه الرتوش بل يهتم حتى فيما بين السطور أجزم أن لك نصيب من الصحة ولكن في بعض الأحيان نصف الشخص بعدم الرحمة في شي لا يد فيه انا اتكلم عن عدم الرحمة في البعد والبعد قد يكون بخيار وقد يكون بدون خيار
في بيت تالي لي
البعد قاضي حاكم بقطع الأعناق
فكأنه صار غصب عني وعنه عتابي له فقط لأحاول أن اشحذ هممه ليتغلب على ظروفه وإن كانت أقوى منه
هذا تبرير لي ربما لم تستسيغة ومعك حق
أشكرك مرة أخرى

[محمد بن ضاوي]

والحظ من صغري وأنا حظي معـاق
,,,,,,,,,,,,,,,, يبغى الوقوف ولالقـى مـن يعينـه

الله يعيننا وياك امين



والشوق ناره تحرق ضلوعي احراق
,,,,,,,,,,,,,,,,, والذكريـات الماضـيـة بانزيـنـه


معاناه صدق




عبدالرحمن الدوسري ,,,


صح لسانك يالغالي ولاهنت

[مطلق بن حنيتم]

الأخ الكريم والشاعر العذب / عبدالرحمن الأسمري

صح لسانك ملايين .. لقد قرأت القصيدة عدة مرات وبهرت بها

وبهذا الإبداع المتناثر بين ثناياها .. الحقيقة انها لوحة شعرية متكاملة

اخي الكريم .. اتمنى لك التوفيق ومن إبداع إلى آخر بمشيئة الله .. دمت بخير وتقبل مروري ..

[عبدالرحمن الدوسري]

أبو نوااااااااااااااف
صح بدنك ولاهنت
شرفتني بردك

[عبدالرحمن الدوسري]

المهااااااااااااااااااااا ا
صح بدنك ولاهنتي
لك ودي

[أبوعبدالرحمن]

عبدالرحمن الدوسري



صح قلبك وكلك



وسلمت اناملك

جزلة ومن شاعر جزل

تحيتي لك

[فيصل فرج العتيبي]

عبدالرحمن

مبدع

وجميل

ابيات مترابطه متسلسله رائعه

صح لسانك

[(( الثريا ))]

الشاعر عبدالرحمن
قصيده رائعه كتبت فاابدعت
لله درك
صح عقلك ودام ابداعك
ودمت بصحه وسلامه
تقبل مروري

(( الثريا ))

[خــــالـــــد]

صح لسانك وقلبك وكلك يا أبو سعد

قصيدة رائعة ومميزة

لاهنت يالغالي

وبانتظار جديدك القادم

[عبدالرحمن الدوسري]

محمد بن نايف
صح بدنك ولاهنت
شرفتني بردك لك ودي

[عبدالرحمن الدوسري]

بيض الله وجهك ولاهنت على كلامك الجميل
ياصلاح الأحمدي

[عبدالرحمن الدوسري]

أبو ماااااااااااااااااااااااا ااجد
ارحب يالغالي
صح بدنك ولاهنت
يشهد الله أني أتشرف بردك
لك مني كل الود والورد

[عبدالرحمن الدوسري]

محمد بن ضاوي
صح بدنك ولاهنت
لك ودي

[عبدالرحمن الدوسري]

أخوي الغالي
مطلق بن حنيتم
صح بدنك ولاهنت
شرفني ردك لك ودي
أخوك عبد الرحمن "الدوسري "

[Aqua Butterfly]

شـكــ وبارك الله فيك ـــرا لك ... لك مني أجمل تحية .

[عبدالرحمن الدوسري]

أبو عبد الرحمن
صح بدنك ولاهنت
لك ودي

[عبدالرحمن الدوسري]

أخوي فيصل
صح بدنك ولاهنت
لك ودي

[سيف الدوسري]

بهديك دمعة حزن في وسط الأوراق..........تحكي تفاصيل الوداع الحزينه
صح لسانك رائعه تدل على شااعر أروع صح لسانك والقصيدة بالأجمال رائعة


تحياتي...................................... ......................................((المعن ّى))

[عبدالرحمن الدوسري]

أختي الثريا
صح بدنك ولاهنتي
شرفتيني بردك

[عبدالرحمن الدوسري]

الغاااااااااااااااااااااا ااااالي خالد
صح بدنك ولاهنت لك الشكر الجزيل على الرد الجميل