خلوهااااااااااااااا

[ابن شهران]

كل عام والجميع بخير


سلام في منتد(ن)فيه الرجال الحشام ===اقولها والله العــالم بمقصــودها

يا من يرحب بعد ماجاه رد السلام ===عادت هل الطيب منقوله من اجدودها

[محمد الروقي]

صح لسااانك

وننتظر الشاعر الي يثمن لك

تقبل مروري وتقديري

[محمد نايف العتيبي]

.


ابن شهران


حياك ربي


وصح لسانك على الطاروق ..

وننتظر الشاعر القادم ..



دمتم بخير


محمد نايف

[عوادالعلي]

كل عام والجميع بخير


سلام في منتد(ن)فيه الرجال الحشام ===اقولها والله العــالم بمقصــودها

يا من يرحب بعد ماجاه رد السلام ===عادت هل الطيب منقوله من اجدودها

خلوها


عليك رد السلام وهات جزل الكلام=يالشاعر اللي شهد لك قبلي اشهودها
اثنو عليك الدواهي يارفيع المقام=من قبل ردي رجالن عدت ردودها

[صادق الإحساس]

الشاعر الضيف
أبن شهران
والشاعر الكبير
عواد العلي


صحت الألسن وصفت القلوب


نرحب بالشاعر الضيف أبن شهران ونقول :
( حياك الله تحية المطر ) وأنت بين أخوتك


طاروق كايف وشاعران مميزان
واصلا ونحن ماسكين الصفين


سلمتما وسلم بوحكما

لكما كامل الود
وجميل الورود


أخوكم
عمر العتيبي

[ابن شهران]

ابك البقا-ما نعديها حدود النظام ===نمشي على السلم والعادات وبنودها

شهادة اهل الشعر ياصاحبي لي وسام ==شهادة الحق جات وجاك مردودها

[ابن شهران]

الاخوه

محمد الروقي

محمد نايف العتيبي

عمر العتيبي


الله يعطيكم العافيه واشكركم على المرور

تحياتي للجميع

[عوادالعلي]

ابك البقا-ما نعديها حدود النظام ===نمشي على السلم والعادات وبنودها

شهادة اهل الشعر ياصاحبي لي وسام ==شهادة الحق جات وجاك مردودها

خلووها


ياخف دمك تذكرني بعادل امام=ان كان تزعلك آسف تبت ماعودها

محفوظ لك عندي التقدير والاحترام=ولاحسبنا لناقدها ومنقودها

[ابن شهران]

عوادمدري علامه طش كل الحزام == ماظنتي يعرف البندق وبرودها

اظنها صدرت والناس ماهم نيام ==واليوم تعرف ذياب القوم وافهودها

[عوادالعلي]

عوادمدري علامه طش كل الحزام == ماظنتي يعرف البندق وبرودها

اظنها صدرت والناس ماهم نيام ==واليوم تعرف ذياب القوم وافهودها

خلووها


انا بذلت الجهود ولاعليه ملام=وياكثر ناس سواتي ضاعت اجهودها

سلمت قلنا هلابك والمعاني تمام=ومديت لك تمرت الاخلاص في عودها

[ابن شهران]

تقولها وانت لافيك السعد ياغلام === مادام عينك على الجزلات وترودها

مشيك على النور مانت بمشياً في ظلام== لو ان بعض العرب ماانباحت اسدودها

[عوادالعلي]

تقولها وانت لافيك السعد ياغلام === مادام عينك على الجزلات وترودها

مشيك على النور مانت بمشياً في ظلام== لو ان بعض العرب ماانباحت اسدودها

خلوها


الحظ قام وتنهض عقب يومين نام=وحضوض الاجواد قبلي طول رقودها

لله درك تجيد السبك والانسجام=اليا نويت الجزيله تقدر تقودها

[قيـس]

الله يعطيكم العافيه

[عبدالمحسن الحارثي]

صحت السنتكم وبيض الله وجيهكم