محاوره منقوله بين حبيب العازمي وأبومشعاب السلمي عبر النت ؟؟

[فرد حمزه]

... أبومشعاب السلمي يتهجم على شعراء النت بأن شعرهم يغدي هبآ منثورا في النت ولايستفيدون شي ولايخلف تعبهم بقوله ((ينبني بيت الشعر و يبيـــــــد مــاله قيمه))

وإليكم المحاوره كامله :






عوض الله السلمي
سوقها عبر الفضاء دام الضمايـر حـره=الفضـاء ما فيـه ترحيبه و لا تسليمـه
عالم الذرة تفــنن في علـــوم الــذرة=ميــر عيـت تستفيد الناس من تعليمـــه
حبيب العازمي
لو وصلت الى الفضاء مرجعك فوق الحره=لاترحب لين تبني فالفضـاء لـك خيمـه
مستفاد اللي على دربـه يقـص الجـره=شـدة العالـم وحلـت والعلـوم مقيمـه
عوض الله السلمي
لو بغينا نشترك في الحالية والمره=ينبني بيت الشعر و يبيـــــــد مــاله قيمه
أنتبه للعلم و أنته لا تفك الصره=ثم يفرح فوقك اللي مابراســـــة شيـمه
حبيب العازمي
النبات افقت حتونه والسنه محمـره=لاتقول السيل سال وصار عقبه ديمه
صاحبك طول الليالي مايبوح بسـره=يامفـوح دلتـك تبغالهـا تلقيـمـه
عوض الله السلمي
ابيض الشارب من الغليون اخذله جره=وانتفخ ذربه وجاك يدور التجظيمة
والأمين اللي على الأسرار لله دره=لو بغينا نكرمه يستاهل التكريمة
حبيب العازمي
أبيض الشارب بعد مـرك هذيـك المـره=ينتفـخ مثـل الجبـل واحطلـه تلغيمـه
أنـت تبغاهـا تفـوت وجبتهـا مفـتـره=مار ليش أغضبك وانت الشيخ راعي ريمه
عوض الله السلمي
نظرته فيكم عسى ربي يكافي شره=يا الله استر لا تجيكم كارثة هورشيمه
البشر فيهم مرض و كبودهم محتره=مير اقف دون اللزوم وزين التختيمه[/align]
حبيب العازمي
واحد ٍ ماضره الله لو بغيـت تضـره=ماقدرت ولاقدر صاحبك ابو تحجيمـه
والعلم مرفوع لو البحر يغـرق بـره=وأنت تدر أن البهيمه لو تموت بهيمه[/align][/quote]

[محمد نايف العتيبي]

.
.

الله الله


فدر حمزه اشكرك ولي عوده

[محمد ابن براك العطاوي]

لاهنت يافرد حمزه على النقل

استمتعنا بهذه المحاوره الله يمتعك بالعافيه

[عوادالعلي]

لاهنت يافرد حمزه على النقل

استمتعنا بهذه المحاوره الله يمتعك بالعافيه

[صادق الإحساس]

الحقيقة أنا كنت متواجد بذلك الموقع و تابعت المحاورة حية على الهواء ( كما يقال ).

ولا شك بأن الشاعرين من عمالقة شعر المحاورة بالجزيرة العربية وإن كان الأول تشفع له خبرته الطويلة والعريضة بهذا المجال .. لكن الثاني يشفع له قوة شعره واكتساح جماهيره الكبيرة والعريضة من شتى أنحاء الجزيرة ، الذي أختصر بشعره المسافات عن شعراء كثر سبقوه بهذا الفن الجميل .

الحق يقال أن الشاعر الكبير ( أبو غازي ) عوض الله السلمي شاعر مبدع لا محالة .. لكن لازلت أقول أن ( أبا فيصل ) حبيّب العازمي شاعر الشعراء وشبح الملاعب الشعرية ، ومجدد شعر القلطة ، ومطور ألحان وطواريق هذا الفن الرائع ، وهو من أذكى الشعراء بتعاطيه للشعر ، وأعذبهم صوتا وأجيدهم أداءً ، وأكثرهم حضورا و أعظمهم قيادةً للمحاورات التي يكون طرفا فيها .

الأخ والشاعر المتمرس
فرد حمزة


أشكرك من الأعماق على نقل هذه المحاورة الممتعة والشيقة حقا ، وياليتك تأتي بمحاورة الشاعرين الكبيرين مستور العصيمي وعوض الله السلمي فهي موجودة بذات الموقع لكي يستفيد منها الجميع وتكون قد قدمت خدمة لهذا التراث العريق .


لك كامل الود
وجميل الورد


أخيك
عمر العتيبي

[فهده]

8
تبارك الرحمن
اذا ماخاب ضني انت (صادق الاحساس)

فرد حمزه
لا شلت يمينك ع النقل الطيب

سلام..

[صادق الإحساس]

8
تبارك الرحمن
اذا ماخاب ظني انت (صادق الاحساس)

فرد حمزه
لا شلت يمينك ع النقل الطيب

سلام..

نعم يا أبنة العم الطاهرة العفيفة

ويا ليت .. لا يتم إيقافي بعد أن فضحتي حالي ههههه .

المهم أنا لا أحمل على أي مسلم أي ضغينة كانت ، وما رجوعي هذا إلاّ دليل على ذلك ، ومن يرى أن له عندي حق فأنا أول من يعتذر إن ثبت له أي شيء يطلبه مني .


أتمنى أن يكون ردي هذا مكمل لردودي اللاحقة ( إن شاء الله ) وأن لا يكون أخر رد لي .


سلمتي أيتها الأخت الغالية .

لكِ من قلب طاهر وسريرة صافية
كل الود الأخوي والورد الطائفي


أخيك
عمر العتيبي

[فهده]

يالله حيهم
منور بعودتك يابن العم

لك المايك شامخه الذات

[شامخة الذات]

الله يهديك بنت برقا
كذا أحرجتبنا

و حيا الله الأستاذ عمر العتيبي

أفرحنا رجوعك

و سبق أن قرأت لك عدة كتابات مميزة و رائعة باسم صادق الإحساس

وانت بحق كاتب كبير و حضوركـ شرف لغرابيل

[فرد حمزه]

... محمد نايف العتيبي ... محمد العطاوي ... عواد العلي ... عمر العتيبي ... بنت برقا ...

حضوركم كريم يالاخوان

دمتم

[درموح]

لاهنت يافررد حمزه

شكرا

[فرد حمزه]

... درموح ... حضورك مشرف ومميز لاهنت ..

... أخي عمر العتيبي (صادق الأحساس) مرحبا في مرحبا وينك يارجل فقدتك لكن من حضر ماغاب .

وأما المحاوره اللي بين الشاعرين العمالقه /مستور العصيمي وأبومشعاب السلمي

عليك أنته عطر صفحة المحاوره بطرحك الجميل

دمت

[محمد نايف العتيبي]

.

بيض الله وجهك يافرد


امتعتنا بالمحاوره الرائعه ..


ولا تحرمنا من اختياراتك الجزله الطيبه ..


دمت بخير