البخااااااااااخ والجدران

[بحـــ ـ ـ ــار]

البخاااااخ والجدران
نمر على الشوارع والحارات نقراها بألوان مختلفة
بعضنا يشوفها لعب عيال !!
وبعضنا يشوفها تنفيس !!!
وبعضنا يشوفها هبال !!!
وبعضنا يشوفها فن !!!

ما سأذكره هنا بعض ما رأيت قد يكون جميلا وقد يكون طريفا وقد يكون لاشيء !! من هنا أحببت أن تشاركوني بعض ما قرأت :




===
دحومي مالك داعي
وهنا يأتي التساؤل :
من هو دحومي؟
و(مالك داعي) قد تقال أحيانا للاستهزاء وأحيانا للتحدي
وربما تكون للمدح في حالات ضيقة

===
اتصل ضروري نونو
أبرزو مايلفت النظر هنا : وين الرقم؟
طيب واذا جبنا الرقم نونو هو المتصل والا المتصل عليه؟
===
حارة احترم نفسك وابلع العافية
تهديد شديد بس يمكن يقراه خبل ويطمر لاقرب قارورة عافية همن يقعبها ولا ندري وش عقبها

===
غرك بنجمة
شطر من بيت ضمن اغنية لبشير
طيب اللي غره بنجمة من هو؟
ظنكم اللي كاتبها (فرد)
أكيد فرد مهوب أكثر !!!
مع (عدم وضع نقطة على الفاء)

===
ذكريات الخوال
والخوال هنا يمكن انهم اخوان الام
ويمكن - والله اعلم - انهم ياكلون كت كات واجد مما أثر على الجينات السائدة !!!
ويقولون ان النقطة رقت بالغلط فوق الحاء والا المقصود تحتها
===
خلصت من جملة الخلان أحسن لي أعيش وحداني
أيضا بيت من اغنية مشهورة لبشير
طيب واذا كان خلص حنا وش دخلنا
===
آهات
هذه الكلمة منتشرة وفي أكثر من مكان وبلون أخضر مميز وبخط لم يتغير
يمكن انه يطلب واحد فلوس ويقول له هات والالف للنداء !!!

===
ذكريات ثلاثة نفر
المتهم في هذه الجملة من الجالية الهندية
بس الظاهر انها كتبت بعد الخروج من مطعم بخاري
حيث لاتزال الحمى النفرية هي المسيطرة
===
ممنوع الوقوف الأرض بتعمر
طيب ممنوع الوقوف فهمناها
طيب واذا الارض تحب تشيش وش دخلها بعدم الوقوف !!

===
الأرض مطلوبة
الله يعينها على التسديد !!
===
ثاني مرة لاعاد تكتب على الجدار ياكلــ (محذوف رقابيا)
طيب علم نفسك !!!

===
فحط تكسب ور (محذوف رقابيا)
وذكرة مرة أخرى بصيغة المثنى
وهنا يبطل العجب عن أهم أسباب التفحيط
* صورة مع التحية لمن يدرس نفسية المفحطين

===
رغبة الحصون ثادق سبت العلايا
ربما صداقات أثمرت تعارف بين أبناء الوطن الكبير

فائدة جديدة من فوائد العبث بالذكريات
بس السؤال وش جاب سبت العلايا لرغبة ؟ !!!

===
زوج حصة ( ثم رسمة وجه كاريكاتوري )
اولا من هي حصة؟
بس يمكن انه دعوة مبطنة للتخريب على حصة في زواجها !!!

===
اذا كان حب (.... ) جريمة فليشهد التاريخ أني مجرما
بين القوسين حذفت رقابيا ومن اللي منعك من الحب
بس انت ماحددت حب مالح والا حب قرع؟
ولو يمدحون (باجة)

===
عصقول الدجاجة
ربما تكون عيارة لشخص ما
وربما توقيع للدلالة على أنه مر من هنا
وفي كلا الحالتين يعاني من فقر في (الدم)

===
نيجيريا وبس000طبعا ما يحتاج ابين لكم وين قريتها فيه بس السؤال وش هالقطو اللي حاشرن عمره مع نيجيريا بكبرها !!!

===
ماجد عبدالله ياقاهرهم
ومازال للمجد بقية !!!

===
ابو تركي وابو ناصر وسعود
رمضان 1422
طيب ليش سعود ماله ولد؟

===
الرويضة
شفتها اكثر من مرة وتنتشر في غرب الرياض بكثرة
بس السؤال؟ رويضة الحسو والا رويضة القويعية والا رويضة السهول !!!

===
الحكم غشاش
تراه يقصد حكم الحارة لاتروحون بعيد
===

يتيمة فرحتي والله يتيمة يحسدوني على فرحة يتيمة شقراء
بيت من أغنية لخالد عبدالرحمن
وشقراء يتبين لنا انتماء كاتب البيت لها

الله اكبر يا هالفرحة جبت راس غليص !!!
بس يقولون انه توه مطلع ماكسيما وما امداه يسوقها الا وهو ملحم بها في جدار !!!

===
ياروحي ياباسكال
الظاهر اللي كاتبها عندة مشكلة بالركبة ويمدح الطبيب الجراح المشهور باسكال علشان يسوي له عملية !!

===
شارع العاشقين
بس اللي كاتبها ذهين والا تراه مايقصد الا العاشقين بالمثنى وجت على بال اللي يقرونها انها بالجمع ولو نفعت

الحب عذاب ودواه صيفوا بالغداء شوي
حكمة يمكن لو جربوها الشباب يقوم عز المثلوثة من جد

===
بشير ملك العود
بس يقولون انه كان ساكن بالطرادية!!
مايخالف العود جمب الطرادية !!!
===
شارع قف وناظر
أسم أغنيه لخالد عبد الرحمن
بس السؤال أناظر في مين ( تماسيح )

:D:D:D

[ابونوال]

ههههههههههههههههههههههههه ههه

بـ الخليج ـحار يسلموووووووو


لاهنت وصراحه هذي حالة منتشره وذكرتني بقصه حصلت لي يوم السبت الماضي
في حي اول مره ادري انه موجود والمشكله انه في وسط الرياض وبالتحديد شمال الرياض . حاره شعبيه جدا جدا وبدون سفلته طبعا ضيعت في الطريق ماشفت الا وانا في وسط الحاره المهم ابي ادور مخرج مالقيت شوي والا ثنين شباب اعمارهم مايتعدون 16 سنه يعني اكبر مني 6 سنوات ومكتوب على الجدار اللي جالسين جنبه .


(( حارة ادفع ريال ))
المهم اول شي سألتهم عن المخرج ودلوني الطريق على طول وبعدين صرت اتلقف وش اسم الحاره قالو الحاره الفلانيه
طيب واللي مكتوب على الجدار قالو دامك قريت ادفع ولا ترى بنكسر الزجاج

وعينك ماتشوف الا غبار السياره ( طبعا سيارتي )

واسف على الالاطاله

[بحـــ ـ ـ ــار]

يسلموااااا والله يعطيك العافية
بصراحة نسيت أقول سالفة علي موضوع البخاااااخ والجدران
يوم من الايام كنت في محافطة الخرج وأنا مار علي مدينة الهايثم شفت منطر يموت ضحك .... وهوإن في شارع العام في مدينة الهايثم مقبرة الهايثم شفت أن أهل الهايثم حطوا أعلان عل جدار المقبرة (إن المقبرة للبيع)بس زعلني شي واحد وهوأن رقم الجوال من الشرقية ليش يغلطون علينااااااااااااااااا

[ليه يحبوني 0]

بحاار الخليج


ذكرتني بياام ماكنت امشي بالحااره واكتب ابو مجهووول مهجد الشعب ،،،،


بعدين جاني واحد مجهوول من جد وهجدني ولا عاد صرت اطلع من البيت ولو تدخل غرفتي تلقااني كااتب تلطشنا غصب عنااا ،، لا مني ولا منه ،،، كله من ابو مجهوول الله لايعيدها من اياام بس



بحاار يعطيك الف عاافيه على المشااركه الراايقه هذي وفي انتظار ابدااعاتك الصوقعيه

[مخاوف قلب]

زوج حصة ( ثم رسمة وجه كاريكاتوري )
اولا من هي حصة؟
بس يمكن انه دعوة مبطنة للتخريب على حصة في زواجها




ههههههههههههههههههههههههه ههه
ههههههههههههههههههههههههه هههههههه

هههههههههههههههههههههههه




كل اللي تو تقريبا لاحظت مثلهن الا ذي شي بصراحه




ههههههههههههههههههههههههه هههه


الله يعينتس ياحصه




الا منهي حصه



:D





تحيااااتي لك بحار وكثر لنا من هالسوالف




سي يووووووووووو



|4|

[الهُمامْ]

شكلك نسيت بقالة (اشتر بفلوسك قبل مانحوسك ... ) والا ...... اقول خلها مستورة بس00
شي مضحك مبكي في نفس الوقت المشكلة تكمن في اشياء كثيرة يبغالها موضوع يطول فيه المقاش ..

تحياتي لك وخل كل شي مستور احسن لك ..

[البطي]

الكتابة على جدران المدارس

يا ويلك يابطي من عيال طي

الساطور لمن يدخل الطابور

وخر يابو زفر والا صكيتك بالدفتر

لا اوجعته

ومشكوور اخي البخار

تحياتي

[الجبل الأشم]

الغريبة أن الذين يكتبون على الجدران أغلبهم أن لم يكن جميعهم خطهم زفت وضعيفين في الاملاء . بماذا تفسرون هذا ؟؟

[بحـــ ـ ـ ــار]

الاخوه الاعزاء......
الله يعطيكم العافيه على المشاركاااااااااااات


بعدين ,,,يالجبل الأشم وش قصدك بي ضعفين في الإملاء