عبدالكريم بن خزيّم
14-09-2008, 10:58 AM
وصيّ الشعر
فزع موج الفرح يطرد سهوم ٍ تنطوي أحزان=يبّشر خاطر الزعلان بنفـسٍ دوم مسـروره
ينادي بسمة غابت طواهـا الهـم والنسيـان=كفاها سنين قد عاشت بظل الظيـم مغمـوره
حروف ٍ صاغها فكري تسلي خاطر الزعلان=تنومس من تخيّلها وجنـد إبليـس مدحـوره
ألا ياشعري الوافي ترى حقي عليـك يبـان=تبّين مايحس القلب تخفف بعض من جـوره
كثير الناس تتسآل ياكيف الشعر ماينصـان=مع اللي ضامته تظهر على هالناس مغروره
محرر مافهم شغله يحسب القاف مضغ ألبان=شعور الناس لامن جاه يشوته شوتت الكوره
وصيّ ورّشح لنفسه يصبـح قايـد الميـدان=كثير اللي يهمشها وقع في وسـط محـذوره
وترانا في زمان النت نفوذه طوّع العصيـان=يخل الكون مع كبره كما القريه وسط سوره
زمان يكشف التزييف فضح مايحوي الرديان=يكفي عقول عاثت به مريض الشعر دكتوره
يصف من الشعر أرداه يسطّر للخوي عنوان=لو إن القاف متشتت مع الأوزان وأبحـوره
سألت الله يفرجها ويعوضنا عـن النقصـان=مادام إن شاعر الغفله ضعيف ولافهـم دوره
وألا يازين شعر أول كما محسن وإبن عدوان=طروق ٍكلّها معنى يشع القـاف فـي نـوره
وترى في وقتنا هذا كثير ٍ والشعـر ينهـان=وساطه خلّت الرديان بهالصفحات محشـوره
وشعر ٍ زاحم الدنيا سطور ٍ ناقصـه ألـوان=ثلاث أبيات تقراها وتوال حروف مكسـوره
تقديري للجميع.
فزع موج الفرح يطرد سهوم ٍ تنطوي أحزان=يبّشر خاطر الزعلان بنفـسٍ دوم مسـروره
ينادي بسمة غابت طواهـا الهـم والنسيـان=كفاها سنين قد عاشت بظل الظيـم مغمـوره
حروف ٍ صاغها فكري تسلي خاطر الزعلان=تنومس من تخيّلها وجنـد إبليـس مدحـوره
ألا ياشعري الوافي ترى حقي عليـك يبـان=تبّين مايحس القلب تخفف بعض من جـوره
كثير الناس تتسآل ياكيف الشعر ماينصـان=مع اللي ضامته تظهر على هالناس مغروره
محرر مافهم شغله يحسب القاف مضغ ألبان=شعور الناس لامن جاه يشوته شوتت الكوره
وصيّ ورّشح لنفسه يصبـح قايـد الميـدان=كثير اللي يهمشها وقع في وسـط محـذوره
وترانا في زمان النت نفوذه طوّع العصيـان=يخل الكون مع كبره كما القريه وسط سوره
زمان يكشف التزييف فضح مايحوي الرديان=يكفي عقول عاثت به مريض الشعر دكتوره
يصف من الشعر أرداه يسطّر للخوي عنوان=لو إن القاف متشتت مع الأوزان وأبحـوره
سألت الله يفرجها ويعوضنا عـن النقصـان=مادام إن شاعر الغفله ضعيف ولافهـم دوره
وألا يازين شعر أول كما محسن وإبن عدوان=طروق ٍكلّها معنى يشع القـاف فـي نـوره
وترى في وقتنا هذا كثير ٍ والشعـر ينهـان=وساطه خلّت الرديان بهالصفحات محشـوره
وشعر ٍ زاحم الدنيا سطور ٍ ناقصـه ألـوان=ثلاث أبيات تقراها وتوال حروف مكسـوره
تقديري للجميع.