مجاراة بيت ( الجميع مدعوين للمشاركه )

[محمد بن ضاوي]

أسعد الله أوقاتكم بكل خير


وتقبل الله منا ومنك الصيام والقيام




حقيقه طرت على بالي فكره وحبيت اني اشارككم بها


فكره اعتبرها مثل ماتقولون تمارين شعريه للشعار وعساها تلقى قبول عندكم



الفكره هي انو يجيب اول مشارك بيت من عنده بحيث يترتب على المشارك الذي يليه مجاراته بنفس وزن البيت واذا القاف يكون احسن بعد

والشاعر اللي يوفق في المجاراه يختار طاروق ثاني من عنده وهكذا دواليك


ممكن مع المنافسه نوفق في الاتيان بطواريق جديده هههههههههه او على الاقل نتعلم كيف نبدع طواريق صعبه والشي هذا في الاساس يخدم الشاعر ويزيد ثقافته الشعريه


مره ثانيه اتمنى منكم تتقبلون هالموضوع وتشاركوني فيه


بس على فكره لا احد يشره علينا ان ماقدرنا نجيب بعض الطواريق هههههههههه ترى المقصد نفيد ونستفيد



وبسم الله نبدأ ,,,

ولا تدرون هونت ,,, اتمنى البدايه تكون من احد زملائنا الافاضل

[محمد بن ضاوي]

مراحب ,,, إزملاي


نويت ابدا وعساها بداية خير ولكني راح ابدأ بمثال ,,


مثلا يكتب احد الاعضاء بيت اللي هو :

سلام مني يم اعضا غرابيل
,,,,,,,,,,,,, تسليمتن ياصل صداها المواقع


يجي اللي بعده ويقول :

يامرحبا ترحيبتن كنها السيل
,,,,,,,,,,,,, من مزنتن ماها من العام ناقع ههههههههه


بعدين الشاعر اللي قدر يكتب على نفس الوزن يكتب بيت اخر من عنده بس بشرط يكون بوزن مختلف ,,, مثلا

لاوالله الا راح عنا
,,,,,,, خوينا اللي حاشمينه


يجي اللي بعده وويجاريه بكذا مثلا ,,


واحد نفر زعلان منا
,,,,,,,,, زعول مدري مزعلينه

وهكذا دواليك ,,,


بس اتمنى من اخواني الشعراء عدم الاتيان بموالات لانها ماتخدمنا وكذلك ايضا ليس بشرط وجود الاسم الصريح للمشاركه في هالموضوع



,,, شكرا لكم

[محمد السريّع]

كنت اظن ان مجرّد ان يحاول احد الشعراء مجارات البيت

و يضع بيت اخر يكون قد انتهى دور البيت الاول و ان المجارات تستمر للبيت الاخير فقط


على كل الاحوال حقك علي يابو ضاوي .. و هذا بيتك اللي اعدت طرحه

و عساي اتوفق في مجاراته


من يجاري بويتن فيه بعْض ِ اشْكوك مدري حشا مافيه شكه
يا هل المنتدى ردو علي العلـم بيتـي خطـا ولا صوابـي


المجارات


اشهد انك وفيت وعارفك مبروك ماعاد باقي غير تكه=كيف تقدر توفّق بين سلم و سلم و الناس عادات و مرابي

هاااه بشّر عساي جيت حوله هههههههه





و الله ان الحب من منظور فهمي فيه سحر خافي=باقي انتِ علميني وش يكون الحب من منظورك

[محمد السريّع]

أخوي القدير محمد بن ضاوي

كل الشكر لك على هذا الطرح الرائع و المفيد

و بمانني اتيت هنا الاول على مااظن مالقيت بيت اجاريه

و لكن الموجود هنا على مااعتقد هي امثله اخي محمد

لذلك ساطرح البيت الاول حتى تنطلق القافلة بإذن الله




البيت


ياهبوب القبله ،، كل ما تذعذع تجدد ،، جرح قلبي ياهبوب القبله=و الغلا سراني ،، للحبيب اللي هويته ،، كيف ابا اصبر و الغلا سراني


بقلمـــــــــــــــــــــ ي

[محمد بن ضاوي]

ياهبوب القبله ،، كل ما تذعذع تجدد ،، جرح قلبي ياهبوب القبله
و الغلا سراني ،، للحبيب اللي هويته ،، كيف ابا اصبر و الغلا سراني


المجاراه ,,



لابسن له دبله ويش اقول ويش اعدد راح عني لابسن له دبله=حظي وعناني ياعذابي منه ليته جا نصيبي حظي وعناني




مرحبا اخوي محمد واشكرك على مبادرتك وعساها فاتحة خير ههههههه

بس هاه؟ قلي وش رايك بالمجاره؟ عساني اصبت الوزن بالشكل الصحيح؟

بس حقيقه كنت اتمنى منك عدم وضع فواصل بين الابيات عشان الواحد يفكر في اكثر ويتحمس لمعرفة الوزن الصحيح



عالعموم يامحمد اذا مجاراتي كانت صحيحه فهذا هو البيت اللي بكتبه واطلب من اللي بعدي يجاريه ,,,


من يجاري بويتن فيه بعـْض ِ اشْـكوك مدري حشا مافيه شكه=يا هل المنتدى ردو علي العلم بيتي خطا ولا صوابي

[منوخ العمودي]

من يجاري بويتن فيه بعْض ِ اشْكوك مدري حشا مافيه شكه=يا هل المنتدى ردو علي العلـم بيتـي خطـا ولا صوابـي
يابن ضاوي محمد جبت بيت نادرٍ يصعب على احد فكه=جزل من راس يجزل بالمعاني وتهذيب الجوابي

تهز البيوت المحكمه هز بالوجدان=مثل هزة العالم مع احداث سبتمبر

[محمد بن ضاوي]

من يجاري بويتن فيه بعْض ِ اشْكوك مدري حشا مافيه شكه
يا هـَلَ المنتدى ردو علي العلـم بيتـي خطـا ولا صوابـي


يابن ضاوي محمد جبت بيت نادرٍ يصعب على احد فكه
جزل من راس يجـزل بالمعانـي وتهذيـب الجوابـي




مرحبا اخوي منوخ وشاكر لك حضورك ومشاركتك يالغالي

ولكن للاسف ماصبت الوزن الصحيح للبيت

اتمنى تحاول مره ثانيه ويعلم الله ان الهدف من الموضوع هو ان نفيد ونستفيد

ومره ثانيه اقول لاحد يشره ترى الخطا وارد :مزون:

[منوخ العمودي]

حياك الله يابن ضاوي

كي نستفيد نتوقف قليلٍ

ونسمع نقد الشعراء ومتذوقين الشعر

وهنا نستفيد

[محمد السريّع]

الغالي محمد بن ضاوي

الف صح الله لسانك

و بكل صراحه انت اصبت الوزن بالصميم و كذلك المضمون

احييك و اهنئك على هذه المقدره




اخوي منوخ العمودي

صح الله لسانك

و انا اتفق مع رايي اخوي محمد حول الوزن في مجاراتك لبيته

و الصفحة هنا كما اسلف اخوي محمد الهدف منها هي الاستفادة


كل الشكر للجميع






تهز البيوت المحكمه هز بالوجدان
مثل هزة العالم مع احداث سبتمبر


لحظة وداعٍ فرقت جمعة الخلان=بها نبرة الصوت الشجي حزن لو ينبر

اتمنى ان اكون قد اصبت ... و الحكم لكم



ياسـلام الله سـلام و تقديـري و الاحتـرام للهمـام ابـن الهمـام اللـي للأمـه يقـود=اللي في وقتٍ قصير قاد الأمه للتطوير بذل جهـد وسـوّا خيـر عسـى لـه عمـر مديـد

[محمد بن ضاوي]

ياسلام الله سلام و تقديري و الاحترام للهمام ابن الهمام اللي للأمـه يقـود
اللي في وقتٍ قصير قاد الأمه للتطوير بذل جهد وسوّا خير عسى له عمر مديد


المجاراه ,,,


ماعديت الا الصحيح ياعسى دربه سميح وبابن يجي منـّه ريح من دونه بابن موصود=ياسلامي للقايد العدل بحكمه سايد رايي والراي محايد الا هو علمن وكيد


عساني اصبت الهدف يامحمد؟ هههههه
والف شكر على شهادتك لي واشادتك وماعليك زود يالغالي






تهز البيوت المحكمه هز بالوجدان
مثل هزة العالم مع احداث سبتمبر



لحظة وداعٍ فرقت جمعـة الخـلان
بها نبرة الصوت الشجي حزن لو ينبر


مراحب محمد ,, الحقيقه مجاراتك لبيت منوخ جميله ولكن لو تحرينا الدقه ينقصها شي بسيط

اللي هو حسب رأيي الشخصي حرف ( يا ) قبل لحظه

ويصير البيت

يا لحظة وداع فرقت جمعة الخلان
بها نبرة الصوت الشجي حزن لو ينبر




بس حقيقه لي عتب عليك يامحمد ليه تعدى بيتي اللي كتبته :مزون:

ترى ما انتهى من الموضوع لسه لانه ماتمت مجاراته الى الان


عشان كذا بعيد طرحه مره ثانيه :



من يجاري بويتن فيه بعْض ِ اشْكوك مدري حشا مافيه شكه=يا هـل المنتدى ردو علي العلـم بيتـي خطـا ولا صوابـي

[محمد بن ضاوي]

كنت اظن ان مجرّد ان يحاول احد الشعراء مجارات البيت

و يضع بيت اخر يكون قد انتهى دور البيت الاول و ان المجارات تستمر للبيت الاخير فقط


على كل الاحوال حقك علي يابو ضاوي .. و هذا بيتك اللي اعدت طرحه

و عساي اتوفق في مجاراته




المجارات


اشهد انك وفيت وعارفك مبروك ماعاد باقي غير تكه=كيف تقدر توفّق بين سلم و سلم و الناس عادات و مرابي

هاااه بشّر عساي جيت حوله هههههههه





و الله ان الحب من منظور فهمي فيه سحر خافي=باقي انتِ علميني وش يكون الحب من منظورك



شهادة حق مبدع يامحمد واصبت الهدف بالمللي على مايقولون ههههههههههههههههه


بس انت ماقلت لي عن مجاراتي لك؟ كانت مصيبة الهدف ولا لا؟ ههههههههههههههه






و الله ان الحب من منظور فهمي فيه سحر خافي
باقي انتِ علميني وش يكون الحب من منظورك


المجاراه ,,,,

ردت وقالت محمد يا بعد قلبي جوابك ضافي=انت تدري ويش سوى الحب فينا لاعدمت حضورك



اذا كانت مجاراتي صحيحه يامحمد راح تكون هذي مشاركتي واتمنى من الجميع المشاركه

يا من يجاري البيت هذا لو هو ببيت=وليا كتب بيته يجارا فيما بعد


حقيقه تحمست للموضوع مدري عشاني انا اللي كاتبه ولا صدق تحمست؟ ههههههههههههههههه

[احمد مناحي]

محمد بن ضاوي

هلا بك وغلا

فكره رائعه وجميله .

سهله وبسيطه ومتجدده دائما .

بيض الله وجهك وبيض الله وجه الاخوان اللي شاركوا معك في هذا المتصفح

اتحفوتنا باابيات رائعه وافكار جميله .

الله لايضركم كلكم

وفق الله الجميع

[محمد نايف العتيبي]

/


فكره رائعه ويتفاعل معها الشعراء الرائعين



محمد بن ضاوي


اشكرك جزيل الشكر على الموضوع الجميل ..




بــ التأكيد لــي عـــوده ..




يا من يجاري البيت هذا لو هو ببيت
وليا كتب بيته يجـارا فيمـا بعـد

مدري الشطر الاول ماظبط معي , لكن الشطر الثاني على المسحوب ..

على العموم لي عوده بأذن الله ..



دمت بخير يالغالي

[محمد بن ضاوي]

أحمد مناحي الشمري ,,,


يسعدني والله حضورك وماعليك زود يالغالي


ولا ابرك من الفكره اللي تعجبك وتنال استحسانك

[محمد بن ضاوي]

محمد بن نايف ,,,


حياك يابونايف وتسلم والله على اشادتك وتنشرف بحضورك ومشاركتك وماراح اقول الفايده لي لان الفايده اعتبرها للجميع وانا منهم

بالنسبه يابو نايف للبيت اللي ذكرته :


لو جينا للشطر الاول " يامن يجاري البيت هذا لو هو ببيت "

ترى الياء في نهاية كلمة ( يجاري ) ماتنطق يعني لو بغينا نكتب البيت حسب النطق نقول :

(يامن يجارلبيت هذا لو هو ببيت )

وايضا ممكن نقول :

( يامن يجارلبيت هذا ولو ببيت )



مره ثانيه اشكرك على حضورك يابو نايف

[محمد السريّع]

يا من يجاري البيت هذا لو هو ببيت
وليا كتب بيته يجـارا فيمـا بعـد

صباح الخير ابو ضاوي

اسمحلي في هذه الملاحظه لو ماني بناقد و قد اكون اغشم واحد بالبحور

لكن الكلمة التي تم تلونها بالاحمر اعتقد انها غير مناسبة للوزن

و من وجهة نظري لو كانت الصياغة هكذا مثلاً ( و ليا كتب بيته يجارونه بعد ) قد يكون انسب

وجهة نظر خاصة و الراي لك و للناقد الحقيقي


تحيتي لك ابو ضاوي

[محمد بن ضاوي]

مرحبا والله يامحمد وصبحك بالنور والعافيه


لاعاد تقول اسمح لي يامحمد ههههه

انت راعي محل واتشرف والله بالحوار معك

بالنسبه لملاحظتك :

انا اعتقد الكلمه ماهي مؤثره على الوزن ابد واعتقد ان وزن البيت صحيح

وبالنسبه للتعديل اللي ادخلته على البيت ,, انا معك فيه ولكن ينقص شي عشان يضبط الوزن من وجهة نظري


تعديلك يامحمد تقول فيه (( وليا كتب بيته يجارونه بعد ))

انا اشوف انو في شي ناقص بين يجارونه وبعد

يعني مثلا لو قلنا (( وليا كتب بيته يجارونه له بعد )) او (( ذا بعد ))

طبعا المعنى هههههههه لاتدقق عليه هههههههه بس المقصود عندي الوزن


وتراني اغشم منك في البحور هههههههه ما اعرف من مسمياتها شي الا الصخري والشيباني يمكن عشانها باسماء قبايل ههههههههه


تسلم محمد على مشاركتك واتمنى تقنعني او اقنعك او يجي من يقنعنا هههههههههه

[نياف العتيبي]

هلابك يابو ضاوي وهلابك يامحمد


بدخل معكم ولو اني على قد حالي



يا من يجاري البيت هذا لو هو ببيت
وليا كتب بيته يجـارا فيمـا بعـد




يصير كذا البيت

يا من يجارالبيت هذا لو إبيت
وليا كتب بيته يجـارا إفـ مـا بعـد

هو كانت زائده عن شطر البيت الاول

وفيما صعب تنطقها معا ماقبلها لابد تتوقف


يا من يجارالبيت هذا لو إبيت
وليا كتب بيته يجـارا إفـ مـا بعـد


النايف إيجاريك ياطيب الصيت

يسوق لك جزل المعاني على بعد


وسلامتكم وقد اكون على خطأ ويأتي من يصحح لي

فجميعنا نتعلم من بعضنا البعض


وعساني اصبت فيما قلت

الناااايف

[محمد بن ضاوي]

يامرحبا نياف بكْ يومنـّك لفيت=حياك ياالنايف هنا ياوجه السـَعـَد






مراحب النايف ,,,

وحي والله هالحضور

بالنسبه لملاحظتك بخصوص إن ( هو ) زايده في الشطر الاول فأنا اعتقد انها ماهي زايده ولو بغينا نشيلها من البيت لازم نحط ( واو ) قبل ( لو ) ويصير الشطر الاول كذا :

((يامن يجارلبيت هذا ولو ببيت))


اما بالنسبه اللشطر الثاني فأنا ايضا اشوف ان ( فيما ) ماتؤثر على الوزن مع اني اتوافق مع تعديلك يانياف بس بشرط اننا ننطق الهمزه في ( إفـ ما )

وعلى فكره يانياف ترى العين في كلمة ( بعد ) مفتوحه وليست ساكنه
انا اعتقد انك قريتها ساكنه


تسلم يالنايف على حضورك وجمل الله حالك

[عبد المجيد سعد]

هلا والله بالشباب الرايقين


اسعد الله مساكم


وهذي مشاركه مع اني مافهمت الموضوع بس برد على اخر بيتين



اركب على خيل المعاني انا جيت = نصيحتي لجل التلاقي معي اعد
شفني تعديتك وانا ماتحديت = وصلت للطايف وخابرك في سعد

[عبد المجيد سعد]

وعندي بيتين ابي احد يرد عليهم



يامن تشوف القصايد فالمسا شفني = كم شاعرٍ ساق شعري لين هستربه
لو امرؤ القيس في عصري ويعرفني = ماكان قال القصيد وما مشى دربه
وان كفني ما اكفكف من يكف كفني = وجه الرضا من سماتي دايم اضهربه