اقربو ياهل الوفى والطيب حياكم الله

[حمدان الشلاحي]

السلام عليكم ورحمة الله وبركاته
اعضاء منتدى غرابيل من يريد اللعب والفتل والتقض يتقدم ولي الشرف باللعب معه
بدون تحديد اقرب الشعار حياه الله


سلامي سلامن للرجال الطحاطيح = بديته على رجالن تعز الرجالي
دروب المراجل واضحه دون توضيح = وراع الوفى والطيب له قدر عالي

[فرد حمزه]

وعليكم السلام ورحمة الله وبركاته

ابرك الحزات يابن شلاح حضورك

استلم ..







هلا مرحبا واقلط على هبة الريح=وعاداتنا نكرم كرام السبالي

تجيب الصناديق ونجيب المفاتيح=تسوم الذهب فالسوق والسوق غالي

[صايب عريقات]

الشلااااااااااااحي صح لساااااااااااااااااااانك


فرد حمزة رد وااااااااااااافي



لاتبعدووووووووووووووووووو ون ولا تبطووووووووووون علينا

[محمد ابن براك العطاوي]

ياسلام ياسلام

حمدان الشلاحي صح لسانك مبدأ رائع


فرد حمزه صح لسانك رد وافي وانت قدها



بيض الله وجيهكم لاهنتوا

[فرد حمزه]

... صايب عريقات ... صح بدنك ... حضورك شرف ....

[فرد حمزه]

... محمد العطاوي الروقي العتيبي هههههه.... صح بدنك ... ولا عليك زود ... ووجهك أبيض ...

[حمدان الشلاحي]

وعليكم السلام ورحمة الله وبركاته

ابرك الحزات يابن شلاح حضورك

استلم ..







هلا مرحبا واقلط على هبة الريح=وعاداتنا نكرم كرام السبالي

تجيب الصناديق ونجيب المفاتيح=تسوم الذهب فالسوق والسوق غالي


يدوم البقاء من هاجسن ماهو شحيح=ولا يارد الا فوق عدن زلالي
تجيب الصفاه اللي حجرها صلافيح=وانا لو شريت وبعت من حر مالي

[فرد حمزه]

عسى الله يبارك فالمزون المراويح=نشوف البروق تلوح وسط الخيالي

طوال اللحى مدري طوال المسابيح=تهرج يابن شلاح وألك المجالي

[حمدان الشلاحي]

عسى الله يبارك فالمزون المراويح=نشوف البروق تلوح وسط الخيالي

طوال اللحى مدري طوال المسابيح=تهرج يابن شلاح وألك المجالي


تجيك السيول اللي من العارض تجيح=وتهب الهبوب ولا تهز الجبالي
عرفنا الثبيتي يوم جابه شليويح=وعلى الكايده نرقاء بروس الطوالي

[قيـس]

الله الله

الشلاحي ..صح لسانك

فرد حمزه..صح لسانك..

ماتبع.

[حمدان الشلاحي]

كافخلها صح بدنك يالغالي
ومرورك شرف نتشرف به الله يعطيك العافيه

[فرد حمزه]

مجاريح ياقلب المطيري مجاريح=ولا ماطرٍ يمطر ولا سيل سالي
بقا ذكر مطلق فالمساء والمصابيح=لكن غاب ذكر مطير ياهملالي

[فرد حمزه]

... كافخلها ... صح بدنك ... حضورك رائع ... دمت ...

[حمدان الشلاحي]

مجاريح ياقلب المطيري مجاريح=ولا ماطرٍ يمطر ولا سيل سالي
بقا ذكر مطلق فالمساء والمصابيح=لكن غاب ذكر مطير ياهملالي


انا اشب ناري وانت جبت المنافيخ=واخذها على الذرعان فال وعقالي
على الهون ياقلب المعناء مصاليح=ولا راح ذكر مطير وانته حلالي

[فرد حمزه]

تبى تشب نارك والحطب حرمل وشيح=وناري تواكل من لهيبٍ وصالي

ياحمدان دوبح فالليال المدابيح=كسبنا الاوايل وانت اخذت التوالي

[حمدان الشلاحي]

تبى تشب نارك والحطب حرمل وشيح=وناري تواكل من لهيبٍ وصالي

ياحمدان دوبح فالليال المدابيح=كسبنا الاوايل وانت اخذت التوالي


تراء قسمك الليله عراش المفاطيح=ودمعك على الخدين همل همالي
لك الدوبحه يالي تبا تقوم وطيح=ولا تكسب الا حزن أوهم أوغربالي

[فرد حمزه]

((ولا تكسب الا حزن وهم وغربالي ))

اعد النظر والوزن فالبيت وبعدها ارد عليك

(( انتظرك يا أخي حمدان ))

[حمدان الشلاحي]

وما الغلط في البيت البيت موزون ولا فيه شي

[فرد حمزه]

((واحد يحل النزاع يأهل المنتدى رأيكم يرضينا ))

[حمدان الشلاحي]

فرد حمزه وضح الغلط ولا بينا نزاع انا وياك انا اشوف البيت موزون
ولا فيه مثقال ذرة كسر واذا عندك ملاحضه عطناها

[فرد حمزه]

لك الدوبحه يالي تبا تقوم وطيـح
ولا تكسب الا حزن أوهم أوغربالي


اللي ملون باللون الاحمر غير موزون تمامآ وأنا ما أقدر اواصل والبيت فيه خلل لان الشعر وزن قافيه ولحنه وهذا مثال بيت للشاعر حبيب العازمي :

مساء الخير ياحفلٍ جمعت الجماهير
مساء الخير يامن جمع الحفل كله

مودتي لك

[حمدان الشلاحي]

هذا رقم جوالي دق على 0561139217 واللحن البيت لك ونشوف وين الغلط

[حمدان الشلاحي]

تراء قسمك الليله عراش المفاطيح=ودمعك على الخدين همل همالي
لك الدوبحه يالي تبا تقوم وطيح=وتراء المر يابن الناس ماهو بحالي

[فرد حمزه]

تراك أنت صيده للوجيه المفاليح=يضيق الجنوبي من فعول الشمالي

بعيد المراميع وبعيد المشاويح=وسيفي ينومسني نهار القتالي

[حمدان الشلاحي]

تراك أنت صيده للوجيه المفاليح=يضيق الجنوبي من فعول الشمالي

بعيد المراميع وبعيد المشاويح=وسيفي ينومسني نهار القتالي


مطيري وخصمي ماحصله مرابيح=يافردن يكدونه سوداني وصومالي
وابختم بذكر الله وابزيد تسبيح=الاهن ولاغيره على الكون والي

[صايب عريقات]

مبدعين والله ، رغم العواصف التي كادت أن تعصف بتضاريس الجزيرة العربية

[حمدان الشلاحي]

وبعد اذنك يافرد حمزه
ارجو من الاخوه الشعراء المرور على البيت اللي مارد فرد عليه
وشوفو فيه كسر ولا لا لحنت له البيت وقال ما اللعب عليه
وحكمكم راضيبه ارجو التفاعل وانا ماشوف فيه شي

[فهده]

صحت قلوبكم يالشعار

والله ماني شاعره بس من خلال قرائتي للمحاورة
احس .أوهم أوغربالي .ماهيب راكبه
وانا مدري اذا تلحن كيف يكون وبصراحه مانقدر ندق عليك
يعني اذا ممكن تسجل الابيات بصوتك وتنزلها

سلام..

[مشعل الثبيتي]

الله ... الله

الله ... الله


صح السنتكم


لاهنتوااااااااااااااااا

[الصقر البرازي]

السلام عليكم

اسمحوا لي ان ادلي بدلوي


البيت موزوووووووووووون يالربع


بس زيادة همزة الوصل قبل ( هم وغربالي )


هي اللي سوت المشكله مع انه ليس هناك همزه

ولو انها مع اللحن كأن فيه همزه مخففه ولكن في الكتابه ليس هناك همزه

والوزن منيح وصحيح ولا فيه كسر


وصحت السنتكم ياشعارنا


والمساله بسيطه

لكم التحيه من \ الصقر البرازي

[ناصر الجلاه]

السلام عليكم

اسمحوا لي ان ادلي بدلوي


البيت موزوووووووووووون يالربع


بس زيادة همزة الوصل قبل ( هم وغربالي )


هي اللي سوت المشكله مع انه ليس هناك همزه

ولو انها مع اللحن كأن فيه همزه مخففه ولكن في الكتابه ليس هناك همزه

والوزن منيح وصحيح ولا فيه كسر


وصحت السنتكم ياشعارنا


والمساله بسيطه

لكم التحيه من \ الصقر البرازي

..

الأخوان الأعزاء

فرد حمزه معاه حق الشطر الأخير غير موزون 100% وأكبر دليل بيت الشاعر وبيت حبيب العازمي لكن غن البيت يالصقر البرازي زين غريبه شاعر مثلك يقول كذاوالكسر واضح وضوح الشمس .

حمدان الشلاحي
لك الدوبحه يالي تبا تقوم وطيـح
ولا تكسب الا حزن أوهم أوغربالي

حبيب العازمي

مساء الخير ياحفلٍ جمعت الجماهير
مساء الخير يامن جمع الحفل كله


كسر واااااااضح لا مجامله فيه واللي يقول غير كذا يغالط نفسه

صح لسانك يافرد حمزه وتشكر على توضح اللحن وإقتباس لحبيب العازمي لتوضح الكسر من حمدان

وصح لسان الشلاحي ولاتزعل يالغااالي ماينقص فيك شي شاعر لله درك



بقا ذكر مطلق فالمساء والمصابيح
لكن غاب ذكر مطير ياهملالي


هههههههه


دمتم يالغاااالين

[مشعل الثبيتي]

لاهنتوااااااااااااااااااا اا


يالشعار !!!!!!!!!!!!!!!!!

[الصقر البرازي]

لك الدوبحه يالي تبا تقوووم وطّيـح

============ولا تكسب الا حزن وهم وووغربالي


البيت هكذا مافيه شي ابد ابد

بس يمكن ماعرفة يااخ ناصر تنطقه زين

وحكمك وانا اخوك ياناصر الجلاه مهو القاضي الفصل اللي لجانا سكتنا

اكرر بيت الشاعر الشلاحي سليم الله يسلمكم اجمعين


ومع ذلك اقول

المساله بسيطه يالربع

والله العظيم انها بسيطه

وللشاعرين وللاخ ناصر ولكل من مرّ من هنا

كل تحيه من \ الصقر البرازي

[محمد ابن براك العطاوي]

الجماهير مالهم دخل فالشعار بس مدام جاء الطلب

البيت مكسور 100 % مايركب على اللحن وش يكون

وكلام ناصر صحيح وبيض الله وجهه على كلامه

(والساكت عن الحق شيطان اخرس)

يقول رشيد الزلامي

انا مادعي بالعرف عن كل عارفه = الي نظرتي والناس كلن بنظراته

وهذا ماينقص من حمدان الشلاحي

الا اقول صح لسانه ولاهان

حمدان شاعر ولافيه قصور بس محد معصوم من الخطا

[فرد حمزه]

... بنت برقا ... مشعل الثبيتي ... ناصر الجلاه ... محمد العطاوي ...

حضوركم ... يسعدني ويشرفني ....

لك الدوبحه يالي تبا تقوووم وطّيـح

============ولا تكسب الا حزن وهم وووغربالي

... الصقر البرازي وووغربالي وش لزوم الواو تكررها هههههههه ياشين العسر وقلة الفهم انا كلمت اخوي حمدان وتفاهمنا وغير بيته المكسور ليش انته تسوي فاهم وياليته في قدا ودرب مستقيم ألا خاصمت نفسك بنفسك . سبحان الله ناس ألا تحط نفوسها في دائرة الملامه وهي بعيده كل البعد .

[الصقر البرازي]

اولا

يافرد حمزه

تقول

(انا كلمت اخوي حمدان وتفاهمنا وغير بيته المكسور)

هذا غير صحيح فلاخ حمدان مهو مقتنع بكلامك ولادخل راسه ولذلك طلب بعد انتهاء المحاوره ان ينظر الاخوه في بيته لانه غير مكسور
وانت تريد ان تبيّن انك اقنعته وغيره لانه مكسور
والحقيقه انه ماغيره الا ليكمل المحاوره بس

ثانيا

تقول
( ياشين العسر وقلة الفهم )

اقول ( واذا خاطبهم الجاهلون قالوا سلاما ) صدق الله العظيم

ثالثا

تقول ( سبحان الله ناس ألا تحط نفوسها في دائرة الملامه وهي بعيده كل البعد)

اقول

كل هذا زعل وسوية زحمه وعجه وصجه ولجه وفزعه هههههههههههههههه

والمساله بسيطه ماتستاهل

وهذ يدل على فقدك للغة المناقشه واسلوب الحوار لكن مع الوقت تتعلم ههههه


ماقول الا الحمدلله على نعمة العقل الكبير ياربي لك الحمد


للجميع ازكى تحيه من \ الصقر البرازي الــــــــــــــــــهلي

[حمدان الشلاحي]

السلام عليكم

اسمحوا لي ان ادلي بدلوي


البيت موزوووووووووووون يالربع


بس زيادة همزة الوصل قبل ( هم وغربالي )


هي اللي سوت المشكله مع انه ليس هناك همزه

ولو انها مع اللحن كأن فيه همزه مخففه ولكن في الكتابه ليس هناك همزه

والوزن منيح وصحيح ولا فيه كسر


وصحت السنتكم ياشعارنا


والمساله بسيطه

لكم التحيه من \ الصقر البرازي

الصقر البرازي اسعد الله ايامك بالمسك والكادي
وانا ايضن اوافق رايك
البيت على الجرس المسيقي بالدقه ولا يوجد خلل في وزن اللحن
ولاكن الشباب عندهم نضره ويستدلوون ببيوت لحبيب العازمي
ورشيد الزلامي مكسره سبع مية كسره وغير قابله للتجبير
ولو رجعنا للمحاوره من بدايتها نجد هناك بيوت لفرد حمزه
مشابه تمامن للبيت الذي عارض عليه
وهذا اختلاف اراء بسيط جدآ ولا يزعل احد على احد
مجرد همزة وصل تنطق فاللحن ولا تكتب كتابه
رفضها فرد حمزه وغيرناله الشطر والخاتمه مسك الختام

[حمدان الشلاحي]

الجماهير مالهم دخل فالشعار بس مدام جاء الطلب

البيت مكسور 100 % مايركب على اللحن وش يكون

وكلام ناصر صحيح وبيض الله وجهه على كلامه

(والساكت عن الحق شيطان اخرس)

يقول رشيد الزلامي

انا مادعي بالعرف عن كل عارفه = الي نظرتي والناس كلن بنظراته

وهذا ماينقص من حمدان الشلاحي

الا اقول صح لسانه ولاهان

حمدان شاعر ولافيه قصور بس محد معصوم من الخطا

محمد البراك العطاوي اسعد الله ايامك بالمسك والزعفران والكادي
نتقبل الاراء والانتقادات بكل صدر رحب
وجهت نضري اللحن لايوجد به خلل
في البيت اللي سبب زحمه

والله لايهينك يالعطاوي

والدعوه بسيطه يارجال اختلاف اراء لاتزعل

تشرفت بحضورك الله يعافيك يالغالي

[حمدان الشلاحي]

..

الأخوان الأعزاء

فرد حمزه معاه حق الشطر الأخير غير موزون 100% وأكبر دليل بيت الشاعر وبيت حبيب العازمي لكن غن البيت يالصقر البرازي زين غريبه شاعر مثلك يقول كذاوالكسر واضح وضوح الشمس .

حمدان الشلاحي
لك الدوبحه يالي تبا تقوم وطيـح
ولا تكسب الا حزن أوهم أوغربالي

حبيب العازمي

مساء الخير ياحفلٍ جمعت الجماهير
مساء الخير يامن جمع الحفل كله


كسر واااااااضح لا مجامله فيه واللي يقول غير كذا يغالط نفسه

صح لسانك يافرد حمزه وتشكر على توضح اللحن وإقتباس لحبيب العازمي لتوضح الكسر من حمدان

وصح لسان الشلاحي ولاتزعل يالغااالي ماينقص فيك شي شاعر لله درك



بقا ذكر مطلق فالمساء والمصابيح
لكن غاب ذكر مطير ياهملالي


هههههههه


دمتم يالغاااالين

ناصر الجلاه اسعد الله ايامك بالمسك والكادي
نتقبل الاراء وبكل صدر رحب
والدعوه بسيط يارجال

[حمدان الشلاحي]

تشرفت باللعب معك يافرد حمزه
الله يعطيك العافيه
ولك مني كل الشكر والتقدير والاحترام
والاختلاف اللي حصل لاينقص من قدرك او قدري
وانما اختلاف وجهات انضار فقط لاغير نتقبلها بكل صدر رحب
ودمت بود وبخير