فراج العتيبي

[منور العوني]

ابيات كتبت على عجل وهي رد على الشاعر القدير والاخ العزيز / فراج العتيبي



يامرحبا عدّ ماخط القلم باليدين=بالصاحب أللي أعزه حيل وأقدره
غاص البحر والدرر نقّا وجاب الثمين=البحر عرضه وطوله لو بغى يعبره
في ساحة الشعر يدحم له بجنبً متين=وأطلق شنب يعجز ولا يقدر يعسّره
فالنت بعد الفراغ الناس مستشعرين=وأنا يافراج تدري أكره المصخره
النت شفنابه أللي غث وأللي سمين=وألا أنت تكرم عن الرديان والمبزره
قدرك يافراج عالي من ورى الفرقدين=وخوتك خوة نشاما تعتبر مفخره
خوة شرف والمعزه مثل حصنٍ حصين=تبقى المعزه ولو جينا على المقبره
تامر أمر ياخويي وأنت في وسط عين=عين الصداقه وكل أللي بغيت أذكره
وناصر سكن فالفطيف وأسمه آبوحُسين=روّح مع زهير لكن ماأقدر أكفّره
يقول حظي مع الشيعه يشين ويزين=فراج كلّم أبوه العود ثم خبره


لاتنسى تعلم ابو الرجال:مزون:

[يوسف عبدالله الغنامي]

منور العوني


صح لسانك وعلا شانك


شاعر مبدع ورائع

لله درك

[منور العوني]

يوسف الغنامي


صح بدنك


والف شكر على مرورك الكريم

[محمد نايف العتيبي]

/

الله الله


منور فديت هالخشيم


جزل ولا تجيب الا جزل يالغالي ..


وافيه ورد وافي منك ..



وناصر سكن فالفطيف وأسمه آبوحُسين
روّح مع زهير لكن ماأقدر أكفّره
يقول حظي مع الشيعه يشين ويزين
فراج كلّم أبوه العود ثم خبره

هههههههههههه اجل تهقا يامنور ان الرجال راح مع الطوشه , وانا اقول يوم جانا قبل ايام فيه خله ..ههههه

<< جاري تغيير اسم ناصر الى ابو حسين

صح لساااااااااااااانك يابو سعد ولاهنت



دمت بخير




محمد بن نايف

[وجـد]

النت شفنابه أللي غث وأللي سمين
وألا أنت تكرم عن الرديان والمبزره

يا سلام

كرمتوا جميعا

صح لسانك

حضور رااائع ووافي

لاهنت

احترااامي

و
ج
د

[فراج العتيبي]

الله الله

الله الله الله


منور العوني


عزالله وفيت وكفيت


وش اقول ماقول غير صح لسانك وسلم بنانك وياجعلني ماخلا ولا عدم واسمحلي بالهبويتات



الله يجملك ياقاف الشعر كل حين = وانا معك يوم افضفض لك بما اشعره
ابى اختصر ماحواه الصدر في كلمتين = عزالله إن هرج منور كلبوه إثمره
من يوم غنى على بدعه بقافٍ ثمين = كنه مقند عشاني دله مسمره
وانا معه والعلوم إن راده الله تزين = قلوبنا نيّره .. وعيوننا مبصره
والنت ابو شاشه .. الله يستر المسلمين = بيتٍ يهدمه وبيتٍ بالوفا يعمره
يفتح على اهل الهوى بابه على مصرعين = ولافيه ( إستح يارجل إبك إستحي يامره )
لاشك الايجاب مايخفى على العاقلين = وكلٍ على حسب تفكيره يمد إنظره
وانته وانا أجهزتنا في كلا الحالتين = لولا الشعر قد حذفناها في قلب إشجره
قفلت موضوع واللي باقي آبو الحسين = إن كان ماتقدره فأنا بعد ماقدره
ولد عضلات وكتوفه عراض وسمين = وليا زعل مابقى الآ ياكلك بإنظره
مادون حلقه ابو مشيّب ياكود اليدين = ضربه توديك يابو سعود للمقبره
إن عاش وسط الحسا ولا ورى الرافدين = إياني وياك يسمع فالبلد شوشره


وسلامتك


ولاتنسى تسلم لي على ناصر

[محمد الروقي]

منور العوني

رد وبين انها على عجل ومع ذالك

جزله وفاخره ووفت بالغرض صح لسااانك صدى رايع

من شاعر جزل تقبل تحياتي وتقديري

[احمد مناحي]

منور العوني

هلا بك وغلا

رائعه يامنور ماتستغرب منك

كما استمتعنا بابداع فراج قبلها امتعتنا الله يديم المحبه

صوت وصدى ولا اروع

مبدعين الله لايضركم

تقبل مروري

[نياف العتيبي]

منور العوني

بيض الله وجهك يالغالي وافيه وانت راعيها


صح لساانك ولسان فراج العتيبي


ولاهنتتتتتتتت



الناايف

[منور العوني]

ابو نايف

يفداك من عاداك يالامير


وصح بدنك


والرجال لو تشوفه فالقطيف مايطري عليك الا (الصدر)

ههههههههههههههه

[خالد الممخور]

منور العوني صح لسانك

[عبدالرزاق الشمري]

الأخ منور

صح لسانك على هالجزاله المعهوده

وصح لسان الأخ فراج

عز الله انكم وافين ومبدعين بحق

اما ابومشيب فهو مايتغير منهجه لو راح لكربلاء

الله يوفقه أينما حلّ

تقبلوا مروري

[خــــالـــــد]

منور العوني
ـــــــــــــــــــــ
صح لسـانك ولسانه

تسلم يمينك يالغالي

ولاهنت

مبدع دوماً
ـــــــــــــــــــــ
أخوكـ/خالد

[منور العوني]

وجد


صح بدنك

والف شكر على مرورك العاطر

[منور العوني]

الاخ العزيز والشاعر القدير

فراج العتيبي

صح لسانك وبيض الله وجهك

وعسى الله يجملنا مع راعين الطيب اللي شرواك

[محمد بن ضاوي]

فالنت بعد الفراغ الناس مستشعرين
,,,,,,,,,,,,,,, وأنا يافراج تدري أكره المصخره

هههههههههه

الله لايجعلني منهم هههههههههه



منور العوني ,,

حقيقه شعرك يطربني ويجوز لي بالحيل


الف صح لسانك ولاهنت يالشاعر

[منور العوني]

محمد الروقي


صح بدنك


وشهادتك محل اعتزاز وتقدير


ما اخلا ولا اعدم يا ابن الباديه