اقفيت وانا ادري بإنك عظيمه!!!

[محمد بن غالب]

السلام عليكم ورحمة الله وبركاته.

اخواني اعضاء منتدى غرابيل تمتعوا بقراءة هذه العذراء..




ياغاليه يام العيون الكحيله=يامترفه يانايفه ياعظيمه
يالنادره يالمعجزه المستحيله=يالشامخه يالطاهره ياكريمه
ياغايتي يانجمتي كل ليله=يالحن شعري ياعذوبة رنيمه
اشتاقلك وانقادلك ياجميله=يام الدلع يام الغنج يالرحيمه
ياعود غصن(ن) والنسائم تميله=يلعبه النسناس في ظل غيمه
ياناعمه ياباهره ياجليله=لو كان حبك في خفوقي جريمه
فليشهد التاريخ بإني اشيله=وبكل يوم ادعي إلاهي يديمه
لاكن ترا يام الرموش الطويله=ياللي سرقتي قلب من جاه ضيمه
صحيح احبك لاكن انتي بخيله=ليه البخل والوصل تقدر تقيمه
ليه البطا والقلب منهد حيله=وليه التغلي والجفا ياليئمه
جسمي نحل من كثر ماعاش طيله=والحب يصرخ من فعايل غريمه
يكفي جفا والوصل طول رحيله=رديه لايقطع فجوج الخريمه
رديه لو كان المسافه طويله=رديه مادام النوايا سليمه
رديه مادام الرجاوي تجيله=والقلب يدعي ردته من صميمه
وإن كان زاد البعد والصد ليله=اقفيت وانا ادري بإنك عظيمه


وسلامتكم..

[مفرح بن مناحي]

الله الله يا محمد

صح لسانك

أبيات جميلة .. عذبة .. سلسة

لله درّك

ملاحظة /
صحيح احبك لاكن انتـي بخيلـه
ليه البخل والوصل تقدر تقيمـه

بخيلة = تقيمه
المخاطب هنا اختلف .. من المؤنث للمذكر
اقترح أن تكون / ليه البخل والوصل نقدر نقيمه
والقرار لك

على العموم هذه الملاحظة لا تلغي جمال القصيدة إطلاقاً

وبانتظار غيثك القادم

[عبد المجيد سعد]

ابو غالب


ابدااااااااااااااع بلا حدوود


صح لساااانك واعتلى شانك


ولو اني ماشفت شعرك اللي اعرفه حتى الان


بس هالقصيده لها وضع خاص والتشبيه فيها والتصوير

فيه احساس



صح لسانك عدد بلا مدد



اخوك / عبد المجيد

[وجـد]

صح لسانك

حضور عذب

لاهنت

احترااامي

و
ج
د

[احمد مناحي]

محمد بن غالب

هلا بك وغلا

صح لسانك الى رضاك

كتبت فابدعت

قصيده جميله لايكتبها الا شاعر متمكن

وانا اتفق مع اخي مفرح بماقال ولي اظافه ان سمحت لي بها :



يالنادره يالمعجـزه المستحيلـه
يالشامخـه يالطاهـره ياكريمـه

هنا تصفها بالكريمه .

ليه البطا والقلـب منهـد حيلـه
وليـه التغلـي والجفـا ياليئمـه

هنا تصفها باللئيمه .

هل يجتمع الكرم واللؤم في شخص واحد ؟

لاكن ترا يام الرمـوش الطويلـه
ياللي سرقتي قلب من جاه ضيمه

في الصدر لو استبدلت ( الطويله ) بالظليله كان افضل .

تقبل مروري

[وائل بن منصور]

الله الله عليك يابو غالب
تناسق شعري مميز .. تصوير جميل
وجزاله ماهي غريبه عليك يابو غالب ..

جزل جزل .. وهذا هو السهل الممتنع

لاتحرمنــا من جديدك يابو غالب .. سجلني من المعجبين لكــ ..

صح للسانك .. ولاهنت ..

لك مني تحيه والســلام

[خالد الممخور]

محمد بن غالب


شاعر جزل وقصيده رائعه وصور شعريه جميله

وتناسق شعري جميل


ابدعت شعراً


صح لسانك واعتلا شانك

[يوسف عبدالله الغنامي]

صح لسااااانك

[عبدالله الدلبحي]

صح الله لسانكـ

صح الله قلبكـ


تقبل حياتي بدل تحياتي اخوكـ عبدالله الدلبحي
...

[خــــالـــــد]

محمد بن غالب
ـــــــــــــــــــــ
صح لسـانك أخوي

وتسلم يمينك على القصيدة

أحسنت نظماً

لاهنت
ـــــــــــــــــــــ
أخوكـ/خالد

[عبد الرحمن مازن العطاوي]

.
.

ابو غالب
لو لم يكن هناك إبداع لما وجدت نقد .!
فـ صدقني ان هالقصيد كايفه ورايقه ويكفي احساسها بـ حرف حزين وجوّ رايق



سؤال .!
وش خليت لـ معشوقتك من وصف إذا انت قلت .!

ياغاليه يـام العيـون الكحيلـه
يامترفـه يانايـفـه ياعظيـمـه
يالنادره يالمعجـزه المستحيلـه
يالشامخـه يالطاهـره ياكريمـه
ياغايتـي يانجمتـي كـل ليلـه
يالحن شعري ياعذوبـة رنيمـه
اشتاقلـك وانقادلـك ياجميـلـه
يام الدلع يـام الغنـج يالرحيمـه


باختصار قصيده ملاك في ملاك .!
صح لسانك ولاهنت ياعمده
وتقبل برحابة صدر فديت رآسك


تحيتي لك

.
.

[محمد بن غالب]

الجميع صحت ابدانكم

وتشرفت بتواجدكم وهذا يعطيني دافع كي اكتب الشعر بإحساس


...الجميع بدون إستثناء لكم مني جزيل الشكر



تحيتي للكل..

[مشعل عثمان]

صح لسانك ابو غالب ولا هنت

[أبوعبدالرحمن]

محمد بن غالب


صح قلبك وكلك


وسلمت اناملك


جزلة ومن شاعر جزل


تحيتي لك

[غادة اليم]

صح لسانك

صح لسانك