مشاهدة النسخة كاملة : محراف للفايده فقط
الطارف يسد
سلام رديةٍ في صرح شامخ مايجيه الملام = في صرح شامخ وله فالقلوب عشاقه محل وعبور
الليله الليله الليله نباها من جزيل الكلام =من دون ذكر الاسامي والبلد من خيرربي امعمور
عبدالرزاق الشمري
19-08-2008, 07:14 PM
يامرحبا مسهلا بك وانته الليله تراك الامام = كبّر وصلّ الصلاة اللي تصليها وربك غفور
ان كان شفق ٍ على المعنى فانا اقول الهمام الهمام = هجرس وهات العلوم اللي معك منته تراك محظور
ياسلام سلم
لك البقا يالمرحب عد مالاحت بروق الغمام = وليا بلاك الولي اصبر وخلك فالليالي صبور
الوضع يالشمري حساس مابين اللحم والعظام =ماشاش منها ياكود اللي على الامه جزوعٍ غيور
عبدالرزاق الشمري
19-08-2008, 07:49 PM
اقبل عليك المزون الدهم وانته مانصبت الخيام = الماء ليا عدم ياراع المعرفه ناب عنه العفور
الوضع حساس ياجعل الفرج ياتي بشهر الصيام = قريت خطك ونارك مابعد فاحت عليها قدور
النور يالشمري ياصاحبي يجلا سدول الظلام = ياليت تاخذ وتاعظ ثم تلد العين يم القبور
حلت وجابت ولا ادري وش وراها يارفيع المقام = واللي تبثه لنا الاقمار تسعى لردى والسفور
عبدالرزاق الشمري
19-08-2008, 10:37 PM
يازين درب السنع راعيه ماقد لحّقوه الملام = هالحين اعلمك ويش اللي يصير بوسط هاك القصور
زود النعم خلّت الجاهل يخلط اللي حلال بحرام = الكون ماغيّروه وعايشين ٍ في حدور بحدور
فالماقف المحتمى لاتدخل الا وانت ملي الحزام = حتى مايلحقك بين اهل المعرفه والمروه قصور
الوقت تاليه بيين لو نقول ان الدعاوي تمام = واخر حدث فالبلد ضجه من مسلسل مهند ونور
عبدالرزاق الشمري
20-08-2008, 04:25 PM
فالماقف اللي ذكرته صاحبك سمّى وريعه حسام = خل الوصايا لغيره وانتبه للطّرق جاله فتور
قد قلت لك جيل هالايام مابين الاكل والمنام = تبّاع موضه ولا يخلا الزمن من طيبين الظهور
انصحك وانته تكابر يوم جاتك من يديني شمام = العب وانا معك ماشي مير حذرا لاتضيق الصدور
ياعل من يتبع درب الهدى من عقبه للرحام = اللي يعرف النجاه امن المهالك والليالي دبور
عبدالرزاق الشمري
20-08-2008, 07:51 PM
ماضاق صدري ولكن ضبّط امورك ياعادل إمام = تكشف معانيك ثم تقول انا اسبح وسط غبّت بحور
لكنّ ابقول صلى الله على محمد بمسك الختام = شربت من دلّة ٍ ياطيبها ماعقبها الا البخور
هاصح السااااااااااااانك يالشمري
وبيض الله وجهك
احترامي وتقديري
محمد نايف العتيبي
20-08-2008, 09:08 PM
/
غـيــاث
و
عبدالرزاق الشمري
صحة السنتكم جميعاً
والله يعطيكم العافيه ..
دمتم بخير
محمد بن نايف
عبدالرزاق الشمري
21-08-2008, 11:12 AM
هاصح السااااااااااااانك يالشمري
وبيض الله وجهك
احترامي وتقديري
صح بدنك غياث
ووجهك ابيض
وعسانا تجملنا معك
عبدالرزاق الشمري
22-08-2008, 03:52 PM
/
غـيــاث
و
عبدالرزاق الشمري
صحة السنتكم جميعاً
والله يعطيكم العافيه ..
دمتم بخير
محمد بن نايف
أخوي محمد
صح بدنك
والله يعافيك يالقرم
شقردي حرب
22-08-2008, 05:09 PM
صح لسانك ياعباث
وصح لسان عبدالرزاق
طاروق كايف
تقبلومروري
محمد نايف
صح بدنك ولاهنت على مرورك
ـــــــــــــــــــــــــ ـــــــــــــــــــــــــ ـــــــــــــــــ
شقردي حرب
صح بدنك
والكايف والله مرورك
احترامي وتقدير لكم
Powered by vBulletin® Version 4.2.6 by vBS Copyright © 2024 vBulletin Solutions, Inc. All rights reserved, TranZ by Almuhajir