للمرأة سبعين لقب 00000يالله كل وحده تدور لقبها

[صالح الروقي]

للمرأة سبعين لقب 00000يالله كل وحده تدور لقبها



السلام عليكم ورحمه الله وبركاته
تحياتي لكم
كيفكم عساكم تزقحون ومستانسين
وشلونكم مع اغسطس عسى مافيه احد ماااااااع فيه
عزي للي وزنه فوق 75 كيلو جرام مربع هههههههههه

وبعد هالغيبه اليوم جايب لكم القاب المرأه وكلها زينه
لو اني اشوف فيه هجمات على اخواننا الشباب من بعض الاخوات
ماني ذاكر اسماء ههههههههههههههههه

-----------------------------------------------

مثل هذه النوادر والتي تعد قاموس مفسر لمثل هذة الأوصاف الجميلة و من ثم من خلالها يتسنى لنا معرفة معاني هذة الكلمات أو الأوصاف التي يعد بعضها غير دارج بين عامة الألفاظ المعروفة بين الناس ...

فمن الالقاب تلك سبعين لقب ..فمن منكم يحمل اللقلب :::




الربحـلة : المرأة إذا كانت ضخمة وفي اعـتـدال .

السبحـلة : المرأة إذا زادت ضخامتها ولم تـقـبح .

الجـاريـة : المرأة إذا كانت طويلة وسـبـطـة .

الوضيئة : المرأة التي بها مسحـة من الجمال .

العـيطبـول : المرأة الطويلة العـنـق في اعـتـدال وحـسن .

الغـانـيـة : المرأة إذا استـغـنت بجمالها عـن الزينة .

الوسيـمة : المرأة إذا كان جسدها ثابتاً كأنها رسمت به .

القسيـمـة : المرأة صاحبت الحظ الوافر من الحسن .

الرعـبـوبة : المرأة إذا كانت بيضاء اللون رطبة .

الزهــراء : المرأة التي يميل بياضها إلى صفرة كلون القمر والبـدر .

الدعـجــاء : المرأة شـديـدة سـواد العـين مع سعـة المقـلة .

الـشـنـبـاء : المرأة رقيقة الأسنان المستوية الحسنة .

الخــود : المرأة الـشـابة حسنة الخـلـق .

المولـودة : المرأة إذا كانت دقـيـقـة المحـاسـن

الخرعـبـة : المرأة حـسـنـة الـقـد.. وليـنة العـصب .

المبـتـلة : المرأة التي لم يركـب لحمها بعـضه بعـضا .

الهـيـفـاء : المرأة إذا كانت لطيفة البـطن .

الممشوقة : المرأة لـطـيـفـة الخـصر مع امـتـداد القامة .

الخـدبجة : المرأة السمـيـنـة الممـتـلـئـة الذراعـيـن والساقين .

البرمادة : المرأة السمينة التي ترتـج من سمنها .

الرقراقة : المرأة التي كأن الماء يجري في وجهها .

الـبـضـة : المرأة إذا كانت رقـيـقـة الجلد وناعـمة البشرة .

الـنـظـرة : المرأة إذا رأيت في وجهها نضرة النعـيم .

الوهنانة : المرأة إذا كانت بها فـتـور عـند القيام لسمنها .

البهنـانة : المرأة إذا كانت طيـبـة الريـح .

العـرهـرة : المرأة عـظيمة الخلق مع الجمـال .

العـبـقـرة : المرأة الناعـمة الجميلة .

الغـيـداء : المرأة إذا كانت متـثـنـية اللين المتعـمدة له .

الرشـوف : المرأة طـيـبـة الـفـم .

أنـــوف : المرأة إذا كانت طيبة ريـح الـيــد .

الرصوف : المرأة إذا كانت طيـبـة الخـلـوة .

الـشـموع : المرأة.. اللعـوب.. الضحـوك .

الفرعــاء : المرأة إذا كانت تامـة الـشعـر .

الدخيـمة : المرأة إذا كانت منخـفـضة الصوت .

العـروب : المرأة إذا كانت محبة لزوجها.. المتـحـبـبـه إليـه .

الـنـوار : المرأة إذا كانت نـفـورا من الريـبـة .

القـذور : المرأة المـتـجـنـبـة الأقـذار .

الحصان : المرأة الـعـفـيـفـة .

البنـون : المرأة كـثيـرة الـولـد .

النظور : المرأة قـلـيـلـة الولادة .

المذكـار : المرأة التي تـلـد الذكـور فـقـط .

المأنـاث : المرأة التي تـلـد الإناث فـقـط .

المهـاب : المرأة التي تـلـد مرة ذكـر ومرة أنثى .

مقـلات : المرأة التي لا يعـيـش لها ولـد .

منجاب : المرأة التي تـلـد الـنجـباء .

محمقة : المرأة التي تـلـد الحمقى .

الممكـورة : المرأة المطرية الخلق .

الـلـدينــة : المرأة الـلـيـنـة الـناعـمة .

المقـصد : المرأة التي لا يراها أحـد إلا أعـجبته .

الخبرنجـة : المرأة الجارية الحسنة الخلق في استواء .

الرجراجة : المرأة الدقـيـقـة الجـلـد .

الرتـكـة : المرأة الكـثيرة اللحم .

الخـريــدة : المرأة الحـبـيـبـة .

الطـفـلة : المرأة الناعـمة المـلـمـس .

العـطـبـولة : المرأة طويلة العـنـق .

الـبـراقـة : المرأة بيضاء الـثـغـر .

الدهثمة : المرأة السـهـلة .

العـانـق : المرأة التي لم تـتـزوج .

الباهـرة : المرأة التي تـفـوق غـيرها من النـساء في الجمال .

الهنانة : المرأة الضاحكة.. المتهللة .

الغـيـلم : المرأة الحسناء.. حسنة الخلـق .

المتحرية : المرأة حسنة المشية في خيلاء .

العيطموس : المرأة الفطنة.. الحسناء .

السهلبة : المرأة خفيفة اللحم .

العـزيزة : المرأة الغـافـلة عـن الـشر .

الرائعــة : المرأة التي تسر كل من ينظر إليها .

البلهـاء : المرأة الكـريـمـة .

الفيصاء : المرأة الطويلة العـنـق .

المجدولة : المرأة الممشوقة .

السرعـوفة : المرأة الناعـمة الطويلة.

الشموس : المرأة التي لا تطمع الرجال في نفـسها.


اللي يعرف لي وحده فيها كل الصفات اعلاه ولا اكثرها يرد لي خبر :مزون:


منقول لكم من كتاب المؤلف
عبدالصمد الخطيب

[سعود]

ههههههههههه


صالح والله اول مرة اشوف هذه المفردات والمصطلحات الصعبة





العـبـقـرة : المرأة الناعـمة الجميلة


اتوقع هذي مطلب الجميع



ولكني اتوقع اصبحت نادره الوجود ان لم تنقرض بعد




المهم ياصالح


ابي وحده مدعوجة العين ممشوقه القوام شلولخه عريضة المنكعين طويلة الكعبين




<<== يطالع في الاسامي ويضحك



صالح هذي كيف عثرت عليها في اي قاااموس



تسلم ياذيبان على هيك بحث وتحري خطير





تحية عطرة

[محمد الروقي]

كلها غير موجوده في وقتنا الحاضر

الان موجود

الجبعا ,, القاصه لشعرها

الغبراء الي حاطه مكياج وسايح مانفع المثبت

العرماا مدري وشهي بس يالله

الرقداا يمكن الي تنام بنهار كله وتسهر بالليل

الدواجه ,, وهذي عد وغلط الي بالاسواق

الرفلا ويا كثرهم الي ماتعرف حتى تسوي الشاهي

ههههههههههههه تسلم صالح وبلاش مجاملاااات احسلك

[صالح الروقي]

ههههههههههه
صالح والله اول مرة اشوف هذه المفردات والمصطلحات الصعبة
اتوقع هذي مطلب الجميع
ولكني اتوقع اصبحت نادره الوجود ان لم تنقرض بعد
المهم ياصالح
ابي وحده مدعوجة العين ممشوقه القوام شلولخه عريضة المنكعين طويلة الكعبين
<<== يطالع في الاسامي ويضحك
صالح هذي كيف عثرت عليها في اي قاااموس
تسلم ياذيبان على هيك بحث وتحري خطير
تحية عطرة
هلابك ياسعود
والله اسمع وانا خوك بالنسبه لمطلبك صعب شوي بالعلم اني مافهمت وش تقصد عريضة المنكعين هههههههههههه
لكن نبي نوصي لنا كم من خطااااااابه لعلنا نوجد احد بالعلم اني اعتقد انها مستحيله هههههههههههههههههههههه

سعود

يسلم راسك على مرورك
ولك حبي وتقديري

[صالح الروقي]

ههههههههه

هلابك ياابن الباديه
اي مجااااااااامله

انا مااحب اجامل ولا اجامل ابداً
لكن عاد انت تعرف ماودك تصير دائما تشن هجوم لا بد تكون مره هيك ومره هيك
اما الاوصاف اللي قلتها انت رهيبه
الرفلاء : ياكثرهم هالوقت كلهم رفل

الجبعا : اعتقد كلهم جبع في هالوقت بسبب الموضه
لا وازيدك من الشعر بيت

تعال شف العرب قبلنا وش يقولون فيهم

تقول العرب :



للمرأة البشوشة ( هنانة )

وللمحبة لزوجها ( عروب )

ولطيبة الخلوة والسمر ( رصوف )

وللبيضاء الرطبة ( رعبوب )

وللشابة حسنة الخلق ( خود )

ولكبيرة المؤخرة ( رداح )

ولطيبة الفم شكلا وطعما ( رشوف )

ولذات العين الواسعة ( دعجاء )

وللحسناء ( غليم )

ولمن تستغني عن الزينة بجمالها ( غانية )

وإذا ضاق ملتقى فخذها ( لفاء )

والتي بياضها مصفر ( زهراء )

ولكنودليسا رايس ( كويحة ) :

المنانة
وهي التي تمن على زوجها بأي شيء تعطيه
الونانه
وهي كثيرت التشكي من المرض
الحنانة
وهي اذا كانت في بلد واهلها في بلد تطلب الذهاب لهم بستمرار
البراقة
وهي تهتم بجمال الشكل وتزينه اكثر من القلب
الشراقة
وهي كثيرة الكلام في كل شيء واي شيء


ولكنودليسا رايس ( كويحة ) ::مزون:
خخخخخخخخخخخخخخخخخخخخخخخخخ خخخخ

عز الله اني مانويت اتشين فيهم لكن كلها سبايبك يامحمد ههههههههههههههههههههههههه ههههههههههههه

محمد
لك شكري وتقديري على مرورك العذب

[غلا أبوها]

كلها غير موجوده في وقتنا الحاضر

الان موجود

الجبعا ,, القاصه لشعرها

الغبراء الي حاطه مكياج وسايح مانفع المثبت

العرماا مدري وشهي بس يالله

الرقداا يمكن الي تنام بنهار كله وتسهر بالليل

الدواجه ,, وهذي عد وغلط الي بالاسواق

الرفلا ويا كثرهم الي ماتعرف حتى تسوي الشاهي

ههههههههههههه تسلم صالح وبلاش مجاملاااات احسلك



صراحه أسماء جبتها شئ يامحمد

فطست ضحك عليها :مزون::مزون:



وصالح مشكور على الموضوع بس من وين جبت هالاسامي :مزون:

[محمد الروقي]

ههههههههه

هلابك ياابن الباديه
اي مجااااااااامله

انا مااحب اجامل ولا اجامل ابداً
لكن عاد انت تعرف ماودك تصير دائما تشن هجوم لا بد تكون مره هيك ومره هيك
اما الاوصاف اللي قلتها انت رهيبه
الرفلاء : ياكثرهم هالوقت كلهم رفل

الجبعا : اعتقد كلهم جبع في هالوقت بسبب الموضه
لا وازيدك من الشعر بيت

تعال شف العرب قبلنا وش يقولون فيهم

تقول العرب :



للمرأة البشوشة ( هنانة )

وللمحبة لزوجها ( عروب )

ولطيبة الخلوة والسمر ( رصوف )

وللبيضاء الرطبة ( رعبوب )

وللشابة حسنة الخلق ( خود )

ولكبيرة المؤخرة ( رداح )

ولطيبة الفم شكلا وطعما ( رشوف )

ولذات العين الواسعة ( دعجاء )

وللحسناء ( غليم )

ولمن تستغني عن الزينة بجمالها ( غانية )

وإذا ضاق ملتقى فخذها ( لفاء )

والتي بياضها مصفر ( زهراء )

ولكنودليسا رايس ( كويحة ) :

المنانة
وهي التي تمن على زوجها بأي شيء تعطيه
الونانه
وهي كثيرت التشكي من المرض
الحنانة
وهي اذا كانت في بلد واهلها في بلد تطلب الذهاب لهم بستمرار
البراقة
وهي تهتم بجمال الشكل وتزينه اكثر من القلب
الشراقة
وهي كثيرة الكلام في كل شيء واي شيء


ولكنودليسا رايس ( كويحة ) ::مزون:
خخخخخخخخخخخخخخخخخخخخخخخخخ خخخخ

عز الله اني مانويت اتشين فيهم لكن كلها سبايبك يامحمد ههههههههههههههههههههههههه ههههههههههههه

محمد
لك شكري وتقديري على مرورك العذب

الله يكثر الرداحات ياصااالح

ارفع يدينك انهن يكثرن مانبا

الي يسمونها الرشيق الي اسمها الحقيقي المعصقله هههههه

تسلم يابو صلوووح

ياخي انت قاموس متحرك ههههههه

[محمد الروقي]

صراحه أسماء جبتها شئ يامحمد

فطست ضحك عليها :مزون::مزون:



وصالح مشكور على الموضوع بس من وين جبت هالاسامي :مزون:

دوم الضحكه يالطيبه

ايه شجعيني

خليني انتقم منهن لو في موضوع صالح

بس شكلهن يبن يشيلن علي حمله صح بس ماعلي اعرف طريق هروبي

طوالي اقول شايب عيب عليكم انا شايب :خخخخ: ويصير لي وقار عند

المعصقلات هههههههههه

[فهده]

بو صالح .. حياك بعد طول غياب

اقول عبد الصمد الخطيب من قاله يهرج
وبعدين متى لحق يتفقد كل الحريم الي بالدنيا ويكتب مواصفاتهم
والله ما جاب ولا اسم صح غير (العـانـق : المرأة التي لم تـتـزوج .)
وبعدين مو اسمها العانق اسمها العانس << اهل مكة ادرى بشعابها :مزون:

لا تكثر من مواضييعك

سلام..

[طبشوره]

بصرااااحه تسلم يمناك

عجايب والله


البلهـاء : المرأة الكـريـمـة .

ماش ماجاز لي المعنى!

أما انا احس هذا يناسبني من الالقاب ......................


.الوهنانة : المرأة إذا كانت بها فـتـور عـند القيام لسمنها .

بس عاد مو من السمنه لا نوع من العجز لاغير

[@الخياله@]

مصطلحات غريبة التركيب على

عكس معناها

:قلب:


البلهـاء : المرأة الكـريـمـة .

لا تعليق :11utup:


مستر ديكشنري

يعطيك العافية على هالطرح


اللي يعرف لي وحده فيها كل الصفات اعلاه ولا اكثرها يرد لي خبر

انشالله تلقى وحدهـ فيها عكس كل الصفات :مزون:

مشكور يابو صلوح


.
.
.


أختكـ الخياله

[فهده]

8
اميــــــــــــــــــــــ ـــــــــــــــــــــــــ ــــــن يارب العالمين

الاخ الموقر الي مرتز بالزاويه جالس جلسه مؤدب وبجانبه ورد منمق
الوصف كافي مايحتاج ارفق صوره
كلها غير موجوده في وقتنا الحاضر
الان موجود:11sted_re
الي يسمعك يقول..ماشاء الله تبارك الرحمن وش عمران عباس وش بن كروز
وش مهند وش هالعالم الي مدوخين البنات

ابك انا يوم شفت منظرك ......................<<حشمه ابن عمي كاتب الموضوع ماني مكمله:11utup:

[محمد الروقي]

8
اميــــــــــــــــــــــ ـــــــــــــــــــــــــ ــــــن يارب العالمين

الاخ الموقر الي مرتز بالزاويه جالس جلسه مؤدب وبجانبه ورد منمق
الوصف كافي مايحتاج ارفق صوره
كلها غير موجوده في وقتنا الحاضر
الان موجود:11sted_re
الي يسمعك يقول..ماشاء الله تبارك الرحمن وش عمران عباس وش بن كروز
وش مهند وش هالعالم الي مدوخين البنات

ابك انا يوم شفت منظرك ......................<<حشمه ابن عمي كاتب الموضوع ماني مكمله:11utup:

هههههههههه ههااااي

صالح سجل عندك احرقنا رز وحده من السحليات الكبار

والله ماعرفتك منول اسمك تقولين العاب ناريه اليوم متغير هههه

وبعدين منهم كروز ومهند والثاني مدري وش اسمه الله يسامحك تنزلين مستواي الى مهند افااااااااااا والله عليك عشا تيس ماباقي الا تقولين مثل هاني شاكر في زمانه خخخخخخ بس تصدقين يابنت العم بين ريح رزك احترق ههاي

[محمد الروقي]

شوفو طبشوره

يازينهااا معترفه ليش ماتسوون زيهاا

وتعترفو الاعتراف بالحق فضيله قوليلهم ياطبشوره

يعترفو بالحق بس مانبي اكثر

[سعود]

هلابك ياسعود
والله اسمع وانا خوك بالنسبه لمطلبك صعب شوي بالعلم اني مافهمت وش تقصد عريضة المنكعين هههههههههههه
لكن نبي نوصي لنا كم من خطااااااابه لعلنا نوجد احد بالعلم اني اعتقد انها مستحيله هههههههههههههههههههههه


انت صاج ياصالح ماتدري وش اقصد

أجل ماشفت مسرحية عادل الامام شاهد ماشفش حاااااقه



لا هووونت مابيك توصي احد


انا موصي بنت الريف تبحث وتقول بدور لك وحده بلهاء وسرعوفه


والله كنت زاري علاااه


بس من شفت الموضوع عرفت انها ضليعة في اللغة العربيه وكانت سافطه لي الخير


البلهـاء : المرأة الكـريـمـة .

السرعـوفة : المرأة الناعـمة الطويلة.



ثانكس على هيك موضوع رااايق


تحية عطرة

[طبشوره]

يابني جلدتي لا يأخذن شي في خاطركن

عاااااااااااااي كلها ألقاب ......دلع .... من قدنا سبعين لقب ..

بذات هاذي >>>>>
الوهنانة .

يوه خدودي حموري لما أحد يناديني فيها ........ قمه في الرقه والدلع

[فهده]

صالح سجل عندك احرقنا رز وحده من السحليات الكبار
والله ماعرفتك منول اسمك تقولين العاب ناريه اليوم متغير هههه
وبعدين منهم كروز ومهند والثاني مدري وش اسمه الله يسامحك تنزلين مستواي الى مهند افااااااااااا والله عليك عشا تيس ماباقي الا تقولين مثل هاني شاكر في زمانه خخخخخخ
انا سجلوني عنوان لمجلدكم اكتبو (بنت برقا الصياديه )
وبعدين انا خفت اطلع مستواك لتركي بن حميد وشليويح العطاوي وكديميس وتعرف
معاد يصير لك ريح بالحياه قلت خلنا ع مهند خخخخ


و الي يدور على سرعوفه
انا اعرف لك وحده نص سرعوفه يعني تقدرون تقولون طويييله بس مو ناعمه(الكمال لله) حتى يلقبونها بزرافه واذا لبست كعب صارت إفل تاور خخ

[فهده]

اسمعي ياطبشوره لا تاخذين خذي
هذا الشي راجع لي ...................

انتي لا تاخذين بكيفك يمكن خاطرك ما يشيل , ضيق انتي ادرى؟

انا خاطري حوالي 44كيلو بات فالثانيه يعني يشيلك بكبرك خخخخخ

[بنت الأكابر]

أوكيشن
دام مافيه من هالبنات شي
أجل وش نقول عن الرجوله اللي انعدمت في الوقت هذا <<خخخخخخخخ
الموهم
الكلمات كل أبوها ماعمري سمعت فيها إلا البلهاء وصراحه أحس معناها البلهاء اللي مهما حكيتها بلهاء ماتفهم << وفسر الماء بعد الجهد بالماء هههههههههههههههه
تسلم

[عــ قبيلـة ــزوة]

ماشاء الله
متأكدين ان الاسماء هذي عند العرب ؟ :بفكر بفكر:
تصدقون ماعرفت منها الا كم وحده منها الدعجاء والعيطمووس

اجل حنا متسعودين قصدي مستعربين ههههههههههههه

مير كله كووم والبلهاء كووم هههههههههههههههههههههههه

صالح تأكد من الكاتب لا يكون شارب شي وهو يكتب

ياخي عندنا بلهاء مؤنث ابله اي غبي احمق ، شفني عرفت المعنى الصحيح اللي هو كريمه يابالفيت مير لو يعرفونه اهلي وقبيلتي كلهم واسمع احد يناديني بلهاء لعنت خيّره ههههههههههه

ماعندك ايميل الكاتب ابي اشوف اذا عنده سبعين اسم للرجال والا لا مير ابورد لكم منها اللي اعرف هههههه

القعيطي : البخيل
الزيبق : اللي مايلزمه المقعد مع اهله
ابو نفيسه : اللي مايداني ازحف وراك
المحيشير : مرادفه لابو نفيسه
البردقوش : الشجاع
الحنشل : اللص
المرهّط : اللي لا جلس بمجلس الرياجيل دنق برويسه ولا يسولف معهم
الولايتي : الذي اذا اوكلت له مهمه تتأكد بأنه سينجزها ، يعتمد عليه
ابو جخرير : اللي بثناياه كسوور
الملغصم : المتجهم دائما
عقنقش : الرجل الطويل النحيف الاحمق



هذي اللي تحضرني الحين وان ذكرت شي رجعت لكم :icon_chee

برررررررب :icon_chee

[][ سما الدوحه ][]

ايه دا..

هو انت رجعت يا صالح ورقعت لسوالفك..منك لله..


الموضوع كله فكوم ..

ووو هذي فكوم>>الـشـنـبـاء : المرأة رقيقة الأسنان المستوية الحسنة .


هي هي هي ..متأكدين...




يعطيك العافيه

[صالح الروقي]

صراحه أسماء جبتها شئ يامحمد
فطست ضحك عليها :مزون::مزون:
وصالح مشكور على الموضوع بس من وين جبت هالاسامي :مزون:
هلا ياغلا ابوها
الشكر لك على مرورك الكريم
وهالاسامي سلمك الله جبتها من المطعم ههههههههههه اللبيب بالاشاره يفهم
غلا ابوها

شكرا على المرور
تحياتي لك

[صالح الروقي]

الله يكثر الرداحات ياصااالح
ارفع يدينك انهن يكثرن مانبا
الي يسمونها الرشيق الي اسمها الحقيقي المعصقله هههههه
تسلم يابو صلوووح
ياخي انت قاموس متحرك ههههههه

هلابك يامحمد مره اخرى
آمين الله يكثرهن
ويجعل اكثر النساء رداحات :مزون:
ابو حميد
يسلم راسك وشاكر لك مرورك مره اخرى
تحياتي

[صالح الروقي]

بو صالح .. حياك بعد طول غياب
اقول عبد الصمد الخطيب من قاله يهرج
وبعدين متى لحق يتفقد كل الحريم الي بالدنيا ويكتب مواصفاتهم
والله ما جاب ولا اسم صح غير (العـانـق : المرأة التي لم تـتـزوج .)
وبعدين مو اسمها العانق اسمها العانس << اهل مكة ادرى بشعابها :مزون:
لا تكثر من مواضييعك
سلام..

هلا بنت برقا
حياك الله
بالصراحه ماادري من قال له يهرج لكن اعتقد انها حقيقه والزمه الامر اضهارها ههههههههههه
واعتقد انه عاش عمر تجارب يكفيه لتصور اطباع الحريم والرياجيل بعد هههههههه
بعدين ليه مااكثر من مواضيعي ماناسبت لك
على الطماط اني لكثر منها اعجبتك ولا بكيفك شوفي لك اقرب زاويه يمكن تفرج همك هههههههههههههههههه
وعليكم السلام
بنت برقا
مرورك محسوب عزيزتي ولا يكمل النصاب الا به
شاكر لك ومقدر مرورك العذب
تحياتي
الروقي

[صالح الروقي]

بصرااااحه تسلم يمناك
عجايب والله
ماش ماجاز لي المعنى!
أما انا احس هذا يناسبني من الالقاب ......................
بس عاد مو من السمنه لا نوع من العجز لاغير
هلابك طبشوووووووره
يسلم راسك وكلك
وشاكر لك مرورك العذب
ومرورك محسوب لايكمل النصاب الا به يالغلا
تحيه خاصه لشخصك الكريم

لك حبي وتقديري

[صالح الروقي]

[color=#993300
مصطلحات غريبة التركيب على
عكس معناها
:قلب:
لا تعليق :11utup:
مستر ديكشنري
يعطيك العافية على هالطرح
انشالله تلقى وحدهـ فيها عكس كل الصفات :مزون:
مشكور يابو صلوح
أختكـ الخياله [/color]
هلا وغلا بالخياله
ماغريب الا الشيطان مصطلحات نعرفها من زمان بس مانطلعها الا وقت الحاجه هههههههههه
يعطيك الف عافيه على المرور الكريم
بس لدي ملاحظه ياخويتي
ان شاء الله هكذا وليس كما كتبتي
مشكوره يالخياله على المرور المحسوب اللذي لايكمل النصاب الا به
تحيه خاصه لشخصك الكريم :قلب:

[صالح الروقي]

8
اميــــــــــــــــــــــ ـــــــــــــــــــــــــ ــــــن يارب العالمين
الاخ الموقر الي مرتز بالزاويه جالس جلسه مؤدب وبجانبه ورد منمق
الوصف كافي مايحتاج ارفق صوره
كلها غير موجوده في وقتنا الحاضر
الان موجود:11sted_re
الي يسمعك يقول..ماشاء الله تبارك الرحمن وش عمران عباس وش بن كروز
وش مهند وش هالعالم الي مدوخين البنات
ابك انا يوم شفت منظرك ......................<<حشمه ابن عمي كاتب الموضوع ماني مكمله:11utup:
بنت برقا ماذا دهاك يافتاااااااااه
وش احرق اعصابك بسرررررررررررعه
لا ابدا مايحتاج ترفقين صوره الصوره مرفقه من قبل
بعدين وش هالخرابيط مهند وماادراك مامهند
المشكله انك بنت حمايل
وش اللي ماكملتيه هااااااتي مافي جعبتك ماعندك ماعند جدتي
هههههههههههههه
على العموم ودي اكتب كلام كثير بس عاد يالله من شان خاطر عين تكرم مدينه
بنت برقا
شاكر لك مرورك العنيف مره ثاااااااانيه


تحياتتي

[صالح الروقي]

هههههههههه ههااااي
صالح سجل عندك احرقنا رز وحده من السحليات الكبار
والله ماعرفتك منول اسمك تقولين العاب ناريه اليوم متغير هههه
وبعدين منهم كروز ومهند والثاني مدري وش اسمه الله يسامحك تنزلين مستواي الى مهند افااااااااااا والله عليك عشا تيس ماباقي الا تقولين مثل هاني شاكر في زمانه خخخخخخ بس تصدقين يابنت العم بين ريح رزك احترق ههاي
ههههههههههه
هلا يامحمد
يالله سجلنا وحده راحت ضحيه ههههههههههههههه
والباقي في الطريق
هههههههههه
محمد شكرا مره ثانيه

[صالح الروقي]

انت صاج ياصالح ماتدري وش اقصد
أجل ماشفت مسرحية عادل الامام شاهد ماشفش حاااااقه
لا هووونت مابيك توصي احد
انا موصي بنت الريف تبحث وتقول بدور لك وحده بلهاء وسرعوفه
والله كنت زاري علاااه
بس من شفت الموضوع عرفت انها ضليعة في اللغة العربيه وكانت سافطه لي الخير
البلهـاء : المرأة الكـريـمـة .
السرعـوفة : المرأة الناعـمة الطويلة.
ثانكس على هيك موضوع رااايق
تحية عطرة
هلابك ياسعود
ابشرك اليوم استحضرت الذاكره شوي بعد ماادبتها كبيسه لحم تيس وعرفتها
يالله انتظر تزف لي البشرى اذا حصلت لك بنت الريف احد ولا تخلي اخوك دور لي معك ياسعود
لك شكري مره ثانيه على مرورك

[صالح الروقي]

يابني جلدتي لا يأخذن شي في خاطركن
عاااااااااااااي كلها ألقاب ......دلع .... من قدنا سبعين لقب ..
بذات هاذي >>>>>.
يوه خدودي حموري لما أحد يناديني فيها ........ قمه في الرقه والدلع

هلا طبشووووووووره

انتي لو مثلك ثنتين في غرابيل كان الامور تمام
ايه قولي لهم من قدكم لكم سبعين لقب
وشكرا على المرور مره اخرى يالدلوووووووووعه
يادلع يادلع يانا ههههههههههههههههه

[صالح الروقي]

انا سجلوني عنوان لمجلدكم اكتبو (بنت برقا الصياديه )
وبعدين انا خفت اطلع مستواك لتركي بن حميد وشليويح العطاوي وكديميس وتعرف
معاد يصير لك ريح بالحياه قلت خلنا ع مهند خخخخ
و الي يدور على سرعوفه
انا اعرف لك وحده نص سرعوفه يعني تقدرون تقولون طويييله بس مو ناعمه(الكمال لله) حتى يلقبونها بزرافه واذا لبست كعب صارت إفل تاور خخ
هلا بالصياديه
اقول سوو هدنه انتي ومحمد وراها صارت شياط بيناتكم ترى الدعوى امزووووح وسعة صدر والصلح خيررررررههههههههههههههههه هههههه
ولا اقول
بكيفكم عمركم ماتصالحتوا
ولع النار ياشبابها ههههههههههههه

[خجل الورد]

يؤيؤيؤ وش ذي الاسااااااامي

يسلمووووووووووو صالح

[صالح الروقي]

ماشاء الله
متأكدين ان الاسماء هذي عند العرب ؟ :بفكر بفكر:
تصدقون ماعرفت منها الا كم وحده منها الدعجاء والعيطمووس
اجل حنا متسعودين قصدي مستعربين ههههههههههههه
مير كله كووم والبلهاء كووم هههههههههههههههههههههههه
صالح تأكد من الكاتب لا يكون شارب شي وهو يكتب
ياخي عندنا بلهاء مؤنث ابله اي غبي احمق ، شفني عرفت المعنى الصحيح اللي هو كريمه يابالفيت مير لو يعرفونه اهلي وقبيلتي كلهم واسمع احد يناديني بلهاء لعنت خيّره ههههههههههه
ماعندك ايميل الكاتب ابي اشوف اذا عنده سبعين اسم للرجال والا لا مير ابورد لكم منها اللي اعرف هههههه
القعيطي : البخيل
الزيبق : اللي مايلزمه المقعد مع اهله
ابو نفيسه : اللي مايداني ازحف وراك
المحيشير : مرادفه لابو نفيسه
البردقوش : الشجاع
الحنشل : اللص
المرهّط : اللي لا جلس بمجلس الرياجيل دنق برويسه ولا يسولف معهم
الولايتي : الذي اذا اوكلت له مهمه تتأكد بأنه سينجزها ، يعتمد عليه
ابو جخرير : اللي بثناياه كسوور
الملغصم : المتجهم دائما
عقنقش : الرجل الطويل النحيف الاحمق
هذي اللي تحضرني الحين وان ذكرت شي رجعت لكم :icon_chee
برررررررب :icon_chee

هلابك عزوة قبيله
حي هالطله
اسمعي وانا ابوتس قصدي وانا اخوتس هذه الكلمات ميه بالميه انها عربيه
وبالنسبه لإيميل الكاتب تبينه ممكن احصله عند صاحب المخبز
وبالنسبه للاسماء اللي ذكرتيها احس انها تأليف من الشق الايسر لدمجتك
يعني ماتمت الرياجيل بأية صله ههههههههههه
وانا باقي عندي اسماء لكم رايح اسردها لاحقا في رد مستقل عشان تكون واضحه للجميع
عزوة قبيله
شاكر لك مرورك العذب

تحيه خاصه لشخصك الكريم

[صالح الروقي]

ايه دا..
هو انت رجعت يا صالح ورقعت لسوالفك..منك لله..
الموضوع كله فكوم ..
ووو هذي فكوم>>الـشـنـبـاء : المرأة رقيقة الأسنان المستوية الحسنة .
هي هي هي ..متأكدين...
يعطيك العافيه
هلابك سما الدوحه

منوره المتصفح عزيزتي
ومرورك محسوب ولا يكمل النصاب الا به
وايه انا رجعت شوفيني قدامك
بعدين احس انك انتي فيك صفة الشنباء وتراها صفه ممتازه
يعطيك العافيه على مرورك الكريم
تحيه وتقدير لشخصك الكريم

[صالح الروقي]

يؤيؤيؤ وش ذي الاسااااااامي
يسلمووووووووووو صالح
هلابك بدر التماسي
الف شكر على المرور النير
وهذه اسامي النساء عند العرب
وكلها ممتااااازه وصعبه توجد في امرأه واحده هههههههههههه
تحيه خاصه لشخصك الكريم
بايو

[صالح الروقي]

وهذه سلسلة من القاب النساء في الجزيره العربيه
الدرعاء: وهي التي في رقبتها سواد
الثرماء : وهي التي سقط احد اسنانها الاماميه
المقمووووله : وهي التي يتواجد فيها القمل بغزاره :نعومي:
الصقعاء : وهي التي سقط بعض شعر رأسها
والدرعمه : وهي التي ماتدري وين الله موديها :tongue:

اكتفي واقول
الزعل مرفوع والعتب ممنوع والرزق على الله:11_ike:
واللي يزعل يشوف اقرب زاويه يمكن الله يفرج ازمته:واو:

[بقايا إنسانه]

ههههههههههههههههههههههااا ااااااااااااااااااااييييي يييييي


وش هالألقاب المفنتكه


وبعدين ليش التعجيز راح تلاقي كل هالصفات بسهوووله ولا شربت الماء

بس وين الرجال اللي يستاهل


الرجال هالطلع التالي مغير قبله عند هالمرايه يتصبغ ويتكحل ويحط هالجل ويرخي الثوب

يالله أنك تدفع البلى مابقى رجالن عشان تتزين لهن حريمهم

[طبشوره]

اووه تشكيله جديــده .......




والدرعمه : وهي التي ماتدري وين الله موديها


درعمه ....... امممممم ........مابه شي

[صالح الروقي]

ههههههههههههههههههههههااا ااااااااااااااااااااييييي يييييي
وش هالألقاب المفنتكه
وبعدين ليش التعجيز راح تلاقي كل هالصفات بسهوووله ولا شربت الماء
بس وين الرجال اللي يستاهل
الرجال هالطلع التالي مغير قبله عند هالمرايه يتصبغ ويتكحل ويحط هالجل ويرخي الثوب
يالله أنك تدفع البلى مابقى رجالن عشان تتزين لهن حريمهم
هلا بقايا انسانه
حياك الله في محلك
وانا اخوتس هذه الالقاب سلمك الله القاب اطلقت على النساء الحسنات
والرياجيل اللي يستاهلون كثر شوفيهم في كل مكان
واللي يتصبغ ويتكحل عاد هذا بالصراحه مرضه مزمن يصعب علاجه ههههههههههههه
شاكر لك مرورك العذب ودخولك العنيف
تحياتي

[عــ قبيلـة ــزوة]

وبالنسبه للاسماء اللي ذكرتيها احس انها تأليف من الشق الايسر لدمجتك
يعني ماتمت الرياجيل بأية صله ههههههههههه

اهااا بس ههههههههههههههه
ترى هذي بعد التنقيح ماسمعتها من فواه جدتي غزوى والا تسان تكره الرجووله ههههههههههههههههههههههههه ه

[فهده]

مع الاسف .. وصلت 75 اسم و إلى الان مالقيت شي يتناسب معايا

كمّل المية وانا اختك واذا لقيت تشكيلة بنات الهيلا لا تقصر :مزون:

[صالح الروقي]

اهااا بس ههههههههههههههه
ترى هذي بعد التنقيح ماسمعتها من فواه جدتي غزوى والا تسان تكره الرجووله ههههههههههههههههههههههههه ه

هلا بك عزوة قبيله مره اخرى
ليه وش هي قايله جدتك عشان اكره الرجوله
اقول
سلمي لي على جدتك وقولي لها ماعندها ماعند جدتي :مزون:

[صالح الروقي]

مع الاسف .. وصلت 75 اسم و إلى الان مالقيت شي يتناسب معايا
كمّل المية وانا اختك واذا لقيت تشكيلة بنات الهيلا لا تقصر :مزون:

ههههههههههههههههههه يمكن رقم 99 يتناسب معك خليك متابعه لنا عاد انتي وحظك ابي اشوف رقم 99 وش يطلع شكله بيكون الصمعاء اذكره معناها في مابعد
على بالك انك تبي تعجزيني لحد 100 صدقيني المخزن مليان وانا اخوتس بس مااطلعه لين وقت الضروره
وفيه باقه خاصه عن بنات الهيلا
بس عاد مااصمل فيهم انا عندي حميا ترى :tongue:
شكرا يابنت برقا على مرورك مره اخرى
وتحيه خاصه لشخصك الكريم
تشااااااااااو

[قمور44]

تسلم يمينك..

[محمد الروقي]

ههههههههههههههههههههههااا ااااااااااااااااااااييييي يييييي


وش هالألقاب المفنتكه


وبعدين ليش التعجيز راح تلاقي كل هالصفات بسهوووله ولا شربت الماء

بس وين الرجال اللي يستاهل


الرجال هالطلع التالي مغير قبله عند هالمرايه يتصبغ ويتكحل ويحط هالجل ويرخي الثوب

يالله أنك تدفع البلى مابقى رجالن عشان تتزين لهن حريمهم


ياصالح سو مع هذي هدنه ومصالحه

بين عليها تعرف عن اسرارنا المنزليه الكثير بخششلها لا تفضحنا بين عليها

ملسنه خلاص اسكتي ونا عمك وجيب لك شنطة مكياج من لبنان <<< الرجال يبي لبنان

انتي بنت(ن) سنعه وطيبه وبعض الكلام مايجوز <<<والله بين عليه خايف

الله يخسهم اهل السراويل طيحني مدري ارفعني فضحوناااااااااااااااااااا اااااااااا

[محمد الروقي]

استلم ياصالح

بعد\ التحري

انواع جديده

معيبيسه / وهذي الي لو تغسلها بستم مانضفت والذبان وراها تقول طيران الحرب العالميه الثانيه

خثروقه/ وهذي تقول اذاعة مونتكارلو

مقطعت الزنوبه .. هذي لو تلبسها الله يعزك كعب حديد مسح من كثر المشي مع البيوت

[عــ قبيلـة ــزوة]

معيبيسه / وهذي الي لو تغسلها بستم مانضفت والذبان وراها تقول طيران الحرب العالميه الثانيه

خثروقه/ وهذي تقول اذاعة مونتكارلو

مقطعت الزنوبه .. هذي لو تلبسها الله يعزك كعب حديد مسح من كثر المشي مع البيوت


يازين الكتاب العرب بس :خجل:

ويحكم يابدووووووووووووووووووووو :7:

كل اللي قالها الكاتب مدايح وانتم تسبوووووووووووووووون

يالله مالي الا اجاريكم باقي نوع

الرميّص : اللي مغير ترمص وتخم وتخطي ماتلزمها الارض :مزون:

[صالح الروقي]

تسلم يمينك..

هلا قموووووووور سلمت ودمت

تحيه خاصه لشخصك الكريم

[صالح الروقي]

ياصالح سو مع هذي هدنه ومصالحه
بين عليها تعرف عن اسرارنا المنزليه الكثير بخششلها لا تفضحنا بين عليها
ملسنه خلاص اسكتي ونا عمك وجيب لك شنطة مكياج من لبنان <<< الرجال يبي لبنان
انتي بنت(ن) سنعه وطيبه وبعض الكلام مايجوز <<<والله بين عليه خايف
الله يخسهم اهل السراويل طيحني مدري ارفعني فضحوناااااااااااااااااااا اااااااااا
هلا يامحمد
يارجال ماعليك ماعندك احد ليه انسوي هدنه ماعندها ماعند جدتي ههههههههههههههههههههههههه ههه

[صالح الروقي]

استلم ياصالح
بعد\ التحري
انواع جديده
معيبيسه / وهذي الي لو تغسلها بستم مانضفت والذبان وراها تقول طيران الحرب العالميه الثانيه
خثروقه/ وهذي تقول اذاعة مونتكارلو
مقطعت الزنوبه .. هذي لو تلبسها الله يعزك كعب حديد مسح من كثر المشي مع البيوت
ههههههههههههههههه اما معيبيسه يامحمد ههههههههه قووووووووووويه
محمد الله يهديك رفقا بالقوارير
شكرا يابو حميد على مرورك مره اخرى

تحياتي

[صالح الروقي]

يازين الكتاب العرب بس :خجل:
ويحكم يابدووووووووووووووووووووو :7:
كل اللي قالها الكاتب مدايح وانتم تسبوووووووووووووووون
يالله مالي الا اجاريكم باقي نوع
الرميّص : اللي مغير ترمص وتخم وتخطي ماتلزمها الارض :مزون:

ههههههههه هلا عزوة قبيله
لماذا توحوحين للبدو ههههههههههههههه الم تعرفيهم
بعدين ماهي سبه اللي نقولها لكم كلها القاب تطلق على بعضكم ههههههههه وترى الربع مايصرون بعد من بعض الالقاب

الرميص:ههههههههههههههه حلوه الرميص شكلها بنت عم الدوااااااجه ههههههههه
عزوة قبيله شكرا لمرورك مره اخرى

[بنت الريف]

شكل الأخ عبد الصمد الخطيب المجهول المصدر
ماكمل اوصاف النساء :مزون::مزون:

ماقال العجرمية : نانسي عجرم اللي مطيره عقول بعض ربعنا
والوهبية ..هيفاء وهبي اللي مدوخه الرجال ومنكدة على الحريم جعلها العلة بتسبدها :11utup::11utup: ,,

بعدين فيه يا صالح ترى القاب للنساء ماقالها خويكم عبدالصمد باشا لكن اتحداه يعرف معنى ...التالي :خخخخ:
الطامح او الطموح ؟
والعمهوجية؟
والكحيلة ؟
والمهرة ؟

وووووووووووووووبعدين وش هالتحالف القوي بينك وبين محمد ابن عمك
:egg:

[سعود]

8


بنت الريف

الطموح هي اللي تركت زوجها


لان طموووحها فوووق مستواه



صح او انا غلطان



تحية عطرة

[بنت الريف]

لا هووونت مابيك توصي احد


انا موصي بنت الريف تبحث وتقول بدور لك وحده بلهاء وسرعوفه


والله كنت زاري علاااه


بس من شفت الموضوع عرفت انها ضليعة في اللغة العربيه وكانت سافطه لي الخير
ياويل قلبي من هالرجال
من يشوف موضوع وفيه طاري حريم قال انا موصي بنت الريف تخطب لي

وانا اقوله اهجد يا سعود يامال العافية لا تخليني
من الحين امارس عليك دور الخالة ام الزوجة :زعلان::زعلان:

انا قالت لك امرتك عندي كلها كم سنة ونزوجك
بس شكلي بسحب كلمتي :ranting2:هذا جرح لكرامة بنتي :خخخخ:
امس سمعتك تطري اسم التركية لميس مادري من ابوها الماخوذ:زعلان:
واليوم طايرة بوهتك بالبلهاء وسرعوفه :egg:
سسسسسسسسسسسسسسسعععععود ابلع العافية :ranting2::ranting2:
××××××
سعود انت فري قود :برافو برافو::برافو برافو:بس لا تترجم المصطلحات
خل عبد الصمد وشلته يترجمونها
وعلى فكرة امي بمكة الان خفت اتصل عليها الان
وتلعن خامسي :11utup::11utup:لاني متاكدة امي تجلس بالحرم 20 ساعة في ال 24 ساعة
والا كان اخذت منها مصطلحات اتحدى اعيال الروقي يعرفونها :11ap:
سعود تبي شيء من مكة قول لاتستحي علشان نوصي امي :11utup:

[سعود]

8



ايه ابي امك تدعيلي


وابي مساويك بس



<<== قنوع الولد



تحية عطرة

[صالح الروقي]

سعود لاتنساني من المساويك لاجات
تعرف توفر علي كل يوم جمعه رياااااااال واحيانا الهندي اللي عند المسجد يستلعن ويقول ريالين هع

[صالح الروقي]

شكل الأخ عبد الصمد الخطيب المجهول المصدر
ماكمل اوصاف النساء :مزون::مزون:
ماقال العجرمية : نانسي عجرم اللي مطيره عقول بعض ربعنا
والوهبية ..هيفاء وهبي اللي مدوخه الرجال ومنكدة على الحريم جعلها العلة بتسبدها :11utup::11utup: ,,
بعدين فيه يا صالح ترى القاب للنساء ماقالها خويكم عبدالصمد باشا لكن اتحداه يعرف معنى ...التالي :خخخخ:
الطامح او الطموح ؟
والعمهوجية؟
والكحيلة ؟
والمهرة ؟
وووووووووووووووبعدين وش هالتحالف القوي بينك وبين محمد ابن عمك
:egg:


ومن قال اان العجرميه مثل ماقلتي نانسي عجرم ماتأخذ غير عقول المسطل
لكن العجرميه :اعتقد والله اعلم انها التي تسوط زوجها بالعجراء
والوهبيه : بعد ماهي مثل ماقلتي الوهبيه هي المرأه الموهوبه يعني اللي معها نص عقل ههههههههههههههه امزح تراي
وبعدين ليش منكده عليكم بنت وهبي ماهي امرأه مثلكم

الطامح مثل ماقال سعوووووووووووود راع البل
والعمهوجيه : اعتقد انها المرأه التي تتميز بالعنجهيه الطاغيه اي تأخذ حقاً ليس لها هههههههههههههههههه
والكحيله: هذه سلمك الله اسم فرسنا اللي مع النياق ياعليها ذيل تقولون جدايل امرأه

والمهره: بنت الحصان
وبالنسبه للتحالف بيني وبين ابن عمي محمد مثل ماقال ابن جدلان
ان تجمعنا على العز والطاعه ::: وان تفرقنا فجوج الله اوساعي

[عــ قبيلـة ــزوة]

الرميص:ههههههههههههههه حلوه الرميص شكلها بنت عم الدوااااااجه ههههههههه

الدواجه اللي ماتقر بالبيت مغير تدووووج بالشوارع والاسواق والملاهي والبيوت .. الخ

مير الرميص حتى لو هي قارة ٍ ببويتها مغااار ترمّص كل شي تسويه تقل مطروده معها ربشه ههههههه ولو تدخل المطبخ ماتسمع الا مهابدها وطخ ططخ قعععع < من كثر ترمااصها تطيح المواعين وتكسر :مزون:

[صالح الروقي]

مير الرميص حتى لو هي قارة ٍ ببويتها مغااار ترمّص كل شي تسويه تقل مطروده معها ربشه ههههههه ولو تدخل المطبخ ماتسمع الا مهابدها وطخ ططخ قعععع < من كثر ترمااصها تطيح المواعين وتكسر

هههههههههه شكل الرميص اجل بنت عم الرفلاء
واحياناً تسمى المطفوووووووووووقه
الله يكفينا شر المترمصات والرمًص والمطفق هع

ثانكس عزوة قبيله مره اخرى

[مشا999كس]

مشكور اخوي

ما في لنا

تحياتي
:36_1_17[1

[وجن محمد]

المقــصـــد


صـــــــــــــــــــــــح عليــــــــــــــــــــــ ـــــــكـ !!

[سمر القمر]

ليه التشاؤم ياشباب اللي يقول هالمواصفات ماهي موجوده دئلت واللي يقول ندور خطابه ترى فيه بنات فيهم هالصفات وترى لو خليت خربت عاد من زينكم ومن زين صفاتكم علشان تتشرطون :ranting2:

[صالح الروقي]

^
^
^^

وش الساااااالفه وراك داخله بعنف ياسمر

لا تشاؤم ولا شي ترى الدعوى مززززززززوح تجي وتروح

مهما نتعفف مالنا غيرهم
هههههههههههههه
شكرا على المرور

[الناعسه-نعوسه]

أسمااااااااااااااء جميله لكن صفتي ليست موجوده........هههههههه........ابو ك ثقه............تسلم طرح حلووووووووووووووووووووووو وو

[صالح الروقي]

هلابك يالناعسه

تأكدي انا متأكد ان مافيه ولا صفه ماجبتها لكم

يعني لا تصرفين شوفي صفتك اي وحده وقوليها لنا عشان نعرفك زين


شاكر لك مرورك العطر

تحياتي

[الناعسه-نعوسه]

هههههههههههههه.............دورت� � مااااااالقيته............يعني أنااااا غير:11ap::11ap::11rob::11rob::11rob::11ap::11ap :

[شامخة الذات]

يمة وش ذا الألقاب


صوووويلح ماني قايلتك توكد من موضوعك قبل تنزله

تراك منت قدنا


مردوووووده لك يابن العم أنت و حليفك محمد

[صالح الروقي]

هههههههههههههه.............دورت� � مااااااالقيته............يعني أنااااا غير:11ap::11ap::11rob::11rob::11rob::11ap::11ap :

هههههههههه الناعسه

اكيد انتي غير

شاكر لك مرورك مره ثانيه

[صالح الروقي]

يمة وش ذا الألقاب
صوووويلح ماني قايلتك توكد من موضوعك قبل تنزله
تراك منت قدنا
مردوووووده لك يابن العم أنت و حليفك محمد
هلا شاااااااامخوووووووووووووو ه
انا متأكد من موضوعي يامال الشحم ههههههههههههههه
بعدين انا ماسبيتكم جالس امدحكم وابين صفاتكم الفتاااااااااااانه هع
وترى الدعوى مزح يابنية العم يعني لايصير خاطرك الا طيب

تحياتي

[الناعسه-نعوسه]

تسلم يالروقي............ماعليك زوووووووووود

[فهده]

ادري الموضوع قديم (ياويلي من سعود ) لكن اش اسوي
رمانه دخلت المنتدى وحبيت اهدي لها بعض الاسماء خخخ


الطـفـلة : المرأة الناعـمة المـلـمـس .

الـبـضـة : المرأة إذا كانت رقـيـقـة الجلد وناعـمة البشرة .

8
اهديك (نوره) اذا شافت شعره فجسمها شغلت اربعه مكاين ههههههه
وخمس كريمات و علبه حلاوه ههههههه


الهنانة : المرأة الضاحكة.. المتهللة .
8
اهديك استاذه بدريه يوم توقفك في زاويه الفصل من كثر ماتضحكي هههههههههههه


الـشـموع : المرأة.. اللعـوب.. الضحـوك .
8
اهديك بنت السواق (بابا بدي اروح للالعاب ) واحنا متجهين للمدرسه هههههههههه


الممشوقة : المرأة لـطـيـفـة الخـصر مع امـتـداد القامة .
اهديك يوم احنا نرقص و (سميرا) تسوي رياضه للبنات ههههههههههه


البرمادة : المرأة السمينة التي ترتـج من سمنها .
اهديك باث روووم ههههههههههههههههههههههههه واختها

يله استنى ردك قبل لا يجيبو خبر الموضوع :مزون:

[صالح الروقي]

بنت برقا

لاتنبشين الجروح ارجووووووووك هههههههههه قصدي لاتنبشين موضوعا مبطي
ثمن يجينا ناس مطفين النور الحين صعب التفاهم معهم

[**رمانه**]

ههههههههههههههههههههههههه
أهديك رقصتتنا السامبا في نص الساحه
بعدين ليش الناس مكتأبه
((ما فيه أحد بهالمواصفات هالأيام))
لا فيه يا قلبي أنت وياه
أنا وش فيني
طويله وبزوووود
نحيفه و بزوووووووود
رقبتي طويله لوني مايل للأصفر
تراه فقردم مو جمال الله لا يبلانا
هباله هذي موجوده في كل البنات
خاصه نعومة الجلد
حتى في بنت برقا
لاكنها تسوي يعنني

[فهده]

لاتنبشين الجروح ارجووووووووك هههههههههه قصدي لاتنبشين موضوعا مبطي
ثمن يجينا ناس مطفين النور الحين صعب التفاهم معهم

انا بدعيلك الله يعينك .. مدام رمانه خشت فالموضوع خخخخخخخخخخ

ذحين تجلس توصف نفسها وشكلها وممكن ترفق صورتها من كثر ماهي واثقه من نفسها
وياحسره ع ايش (لو ما اعرفها كان صدقت وصفها هههههههههه)

[فهده]

رقبتي طويله لوني مايل للأصفر
تراه فقردم مو جمال الله لا يبلانا
استغفر الله العظيم لونك مايل لايش خخخخخخخخخ


رمانه خلاص امسحيها فوجهي اصلن انتي ملكه الخيانه اقصددد الجمال

واهديك
(انا ماني مثل غيري اجي مع دقه الاصبع ..
انا مهره بلا فارس (انا مهره انا عانس :مزون: عجز منهو يروضها )


خاصه نعومة الجلد
حتى في بنت برقا
لاكنها تسوي يعنني
قصدك في نوووره خخخخخخخ

[أمل عبدالعزيز]

صالح


بالله عليك متى بتعقل؟؟

متى؟؟؟

وش مرأة خدبوج؟

وطرفوش؟

وخرفوش

ماناقص غير تقول المرأة الخرنوبية

والطرنوبية


والخنفشارية

ههههههههههههههههههههه


بعدين بصراحة أشوف المعنى يخقق
بس المصيبة اللفظة منكوووبة

تحس أنها شتيمة بس مبطنة

فعشان كذا


أنا ماقبل أي اسم منها سوى



رعبوبة ههههههههههههههههههههههههه ههههههههههه

على وزن رهبوبة

ياخنفشاري

[غادة اليم]

أكتشفت اني ما أدبر شيء بالعربي ولازم أدرس على يدين عبد الصمد :مزون



الـشـنـبـاء : المرأة رقيقة الأسنان المستوية الحسنة .
يؤه


المولـودة : المرأة إذا كانت دقـيـقـة المحـاسـن

سلاماااات .



المبـتـلة : المرأة التي لم يركـب لحمها بعـضه بعـضا .
أثارينا مغشوشين باللغة العربية


الخـدبجة : المرأة السمـيـنـة الممـتـلـئـة الذراعـيـن والساقين .
زي جدتي يعني ..



البرمادة : المرأة السمينة التي ترتـج من سمنها .
هذي أم جدتي الله يرحمها اللي ماشفتها .:مزون:



العـرهـرة : المرأة عـظيمة الخلق مع الجمـال .
يشتم من تحت لتحت ..



أنـــوف : المرأة إذا كانت طيبة ريـح الـيــد .
ليه اليدين عاد ؟




القـذور : المرأة المـتـجـنـبـة الأقـذار .

انا قايلة يسب من تحت لتحت .



المتحرية : المرأة حسنة المشية في خيلاء .

أثاري كونان مسمينه بالمتحري عشان مشيته الحلوة .:مزون:


العـزيزة : المرأة الغـافـلة عـن الـشر .
شكل حرارته مرتفعه وهو يسوي هالبحث :ill_h4h:



البلهـاء : المرأة الكـريـمـة .

حلو ممكن نستخدم هاللقب مع أحد رافع ضغطنا وإذا زعل علمناه بالقصة بس بعد مايطرطع شوي .:مزون:

[صالح الروقي]

انا بدعيلك الله يعينك .. مدام رمانه خشت فالموضوع خخخخخخخخخخ

ذحين تجلس توصف نفسها وشكلها وممكن ترفق صورتها من كثر ماهي واثقه من نفسها
وياحسره ع ايش (لو ما اعرفها كان صدقت وصفها هههههههههه)

الله يعين عليك انتي ورمانه مدري تفاحه بخيررررررررر
يامن شرى له من حله علااااااااااااااااله :)
بنية برقا
منوره مره ثانيه
وسلمي لي على رمانه شكلكم لا اجتمعتوا يالثنتين الله يعين المكان عليكم
والله من الصجه والحوسه هعهعهعههه

[صالح الروقي]

صالح
بالله عليك متى بتعقل؟؟
متى؟؟؟
وش مرأة خدبوج؟
وطرفوش؟
وخرفوش
ماناقص غير تقول المرأة الخرنوبية
والطرنوبية
والخنفشارية
ههههههههههههههههههههه
بعدين بصراحة أشوف المعنى يخقق
بس المصيبة اللفظة منكوووبة
تحس أنها شتيمة بس مبطنة
فعشان كذا
أنا ماقبل أي اسم منها سوى
رعبوبة ههههههههههههههههههههههههه ههههههههههه
على وزن رهبوبة
ياخنفشاري

هلا رهبووووووووووبه تدرين متى ابي اعقل
اذا رهبوووووووبه عقلت بالعلم اني عارف انها ماهي عاقله لين تحج الناقه على قرونها
تكريما لك ماقلت بقره ههههههههه
لحظه بالله قولي وش معنى المرأه الخرنوبيه
انا اعتقد ان معناها هي المرأه اللي تشبه الارنب ههههههههه وش رايك صح علي ولا لا

شكرا على تكرمك لنا بالمرور ياخرنوووووووووبيه ههههه

[صالح الروقي]

أكتشفت اني ما أدبر شيء بالعربي ولازم أدرس على يدين عبد الصمد :مزون
يؤه
سلاماااات .
أثارينا مغشوشين باللغة العربية
زي جدتي يعني ..
هذي أم جدتي الله يرحمها اللي ماشفتها .:مزون:
يشتم من تحت لتحت ..
ليه اليدين عاد ؟
انا قايلة يسب من تحت لتحت .
أثاري كونان مسمينه بالمتحري عشان مشيته الحلوة .:مزون:
شكل حرارته مرتفعه وهو يسوي هالبحث :ill_h4h:
حلو ممكن نستخدم هاللقب مع أحد رافع ضغطنا وإذا زعل علمناه بالقصة بس بعد مايطرطع شوي .:مزون:

هلابك غادة اليم
مرور مشرق عزيزتي
وهالاوصاف على ذمة المؤلف يعني انا مالي دخل ماادري وش زينها وش شينها
ههههههههه اعتقد كلها زينه بالعلم ان لدي تحفظ على بعضها

[ماجد]

هلا بك صالح الروقي

الله يرج بليسك وربي مت من الضحك

بس فيه اسماء ماشفتها

الدغما.....
الدلبوجه...
الدعشوشه...

والله يعينهم >>>>>>>>>>>>>>> كان الله في عون صالح

ههههههههههههههه

نبضـ االشمالـــ