حضر شاعرٍ بالشعر تصنيف دكتور

[منوخ العمودي]

السلام عليكم ورحمة الله


حضر شاعرٍ بالشعر تصنيف دكتور=يجيد المعاني والقوافي يجيده
نبي شاعرٍ بيته يشعشع كما النور=منه نستفيد او شعرنا اللي يفيده

[عبدالرزاق الشمري]

والا يابناخي ذيب منته بمعذور = بعد ماحضرنا دوك رد القصيده

انا اعرفك شاعر ماعلى مثلك قصور = تهيّض وهات اللي تبيه وتريده

[منوخ العمودي]

والا يابناخي ذيب منته بمعذور = بعد ماحضرنا دوك رد القصيده

انا اعرفك شاعر ماعلى مثلك قصور = تهيّض وهات اللي تبيه وتريده


انا يوم شفت اسمك وضعته على الدور=ولكن قصرة الدرب ياذا الوليده
تبينت لي وانته مجرب ومخبور=ضلوع المربع بالمسافه وحيده

[عبدالرزاق الشمري]

نبي العلم يامنوّخ وهاته على الفور = وانا خابرٍ رميتك دايم سديده

دخلت القصر لكنه اليوم مهجور = وانا كنت اعدّه من قصورٍ فريده

[منوخ العمودي]

نبي العلم يامنوّخ وهاته على الفور = وانا خابرٍ رميتك دايم سديده

دخلت القصر لكنه اليوم مهجور = وانا كنت اعدّه من قصورٍ فريده


تدور الليالي والليالي لها دور=وتسمل ديارٍ عقب ماهي جديده
تصاريف ربك مالنا بالقدر شور=وكفي بكفك كل شيٍ نعيده

[عوادالعلي]

عاشو البنيخي

وانا ماسك الصفين

[منوخ العمودي]

ارحب يابن علي حياك الله

حضورك يبهج الصدور

[عبدالرزاق الشمري]

تعيش ياعواد

ولاهنت يابن علي

[عبدالرزاق الشمري]

تدور الليالي والليالي لها دور=وتسمل ديارٍ عقب ماهي جديده
تصاريف ربك مالنا بالقدر شور=وكفي بكفك كل شيٍ نعيده



أنا خاطري من وضعه اليوم مكسور = عساها تعود النا ليال ٍ سعيده

توكل على الله خلنا نبني السور = ونكتب خبر ترميمها بالجريده

[منوخ العمودي]

أنا خاطري من وضعه اليوم مكسور = عساها تعود النا ليال ٍ سعيده

توكل على الله خلنا نبني السور = ونكتب خبر ترميمها بالجريده


اظنك مقاول طاح بالسوق مكسور=تدور على شغله ولو هي زهيده
ولكن عن الذرعان شّمر ومشكور=وانا الدعم مني في الامور الشديده

[سلمان الثوري]

صح لسان الشعراء


الله لا يهينكم

[فتال]

تبينت لي وانتـه مجـرب ( ومخبـور)
ضلـوع المربـع بالمسافـه وحيـده

عاشوا النشاما


صحت الألسن وعاش من شافك ياعبدالرزاق

[منوخ العمودي]

سليمان حياك الله

فتال يامرحبا فيك

سُعدا بتواجدك

[عبدالرزاق الشمري]

سلمان الثوري
صح بدنك ولاهنت

فتال
تعيش يالنشمي
وصح بدنك ولاهنت

[عبدالرزاق الشمري]

اظنك مقاول طاح بالسوق مكسور=تدور على شغله ولو هي زهيده
ولكن عن الذرعان شّمر ومشكور=وانا الدعم مني في الامور الشديده


لا والله ترى قلبي من الوضع مقهور = كما البنك لامنّه تصفّر رصيده

ليا صار دعمك بس في طقة الزور = ماتنفع رفيقك لا ولاهي تفيده

[منور العوني]

بيض الله وجيهكم


محاوره قويه وشعراء متمكنين

[عبدالرزاق الشمري]

الأخ العزيز منور العوني

وجهك أبيض والله لايهينك على هالمرور الجميل

[منوخ العمودي]

لا والله ترى قلبي من الوضع مقهور = كما البنك لامنّه تصفّر رصيده

ليا صار دعمك بس في طقة الزور = ماتنفع رفيقك لا ولاهي تفيده


طلعت السماء والقيت نضره بناضور=تبين بعد كشفي امورٍ عديده
لقيت الهزيل يقول انا اليوم منصور=وسبع السباع بشبك والقيد بيده

[عبدالرزاق الشمري]

الله الله

صح لسانك واعتلا شانك

الله لايهينك يالعمودي على هالطاروق الكايف

لنا محاريف أخرى في الأيام القليلة القادمة

بمشيئة الله

تقبل تحياتي

[منوخ العمودي]

يامرحبا فيك اخوي عبد الرزاق

والله لايهينك

واللي على بالك على بالي بس حبيت امازحك شوي

[محمد الروقي]

الله الله

كانو سوى ثم جار الزمن بعد ان هبت العاصفه

وتغير كل شي عتاب ونخوه وطلب فزعه وتذكير وصحة السنتكم

وجتمعتو في غرابيل وتشرفنا وسعدنا بوجود الجزلين امثالكم

و دام الابداع

[عبدالرزاق الشمري]

الله الله

كانو سوى ثم جار الزمن بعد ان هبت العاصفه

وتغير كل شي عتاب ونخوه وطلب فزعه وتذكير وصحة السنتكم

وجتمعتو في غرابيل وتشرفنا وسعدنا بوجود الجزلين امثالكم

و دام الابداع

ماشاء الله عليك يامحمد استنتاج جميل ورائع
صح بدنك والله لايهينك ويشرف مقدارك يالقرم
لاعدمناك