ابو برجس
02-08-2008, 01:24 PM
السلام عليكم ورحمه وبركاته امسي على الجميع بالخير واحب اني اقدم لكم متواضعتي التي اتمنى ان تحوز على شي من اعجابكم
ارقى سنود وهامتي بالرواسي =مانزل طمان القاع لو هو على جال
ولاهمني لو قالو اني حماسي=ماكتب قصيدي لجل شهره ولامال
احداً يجيب الشعر من دون ساسي = واحداً يجي لشعر بلوى ويختال
مافيه معنى وبالسنع مايقاسي = مجرد كلام وقافيه لال يالال
وانا بنات الفكر من بكر راسي = اسدد على معناي واسجل اقوال
حتى يجي المعنى قوين وراسي= ويصير شعري فيه مضرب للامثال
عندي على بدع المثايل مراسي = مثايلً تصعب على كل رجال
قم سولي يافهيد كيفً لعماسي = وادغث عليه الهيل والعود بالحال
وصبه لبوي تاج راسي وساسي= ابو الشهامه والكرم طيب الفال
رغم القهر والضيم ويا المآسي= رغم المشاكل والصوادف والاهوال
ياقف لحمله كالجبال الرواسي = ويزم حمله اللي ماتزمه اجمال
هو طير حراً مرقبه فوق ناسي=شوفه بعيد ولاتهمه الاميال
يالله عساها ماتقطّع انفاسي = إلا من قبل يومك ياجعله يطال
ويالله عساها اقدامك ماتداسي = درب الخطايا جعل يفدوك الانذال
جتك القصيده يايبه مع احساسي = وانا اتفاخر فيك في كل الاحوال
ان جيت اعبر مايكفي كراسي = مليون حبر يجف ولاقلت الاخصال
ارقى سنود وهامتي بالرواسي= وابيك تعذرني إن قصرت بقوال
ارقى سنود وهامتي بالرواسي =مانزل طمان القاع لو هو على جال
ولاهمني لو قالو اني حماسي=ماكتب قصيدي لجل شهره ولامال
احداً يجيب الشعر من دون ساسي = واحداً يجي لشعر بلوى ويختال
مافيه معنى وبالسنع مايقاسي = مجرد كلام وقافيه لال يالال
وانا بنات الفكر من بكر راسي = اسدد على معناي واسجل اقوال
حتى يجي المعنى قوين وراسي= ويصير شعري فيه مضرب للامثال
عندي على بدع المثايل مراسي = مثايلً تصعب على كل رجال
قم سولي يافهيد كيفً لعماسي = وادغث عليه الهيل والعود بالحال
وصبه لبوي تاج راسي وساسي= ابو الشهامه والكرم طيب الفال
رغم القهر والضيم ويا المآسي= رغم المشاكل والصوادف والاهوال
ياقف لحمله كالجبال الرواسي = ويزم حمله اللي ماتزمه اجمال
هو طير حراً مرقبه فوق ناسي=شوفه بعيد ولاتهمه الاميال
يالله عساها ماتقطّع انفاسي = إلا من قبل يومك ياجعله يطال
ويالله عساها اقدامك ماتداسي = درب الخطايا جعل يفدوك الانذال
جتك القصيده يايبه مع احساسي = وانا اتفاخر فيك في كل الاحوال
ان جيت اعبر مايكفي كراسي = مليون حبر يجف ولاقلت الاخصال
ارقى سنود وهامتي بالرواسي= وابيك تعذرني إن قصرت بقوال