مشاهدة النسخة كاملة : عدنا لكم بعد غيبه يا كرام السبال !!!
مسفر الدوسري
30-07-2008, 05:33 AM
بعد الغيبه رجعنا لكم
و ودنا انتونس مع المطاليق
أقرب شاعر :
سلام رديةٍ تنصى زحول الرجال = رديةٍ با النفل والكادي معطره
عدنا لكم بعد غيبه يا كرام السبال = و اللي يقدر هل الطالت بنقدره
منور العوني
30-07-2008, 12:19 PM
مبدا كايف
صح لسانك يامسفر الدوسري
وبأنتظار الشاعر اللي بيقابل لك
ABO-SAAD
30-07-2008, 03:15 PM
الله الله
صح السانك
بنتضار عميلك
ابن شهران
30-07-2008, 05:05 PM
يامرحبا عد برق(ن) في صدوق الخيال ///ترحيبت(ن) وافيه بالطيب ومعبره
وانته تجاوب وانا بعطيك نص السوال ////ولا فيه رجلاً يجي قدمه رجل يحقره
عبد المجيد بن عريج
30-07-2008, 05:38 PM
صح لسانكم
الدوسري
وابن شهران
والله وسبعة انعام بالقبيلين
تحياتي لكم
عوادالعلي
30-07-2008, 05:57 PM
عاشووووووووووووور
صحت السنتكم
مسفر الدوسري
30-07-2008, 07:30 PM
مرحبا و الله و مسهلا بالجميع
خلووووها
أبك البقاء واستلم فنجال صفر الدلال = والليل نفخر مع اللي مثلكم نسمره
أهل الخطأ ما تجي في صف قوم العدال = وفي الناس ناسِ يأبن شهران متكبره
سلمان الثوري
30-07-2008, 10:20 PM
هالله هالله
صح لسان الشعار
وانا في صف مسفر ولا يهون الشهراني
ومتابعين للنهايه يالذيابه
ابن شهران
31-07-2008, 12:24 AM
يامسفر الدوسري مالك فذيه مجال //// اذنبت لكن ربي واسع المغفره
اهل الخطاواهل النمه وقيل وقال/////لوكان وصل الثريا لازم استصغره
مسفر الدوسري
31-07-2008, 01:07 AM
صاحبك يعرف يميز منكرٍ من حلال = ودرب الزلل لا حشا صاحبك ما ينحره
الشر موجود وعروقه ترى ما تزال = قالوا خويك لو أنك تاثق ابه احذره
مسفر الدوسري
31-07-2008, 01:09 AM
هالله هالله
صح لسان الشعار
وانا في صف مسفر ولا يهون الشهراني
ومتابعين للنهايه يالذيابه
الأخ : سلمان الثوري
صح بدنك يا القرم
و مرحبا بك و حياك الله
و الصف يتشرف بوجودك جعلك تحيا
تحياتي
ابن شهران
31-07-2008, 12:41 PM
حرمت وسط العسل مادس سم الجمال ///ودرب الرجال الوفيه دايماَ(ن) نخبره
الشمس ياصاحبي تحرقك دور ظلال ///جاتك ملاهيب هذا القيض شوف شجره
محمد نايف العتيبي
31-07-2008, 04:44 PM
/
الله الله
مسفر الدوسري
مبدا كايف وجزل يالغالي
صح لسانك ولاهنت
,
ابن شهران
رد جميل والله يعطيكم العافيه
صح لسانك لاهنت
دمت بخير
محمد بن نايف
Powered by vBulletin® Version 4.2.6 by vBS Copyright © 2024 vBulletin Solutions, Inc. All rights reserved, TranZ by Almuhajir