زعامة حزن ؛؛ جديد البراق

[عبدالرحمن البراق]

إليكم مع الود والمحبه ‘‘‘
،،
،،



عيا يطيب الجرح والوقت عيا = وعيا زماني يعتق هموم الاضلاع
أسهر وكفي تحت خدي تهيا = مع منتهى الهاجوس عايش وملتاع
الصمت طال ولاهب الهم حيا = والحزن حضه قام من عرض الاوجاع
ما كنه ألا من شيوخ المحيا = بين الحنايا مالكٍ كل الاسناع
يامر وينهى بين هذي وذيا = جنب الشداد بداخل القلب كواع
عن ديرته دايم تجيه الحميا = يطرد وفود الفال قيضٍ ومرباع
لكن حزني دام حجمه هنيا = صيته كتمته بالمحاديب بشراع
محدٍ درى والقلب عيا يتريا = أطلق حجاج الوجه وأمالي جياع
ليل الزمان اللي عتم دون ضيا = يمدلي صاعين من مدة الصاع
والجوف رمضا مابها برد فيا = وأقدام قلبي فوقها دربها ضاع
ويمشي أمل وقتي بظهر العبيا = وقدمه ذياب الهم وصدوفه أرياع
لولا الصبر عشنا على كل غيا = ولولا العزم ماسارت أقدامنا باع
الوقت يلبس وجه سمح المحيا = ويخدع ملايينه على لبسة قناع
والله فرق بين الثرى والثريا = أحدٍ فتر وأحدٍ معه طولة ذراع
نجني من الايام حسنه وسيا = وتبقى وفكري بين حنظل ونعناع
والوقت في لمحة بصرنا شويا = وتطوي مسافاته غرابيل واطماع
وأقدر أعيد العمر مهما تطيا = من شارع الضاحي ليا شارع القاع
هذا دليل إن الليالي كذيا = مسافةٍ تطوى غرابيلها أنواع
ـــــــــــــــــــــــــ ــــــــ

أخوكم عبدالرحمن البراق ،،،

[يوسف عبدالله الغنامي]

عبد الرحمن البراق

صح لسانك


شاعر مبدع بحق وحقيقه

ماشاء الله عليك


تقبل تقديري وتحيتي

[حامد الروقي]

صح لسانك اخوي / البراق



وتقبل تحياتي ,,,,,,,,,,,,,,,,

[مفرح بن مناحي]

صح لسانك يا عبدالرحمن

شاعر جزل تستحق المتابعة

لله درّك

وبانتظار جديدك

[محمد بن ضاوي]

الوقت يلبـس وجـه سمـح المحيـا
,,,,,,,,,,,,,,,, ويخدع ملايينه علـى لبسـة قنـاع


صح لسانك يالبراق ولاهنت


كتبت وابدعت

[عبدالرحمن البراق]

يوسف الغنامي ياهلا ويامرحبى ولا عليك زود يالغالي

[احمد مناحي]

عبدالرحمن البراق

هلا بك وغلا

صح لسانك الى رضاك

كتبت فابدعت كما انت دائما

قصيده وافيه يالبراق

لولا الصبر عشنـا علـى كـل غيـا
ولولا العزم ماسـارت أقدامنـا بـاع

عزالله انك صادق

تقبل مروري

[محمد نايف العتيبي]

.


عبدالرحمن البراق

وين الغيبات يالغالي , من طول الغيبات جاب الغنايم عز الله جبتها يالبراق


شاعر جزل ولا عليك قصور طال عمرك


صح لسانك ولاهنت


دمت بخير


محمد بن نايف

[خــــالـــــد]

عبدالرحمن البراق
ـــــــــــــــــــــــــ ــــــ
صح لســانك وقلبك أخوي

وتسلم يمينك على القصيـدة

لاهنت يالغالي

ولا تحرمنا من جديدك
ـــــــــــــــــــــــــ ــــــ
أخوكـ/خالد

[تركي العطاوي]

البرااق مبدع كعاادتكــ

صح لسانك

تحيتي

[فيصل فرج العتيبي]

عبدالرحمن البراق

من اراد ان يعرف مايعنيه الابداع فليأتي هنا وليستمتع بالابداع الحقيقي ويتعرف عليه عن قرب

مبدع ياعبدالرحمن

صح لسانك

[عبدالرحمن البراق]

حامد الروقي صح بدنك ولا عليك زود يالغالي

[(( الثريا ))]

الاخ عبد الرحمن البراق
صح عقلك ودام شعرك

(( لثريا ))

[نياف العتيبي]

عبدالرحمن


صح لسااانك


ولاهنتتتتتت على هالفاتنه


الناايف

[عبدالرحمن البراق]

مفرح بن مناحي صح بدنك ولاعليك زود

[عبدالرحمن البراق]

محمد بن ضاوي صح بدنك ولا عليك زود يالغالي

[محمد الجــــذع]

اخي وصديقي الشاعر المعروف عبدالرحمن مجاهد البراق

صح لسانك يابو مجاهد

قصيده جزله من شاعر لايكتب الا الجزل في زمان الهزل

قد تكون شهادتي فيك مجروحه ولكن تشرفت بالرد على هذه الرائعه بحزنها الصادق وقوة سبكها وتحكمك فيها بشكل متفرد

كم سعدت وانا اقرأ قصيدتك في المختلف وسعدت اكثر وانا اشوف مجاهد الله يصلحه


تقبل تحيات أخوك/ محمد بن ناهض الجذع

[محمد ابن براك العطاوي]

إليكم مع الود والمحبه ‘‘‘
،،
،،



عيا يطيب الجرح والوقت عيا = وعيا زماني يعتق هموم الاضلاع
أسهر وكفي تحت خدي تهيا = مع منتهى الهاجوس عايش وملتاع
الصمت طال ولاهب الهم حيا = والحزن حضه قام من عرض الاوجاع
ما كنه ألا من شيوخ المحيا = بين الحنايا مالكٍ كل الاسناع
يامر وينهى بين هذي وذيا = جنب الشداد بداخل القلب كواع
عن ديرته دايم تجيه الحميا = يطرد وفود الفال قيضٍ ومرباع
لكن حزني دام حجمه هنيا = صيته كتمته بالمحاديب بشراع
محدٍ درى والقلب عيا يتريا = أطلق حجاج الوجه وأمالي جياع
ليل الزمان اللي عتم دون ضيا = يمدلي صاعين من مدة الصاع
والجوف رمضا مابها برد فيا = وأقدام قلبي فوقها دربها ضاع
ويمشي أمل وقتي بظهر العبيا = وقدمه ذياب الهم وصدوفه أرياع
لولا الصبر عشنا على كل غيا = ولولا العزم ماسارت أقدامنا باع
الوقت يلبس وجه سمح المحيا = ويخدع ملايينه على لبسة قناع
والله فرق بين الثرى والثريا = أحدٍ فتر وأحدٍ معه طولة ذراع
نجني من الايام حسنه وسيا = وتبقى وفكري بين حنظل ونعناع
والوقت في لمحة بصرنا شويا = وتطوي مسافاته غرابيل واطماع
وأقدر أعيد العمر مهما تطيا = من شارع الضاحي ليا شارع القاع
هذا دليل إن الليالي كذيا = مسافةٍ تطوى غرابيلها أنواع
ـــــــــــــــــــــــــ ــــــــ

أخوكم عبدالرحمن البراق ،،،

و 1000 نعم يالبراق
عز الله قصيده وافيه من شاعر كفو
تستاهل حبة خشم عليها
بيض الله وجهك ياعبدالرحمن

تقبل مروري
العطاوي

[عبدالرحمن البراق]

احمد مناحي الشمري صح بدنك ولا عليك زود يالغالي

[عبدالرحمن البراق]

محمد نايف العتيبي ياهلا ويامرحبى
جعلك ماتفقد غالي يالغالي ؛؛؛؛؛؛

تخبر ظروف الوقت ماهي على كيفنا
وانت ماعلاك زود وانت الابداع كله

[عبدالله الدلبحي]

صح الله لسانكـ

صح الله قلبكـ


بيض الله وجهكـ


تقبل حياتي بدل تحياتي اخوكـ عبدالله الدلبحي
...

[عبدالرحمن البراق]

هلا وغلا ياستاذ خالد ولاعليك زود ولاعدمتك

[عبدالرحمن البراق]

تركي العطاوي ياهلا ويامرحبا وماعليك زود يالغالي

[عبدالرحمن البراق]

فيصل فرج العتيبي ماعليك زود وتسلم من كل شر يالغالي
موتدي واحترامي

[فهده]

عبد الرحمن البراق

صح لسانك مليون

لاعدمنا جديدك

سلام..

[عبدالرحمن البراق]

اختي الثريا صح بدنك ولا عليك زود انتي الابداع كله

[عبدالرحمن البراق]

نيلف العتيبي ياهلا و يامرحبا ماعليك زود يالغالي

[خالد الممخور]

صح لسانك ياعبدالرحمن ولاهنت

جزله من راس ٍ جزل

اخوك : خالد الممخور

[عبدالرحمن البراق]

اخوي محمد الجذع هلا ومرحبا تشرفت بتواجدك ولا عليك
زود يالغالي
حبي وتقديري ياابو نوره