المساعد الشخصي الرقمي

مشاهدة النسخة كاملة : ون كان ولد العطاوي يلخص بعينه == يقرب شويه ويصلح بيني وبينه


الصقر البرازي
26-07-2008, 06:26 AM
ون كان ولد العطاوي يلخص بعينه ----- يقرب شويّه ويصلح بيني وبينه

وان كانت الثاااانيه ماديني بدينه ----- والبيت مايثبت الا فوق سيساااانه

خلوووووووووها

يامحمد يابن براك العطاوي

============= جاك صقرن من صقور البرازاتي

اشهد اني ناويك بالشر ناوي

============ ناوين ســـلبك عــقالك والــعباتي
تركي العطاوي
26-07-2008, 07:07 AM
الله الله صح لسااانك

ننتظر ابن برااك
محمد ابن براك العطاوي
26-07-2008, 07:45 AM
خلوووووووووووووووووها

الوضع معروف والنيات معروفه = الخص بعيني ومنهو زل ماشوفه
واليا زعل يضرب براسه على الطوفه = والبيت مايثبت الا فوق سيسانه


ياصقر مانستمع في كل غاوي = والجبل يزداد فالبيدا ثباتي

العباه الك انت انا البشت الحساوي = جاك ردي يشبه ال رمح الزناتي
الصقر البرازي
26-07-2008, 07:59 AM
الوضع ماهو على كيفك ولا كيفي ------ اشهر لسيفك وانا بشهر لك بسيفي

ون هبتنا قــشّر برمــانك الصيفي ------ والبيت مايثبت الا فوق سيسانه

من نصح لك تستمع هرج الرداوي

============== لين صدقت الهروج المرسلاتي

البشوت اللي مشت فوق البلاوي

============= ماتفيدك لاحضر وقت الصلاتي
الصقر البرازي
26-07-2008, 08:03 AM
تركي العطااااوي


صح بدنك يالشيخ

ولاهنت على المتابعه


لك التحيه من | الصقر البرازي
محمد ابن براك العطاوي
26-07-2008, 09:20 AM
ياصقر مانيب لاخايف ولاهايب = بس الردى حيلة المسكين والخايب
والله لو ابغاك ترجع طايع ن تايب = والبيت مايثبت الا فوق سيسانه


لاتشابرني وانا شبري رهاوي = وانت في عيني ترى مثل الشواتي
قبل نخلف ياولد كل الهقاوي = انت تبغاها فقر والا غناتي
الصقر البرازي
27-07-2008, 04:49 AM
ابك العـذر للردي هي حيلته دايم --- قايم ولو كان قـــايم حظه النايم

ولاّ العرب للمراجل شاري وسايم -- والبيت مايثبت الا فـوق سيسانه


لاتناطح رجل مانته له بقاوي

=============== ثم تبلش بالهموم المبلشاتي

مايجي راع الشجاعه مثل راوي

============== كم راوي يزعجه خشن النباتي
محمد ابن براك العطاوي
27-07-2008, 05:20 PM
العدر عند الكفو بالهيل والدله = والا انت معروف دربك دايم اتدله
ولو نعقد الحبل منته قادر اتحله = والبيت مايثبت الا فوق سيسانه


الحمامه مابلش فيها النداوي = وديب واحد يقدر لعشرين شاتي
احمد الله ماحسبنا للشواوي = فالليال الماضيه والمقبلاتي
الصقر البرازي
28-07-2008, 12:21 AM
محمد بن براااااك

صح لساانك واعتلى شانك


ولاهنت لاهنت


والعذر والسموحه ان حصل اقصور


لك ولجميع من تابعنا التحيه
محمد ابن براك العطاوي
28-07-2008, 08:19 AM
محمد بن براااااك

صح لساانك واعتلى شانك


ولاهنت لاهنت


والعذر والسموحه ان حصل اقصور


لك ولجميع من تابعنا التحيه

الصقر البرازي صح بدنك طال عمرك

والله لايهينك

ماحصل الا كل علم زين والدعوى سعة صدر

وماقصرت
محمد نايف العتيبي
31-07-2008, 04:14 PM
/

الله الله


الصقر البرازي

جميل ومبدا كايف



ابن براك

جزل طول عمرك

رد وافي



صحه السنتكم


دمت بخير