قالوا حبيبك يسمع الشعر

[@@إعفيني@@]

قالوحبيبك يسمع الشعر قلت إيه=يقراه بعيوني قبل تسمعونه
لولاه حتى طاري الشعر مابيه=ميراكتبه من شان خاطر عيونه
هو روح شعري وامنياته وماضيه=جذع الشجر وش كان لولا اغصونه
اكتب لغيره والقصايد تجي فيه =كن القصايد حالفه ماتخونه
هذاك لامنه زعل قمت اهاديه =حتى وهو مخطي تعذرت دونه
يمكن لوانه يلمس الجرح بيديه=يستغرب ان اللي لمسها طعونه
ابطى وهو غايب وزلت حراويه =وأنا من العام اتحرى مزونه
هومادرى اني في غيابه محاتيه=ليته نشّدعن حالي اللي يجونه
وقلبي اللي توه افلت عراويه =كيف انسرق وضلوع صدري حصونه
عجزت ارده كن ماني براعيه =يوم انتثر شوقه وهاضت اشجونه
يبسن عروقه لكن اللي يعزيه=ان اكثر العالم تردد لحونه
خافوا من الله لاتجيبون طاريه=لاصرت انا موجود لاتذكرونه
لو كل غالي جابه الله لغاليه =ماشفت لك مخلوق تبكي عيونه

[محمد الروقي]

اعفيني

صح لسااانك ولكن ممكن اعرف شاعر ولا شاعره

تقبل مروري وتقديري

[نياف العتيبي]

اعفيني


تسلم على النقل


وصح لسان شاعرها


تم نقلها للقسم الانسب لها ,,

الناايف

[@@إعفيني@@]

اشكركم على مروركم الحلو
وطلتكم الجميله
تقبلوا تحيااااااااتي وتقدير
أخوكم@إعفيني

[خالد الغنامي]

مشكور على النقل

وهي من قصائد الشاعر الكبير متعب التركي المطيري..

اللذي فقدته الساحه الشعبيه..

[فايز ماجد]

يعطيك العافية اخوي على نقلك

وذوقك الجميل

والقصيدة

للشاعر الكبير متعب التركي المطيري

الذي فقدته الساحة وانا افتقدت لروائعه

الله يثبته يارب

تحياتي لك