يابوي ........ لتأكيد التواصل [الأرشيف]

مشاهدة النسخة كاملة : يابوي ........ لتأكيد التواصل

سلمان الثوري

21-07-2008, 04:08 AM

اسعد الله اوقاتكم بكل خير ...

هذي سبعه ابيات لتأكيد التواصل

اتمنى ان ترتقي لكم وتنال اعجابكم

يابوي انا شفت الشعر صار مملوك =شفته يبي حامي عقب مات ونا
شفته وهو بين الردى تحته الشوك=يقول يا سلمان هيا وطنا
ذكرت كم غنيت والهيل مدكوك =في مجلسك يابوي كم جزل غنا
ذكرت روس الشعر واعلام وملوك=كان الشعر في وقتهم مطمئنا
واليوم لا بالله غرابيل ولوك=يا شعر للي من ربعهم يكنا
ماهو غريب يصيرفالانس صعلوك=وماهو غريب ملوك من أصل جنا
بس الغريب البيت مكسور مدحوك=ثم صرت شاعر ذو مكانه وفنا

وسلامتكم

شاهر الشرهان

21-07-2008, 05:17 AM

سلمان الثوري

يشرفني ان اكون اول من تصبح بهذه الجزله الرائعه

الف صح السانك وعلى شانك فعلاً لمست الجرح؟

تحياتي اخوي
..........

محمد نايف العتيبي

21-07-2008, 06:03 AM

.

يابوي انا شفت الشعر صار مملوك
شفته يبي حامي عقب مـات ونـا

عقب مات ونــا ..؟

ياليت توضح ونــا هل تقصد ( وانا ) ام الونه ونــا ..؟

او تقصد ( ماتونــا ). يمكن فهمت غلط انا

اذا كان ونــا كيف يون عقب الموت ...

على العموم للامانه الابيات جزله وموضوعها فالصميم ومبدع

لاهنت وصح لسااااااااااانك ياسلمان

دمت بخير

محمد بن نايف

خــــالـــــد

21-07-2008, 01:03 PM

سلمان الثوري
ـــــــــــــــــــــــــ ــــــ
صح لسـانك واعتلا شانك

لاهنت يا سلمان

ولا تحرمنا جديدك

قصيدة راقية
ـــــــــــــــــــــــــ ــــــ
أخوكـ/خالد

احمد مناحي

21-07-2008, 01:04 PM

سلمان الثوري

هلا بك وغلا

صح لسانك الى رضاك

موضوعها جميل ومعناها سامي ..

وللامانه عندي مثل استفهام ابن نايف ياليت توضح .

دائما رائع الله لايضرك يالثوري

تقبل مروري

تركي العطاوي

21-07-2008, 02:21 PM

صح لسانك ياسلمااان

قصيدتكـ فاهمهااا وفاهم كل خباايااهاااا...واذكركـ محدن طلع من بطن امه شاعر
.
.
تسلم على الدقـ الوافي...

تحيتي وتقديري

محمد الروقي

21-07-2008, 04:22 PM

مفرح بن مناحي

21-07-2008, 06:19 PM

سلمان الثوري

صح لسانك

قصيدة جزلة الأبيات .. غامضة المعاني ..!!

بانتظار جديدك

سلمان الثوري

22-07-2008, 01:16 AM

سلمان الثوري

يشرفني ان اكون اول من تصبح بهذه الجزله الرائعه

الف صح السانك وعلى شانك فعلاً لمست الجرح؟

تحياتي اخوي
..........

شاهر الشرهان ,,

صح بدنك ,,

وعساها تفيد ياخوك

سلمان الثوري

22-07-2008, 01:27 AM

.

عقب مات ونــا ..؟

ياليت توضح ونــا هل تقصد ( وانا ) ام الونه ونــا ..؟

او تقصد ( ماتونــا ). يمكن فهمت غلط انا

اذا كان ونــا كيف يون عقب الموت ...

على العموم للامانه الابيات جزله وموضوعها فالصميم ومبدع

لاهنت وصح لسااااااااااانك ياسلمان

دمت بخير

محمد بن نايف

محمد بن نايف ,,

صح بدنك ياخوي
________________________توضيح _____________________

شفته يبي حامي (عقب مـات ونـا)...

اخوي محمد .. لابد بأنك تعرف صيغ المبالغه وانا قلت عقب مات ونا يعني مات من كثر ما يون يعني تعب وانهد حيله بالعربي
__________________________________________________ _

والجزل فكرك يا محمد واسلوبك الراقي واهتمامك بمصلحة الشعر قبل اي شيء

دمت بود

سلمان الثوري

22-07-2008, 01:29 AM

سلمان الثوري
ـــــــــــــــــــــــــ ــــــ
صح لسـانك واعتلا شانك

لاهنت يا سلمان

ولا تحرمنا جديدك

قصيدة راقية
ـــــــــــــــــــــــــ ــــــ
أخوكـ/خالد

خــــــالــــد,,,

صح بدنك

وكل الشكر على اسلوبك الراقي

تحياتي لك

سلمان الثوري

22-07-2008, 01:36 AM

سلمان الثوري

هلا بك وغلا

صح لسانك الى رضاك

موضوعها جميل ومعناها سامي ..

وللامانه عندي مثل استفهام ابن نايف ياليت توضح .

دائما رائع الله لايضرك يالثوري

تقبل مروري

احمد مناحي ,,

صح بدنك ياخوي

وانا للامانه اشكرك يالذيب

والاستفهام وضحته

واسعدني مرورك

سلمان الثوري

22-07-2008, 01:40 AM

صح لسانك ياسلمااان

قصيدتكـ فاهمهااا وفاهم كل خباايااهاااا...واذكركـ محدن طلع من بطن امه شاعر
.
.
تسلم على الدقـ الوافي...

تحيتي وتقديري

تركي العطاوي ,,

صح بدنك وماهو غريب انك فاهم القصيده وانت شاعر وهرم للشعر الله يحفظك

واشكرك على المقوله الي تصاحبك في اي رد ( محدن طلع ....)

كل التقدير والتحيه يالعطاوي لك وليست لغيرك

سلمان الثوري

22-07-2008, 01:58 AM

سلمان الثوري

ماوقع فيه الاخ تركي العطاوي حاولت ان تعدله فوقعت انت

هذااا
7
7
شفته يبي حامي عقب مـات ونـا ؟؟؟

وهذا
7
7
7
ذكرت كم غنيت والهيـل ((مدكـوك<<< ؟؟

وهذا
7
7
7
واليـوم لا بالله غرابيـل ولـوك
هل تقصد انهم سمحو لمن ليس لديه شاعريه ان يكتب بغرابيل ؟
ام ان غرابيل ليس بهاا شاعر ؟

يا شعر للـي مـن ربعهـم يكنـا

8
8
8
اذا تقصد ربعهم يعني جماعتهم فالبيت مكسور

ويامرحبا تراحيب المطر
وسمحلي على ملاحضاتي البسيطه التي لاتغير من شاعريتك بشي

دمت بود وصح لسااااااانك 100 مره

محمد الروقي ,,

اسعد الله اوقاتك بكل خير ,,

بصراحه انا مستغرب من ردك !!!!

انا لم اطلب منك ان تشبهني بأحد .

وانا لم اعدل وارتب ابيات احد .. اتتهمني بسرقة الافكار ؟؟

((هاجس وطرالي وكتبت قصيده ))

والابيات ما فيها كسر ولو فيها كسر ولا ثقل انا اول من بيقولك حطها بقسم البدايات( يالروقي انا احترم الشعر وماني مثل غيري) .

على العموم صح بدنك واسألتك تجاوب عليها القصيده

وانا اسف لأني ما تعودت افسر ابياتي لأحد .

تقبل تحياتي واحترامي لك يا ابن الباديه .

سلمان الثوري

22-07-2008, 02:00 AM

سلمان الثوري

صح لسانك

قصيدة جزلة الأبيات .. غامضة المعاني ..!!

بانتظار جديدك

مفرح بن مناحي ,,

صح بدنك واشكرك على اسلوبك الراقي

وعلى خير

فخر أهلها

22-07-2008, 03:54 AM

حياك الله سلمان

ابيات جميله وتحمل معاناه حقيقيه في عالم الشعر

صح لساانك ولاهنت

لكن لدي ملاحظه بسيطه

اخي الكريم

انت هنا تعيب على التطبيل والثناء المبالغ فيه لمن لايملكون الشاعريه

لكن لفت انتباهي رد لك ناقضت نفسك فيه تماما

تركي العطاوي ,,

صح بدنك وماهو غريب انك فاهم القصيده وانت شاعر وهرم للشعر الله يحفظك

مع تقديري واحترامي لتركي وهو يعلم بهالشي الا اني استغربت

هل انت ترى فعلا ان تركي هرم للشعر ؟

ام انك تطبل كما ذكرت في قصيدتك

تحياتي لك

سلمان الثوري

22-07-2008, 04:29 AM

حياك الله سلمان

ابيات جميله وتحمل معاناه حقيقيه في عالم الشعر

صح لساانك ولاهنت

فخر أهلها ,,

هلا ومرحبا

صح بدنك ولا هنتي

لكن لدي ملاحظه بسيطه

اخي الكريم

انت هنا تعيب على التطبيل والثناء المبالغ فيه لمن لايملكون الشاعريه

لكن لفت انتباهي رد لك ناقضت نفسك فيه تماما

مع تقديري واحترامي لتركي وهو يعلم بهالشي الا اني استغربت

هل انت ترى فعلا ان تركي هرم للشعر ؟

ام انك تطبل كما ذكرت في قصيدتك

مشرفتنا الموقره ,,

لم ارى تركي هرمآ ولم ارى من منحوه اللقب اهرام للشعر.

عمومآ واحد يقول : انا فاهم قصيدتك وانا عارف الي تقصده ,,
وش ارد عليه ؟؟؟

اكيد يبيني اثني عليه وامدحه وانا ما قصرت

وشكرآ على الاسلوب الراقي وسلاسة كلماتك

تحياتي لك

خيالات الشعر

22-07-2008, 04:34 AM

صح السانك سلمان

على ابياتك الراقيهـ

لك تقديري واحترامي

دمت بوود

************************

محمد الروقي

22-07-2008, 11:44 AM

محمد الروقي ,,

اسعد الله اوقاتك بكل خير ,,

بصراحه انا مستغرب من ردك !!!!

انا لم اطلب منك ان تشبهني بأحد .

وانا لم اعدل وارتب ابيات احد .. اتتهمني بسرقة الافكار ؟؟

((هاجس وطرالي وكتبت قصيده ))

والابيات ما فيها كسر ولو فيها كسر ولا ثقل انا اول من بيقولك حطها بقسم البدايات( يالروقي انا احترم الشعر وماني مثل غيري) .

على العموم صح بدنك واسألتك تجاوب عليها القصيده

وانا اسف لأني ما تعودت افسر ابياتي لأحد .

تقبل تحياتي واحترامي لك يا ابن الباديه .

الله يسامحك انا تكلمت عن شي قدامي يالطيب

تفضل وعساني ماني غلطااان
http://www.g111g.com/vb/showthread.php?t=129812

وصدقني زعلك علي او هجومك لن يغير من اسلوبي الصادق

انا مابيني وبينك شي الا كل خير وحترام وتقبل النقد ماهو عيب

انا تقبلته اكثر من مر ه ويشرفني ويسعدني ذالك ’’’’’’

ما اعتقد ان افكارك جابت وقفات قصيدة الصدر والعجز

لشاعر ثاني من الهوى تقبل تقديري

تركي العطاوي

22-07-2008, 08:54 PM

فخر أهلها ,,

هلا ومرحبا

صح بدنك ولا هنتي

مشرفتنا الموقره ,,

لم ارى تركي هرمآ ولم ارى من منحوه اللقب اهرام للشعر.

عمومآ واحد يقول : انا فاهم قصيدتك وانا عارف الي تقصده ,,
وش ارد عليه ؟؟؟

اكيد يبيني اثني عليه وامدحه وانا ما قصرت

وشكرآ على الاسلوب الراقي وسلاسة كلماتك

تحياتي لك

اخوي .الشاااعر سلمان الثوري

والله اني اقدر افسرلك قصيدتك بيت بيت<<وحط في بالك والله العظيم ماني ابمدح نفسي.
.

واذا هي على الشعر تراني ماخذه ورااثه وخوالي كلهم شعاااار

وقصيدتك مفهومه يا الغااالي وانا جااي هينا والله العظيم لاني ابي انتقد ولاني ابي مطااالب يا الغااالي

بس جاي اقولكـ اذا انت منزعج من كلمة [شاعر] تحت اسمي والله ثم والله اني لا ارسل رسااله يغيرونه اللحين..

مووو علشانك ولا علشان شي...انا مقتنع في نفسي ان اللي اكتبه..من بوووح..ما اسميه شعر لان الشعر ماحد يلقااء فيه شي ينتقدوونه..فأقوول من بووحي

[اناااا للحين ماتعلمت الــشــعـــر بأأقـــي عــلــي مشواااار]<<حطيتها لكـ بين قوسين

ياسلمان الله قاال..[ما اوتيتم من العلم الا قليلاا..واللي بيتعلم الشعر الين حد لجزااله والله ماتلعم الا قليل..]

محمد الروقي+فخر اهلها+العطاوي<<<جميلهم عل رااسي وقداامك ينتقدووني..

انت جبتهم في قصيدتك..على انك فاهم انهم عياال عمي ومسوين واسطه يحطون كلمة شاعر تحت اسمي....لا والله العظيم لو هم مثلا جازعين معي على غيرر حق والله ماينتقدوني حتى لو القصيده مافيهاا خيرر..
.
.
ختأمأ...لاتزعل نفسك ترانا اخوان تحت هاذا الصرح الشاامخ

وكل واحد يبي مصلحت الثااني..يعني اللي ينتقدك مايكرهكـ

واخيرأ..[كلمة شااعر..ماني بكفوهاا للحين..]..باااقي علي مشواار

واي موضوع من بووحي يشرفني مررووررك عليه وانتقاادك

تحيتي وكامل احترامي وتقديري

الملازم

22-07-2008, 09:16 PM

صح السانك سلمان

بس الغريب البيت مكسور مدحوك
ثم صرت شاعر ذو مكانـه وفنـا

هذا الواقع على الساحه الله يصلح حال الساحه

سلمان الثوري

22-07-2008, 10:14 PM

صح السانك سلمان

على ابياتك الراقيهـ

لك تقديري واحترامي

دمت بوود

************************

خيالات الشعر ,,,

صح بدنك

والراقي ردك يالنشميه

تحياتي لك

سلمان الثوري

22-07-2008, 10:27 PM

الله يسامحك انا تكلمت عن شي قدامي يالطيب

تفضل وعساني ماني غلطااان
http://www.g111g.com/vb/showthread.php?t=129812

وصدقني زعلك علي او هجومك لن يغير من اسلوبي الصادق

انا مابيني وبينك شي الا كل خير وحترام وتقبل النقد ماهو عيب

انا تقبلته اكثر من مر ه ويشرفني ويسعدني ذالك ’’’’’’

ما اعتقد ان افكارك جابت وقفات قصيدة الصدر والعجز

لشاعر ثاني من الهوى تقبل تقديري

محمد الروقي ,,

انا ما بيني وبينك شيء ... وكلنا أخوان ومرورك على متصفحي تاج عالراس

وانتقادك يذكرني بالي قال (ناصر الفراعنه ) سارق قصيدة ناقتي يا ناقتي

على العموم يا أخوي .. انا اتقبل النقد .. بس اذا فعلآ فيه خطأ او عيب فالابيات
مو نقد وتجريح .. بسبب ردة فعل .

والله لا يهينك يالذيب وجعلك ذخر .. والله لا يحرم شعراء المنتدى نقدك الصادق

والله يجزاك خير .

تقبل احترامي وتقديري يالذيب

سلمان الثوري

22-07-2008, 10:29 PM

والرابط يا محمد ماله دخل بنقاشنا

وانا خليت هالكلمتين برد ثاني لأن ما بينها صله

تحياتي لك

سلمان الثوري

22-07-2008, 10:59 PM

اخوي .الشاااعر سلمان الثوري

والله اني اقدر افسرلك قصيدتك بيت بيت<<وحط في بالك والله العظيم ماني ابمدح نفسي.

اخوي / تركي العطاوي

طيب انا ما طرحت القصيده الا ابي القراء والمتصفحين انهم يقرؤونها وابيهم يفهمون الموضوع .. وانت ياخوي حاس انك مسوي انجاز لأنك فهمت القصيده

وانت في بالك الي يقول انا فاهم القصيده يعني يمدح نفسه .. لا عادي وشيء طبيعي انك تفهم .

يعني لو بتمدح رجال بتقوله انت يا فاهم كل القصايد .. هذي مدحه في بالك

والله جديده علي

واذا هي على الشعر تراني ماخذه ورااثه وخوالي كلهم شعاااار

وقصيدتك مفهومه يا الغااالي وانا جااي هينا والله العظيم لاني ابي انتقد ولاني ابي مطااالب يا الغااالي

1- يعني ما عندك موهبه .. يعني الشعر ماخذه ورث .. ومقسم على عائلتكم ؟

2- يا أخي .. واذا فهمت القصيده وش المفروض اسوي انا ...!!!!!

3- طيب لا تحلف اذا عندك نقد بناء تفضل انا اسمعك يالحبيب

بس جاي اقولكـ اذا انت منزعج من كلمة [شاعر] تحت اسمي والله ثم والله اني لا ارسل رسااله يغيرونه اللحين..

مووو علشانك ولا علشان شي...انا مقتنع في نفسي ان اللي اكتبه..من بوووح..ما اسميه شعر لان الشعر ماحد يلقااء فيه شي ينتقدوونه..فأقوول من بووحي

[اناااا للحين ماتعلمت الــشــعـــر بأأقـــي عــلــي مشواااار]<<حطيتها لكـ بين قوسين

ياسلمان الله قاال..[ما اوتيتم من العلم الا قليلاا..واللي بيتعلم الشعر الين حد لجزااله والله ماتلعم الا قليل..]

يا أخوي مع احترامي الشديد لك .. مانت اكبر همي ( وصدق الله العضيم )

محمد الروقي+فخر اهلها+العطاوي<<<جميلهم عل رااسي وقداامك ينتقدووني..

انت جبتهم في قصيدتك..على انك فاهم انهم عياال عمي ومسوين واسطه يحطون كلمة شاعر تحت اسمي....لا والله العظيم لو هم مثلا جازعين معي على غيرر حق والله ماينتقدوني حتى لو القصيده مافيهاا خيرر..

ههههههههههههههههههههههههه هه .... الحين انت كذا فاهم القصيده .. وين جبتهم انا يالحبيب.

عمومآ الله يعطي المشرفين العافيه ما يقصرون

ختأمأ...لاتزعل نفسك ترانا اخوان تحت هاذا الصرح الشاامخ

وكل واحد يبي مصلحت الثااني..يعني اللي ينتقدك مايكرهكـ

واخيرأ..[كلمة شااعر..ماني بكفوهاا للحين..]..باااقي علي مشواار

واي موضوع من بووحي يشرفني مررووررك عليه وانتقاادك

تحيتي وكامل احترامي وتقديري

تركي وانا اخوك الي يزعل من مناقشه او حوار هذا ناقص
والحمدلله انا ما زعلت والاخوان ما زعلوا

والله يوفقك وتوصل لمبتغاك يالذيب

وانا يسعدني مرورك لمتصفحي وفهمك لقصيدتي .. ويسعدني رؤية قصائدك الجديده

دمت بخير

سلمان الثوري

22-07-2008, 11:00 PM

صح السانك سلمان

بس الغريب البيت مكسور مدحوك
ثم صرت شاعر ذو مكانـه وفنـا

هذا الواقع على الساحه الله يصلح حال الساحه

الملازم ,,,

صح بدنك

ولا هنت