ܓܨܓ عبد الكريم بن خزّيم وسهرة لا تنسى ܓܨܓ

[صهيل الصمت]

http://sfsaleh.com/9war/uploads/c984cfc1d7.jpg (http://sfsaleh.com/9war/)
بسم الله الرحمن الرحيم

http://www.kwety.net/kwety1/q89/ASSERT1%20%2869%29.gif
بمداد قلمه اثرى واحة الادب النبطي
وبجزيل شعره سجل حضوره الأدبي
شاعر يمتلك موهبه شعريه عظيمه ..
حينما يبدأ لعبته مع الكلمات
باسلوبه المميز الجذاب ..
يمتعنا
وعندما يبدع قلمه
يرسم لنا حروف تتفوه بكلمات رائعه ..
تحمل لنا احاسيسه وتصف لنا مشاعره ...
انهـ المبدع

ܓܨܓ عبد الكريم بن خزّيم ܓܨܓ

http://www.kwety.net/kwety1/q89/ASSERT1%20%2871%29.gif

http://www.kwety.net/kwety1/q89/ASSERT1%20%2865%29.gif
نستهل بيانه بهذه الكلمات ,,,


http://www.kwety.net/kwety1/q89/ASSERT1%20%2865%29.gif


{ صاحب الشرهه }


أنا ياصاحب الشرهه حداني موج وسط بحور= مركب حظـي العاثر صغير و راح مـن ناسـه

أنـا مـا أنســاه لوينسـى بـدايـة حبـي المغرور= تصّـدق مسكنه قلبي وحـنايا الجـوف حراسه

وأنا ياصاحبي مغرم بعيـن ٍكـنـها مـن الحور= ورمش ٍساحر ٍ فتـّان لـها نـظـرات حساسه

ذبحـنـي يـوم أنـا شفتـه تبدل بالظـلام الـنـور= رحل جسمه بقى رسمه شعاع النور بالماسه




حمل هم امته ونبض قلبه فكان خطاب لمن احرق قضية العرب و تجاهل اوجاعهم ,,,

أنــان ولاّ والـقـضـيـه شـضـيــه=والنارتحـرق ياعـرب مـن وطاهـا
بعده عميلن منتقى في مجيه=أنــذال تخـلـص يابـشـر لعـمـلاهـا
ستيـن عام ٍوالعـرب لـه قضيـه=ورّت شعوب الأرض ذل بعماهـا
وخصّص فقير القوم يبقى الضحيه=من غطرست غرب ٍلحقنا بلاها
حتـى البشاعـه باليهـودي شـويّـه=علـى القتـل صرنـا نشوفـه تبـاهـا
والضفه عانـت مـن حصـار واذيّـه=والقـدس عين ٍ ينتثـردوم مـاهـا
وإبن اليهـودي ماعـرف مرحميـه=مـادام بوش ٍ طبهـا مـع دواهــا
والـقـدس تنـخـى والبشرماعـلـيّـه=كلن سكت مااحد ٍ يشارك عناها
بأرض الفرات اموات وين الحميّه=أطفـال تصـرخ ماسمعـنـا نـداهـا
لكن على الله تنفرج هالبليه=وشمس النصربالكون يبعدمداها



http://www.kwety.net/kwety1/q89/ASSERT1%20%2865%29.gif
ياحرف عبر عن شعوري بما صار ,,فالحرف انيسه ,, ومتنفسه ,,,

ياحرف عبّر

ياحرف عبّرعن شعوري بماصار= وأشهد مع التاريخ مادمت منضام

كيـف العـراق يـراق دمـه ويحتار=بالأضحيه يوم ٍ فضيل ٍ بالإسـلام

طهـران غنّت واليهـودي سكن بار=من يوم خانـوا قايد الشعب صـدام

واليوم يظهرماختفى خلف الأسوار=حقد ٍ وذا لـه ساكن ٍ عـدة أعوام

وين البشر وين البواسل والأحرار=ماحـد ٍ تكـلّـم عـادة النـاس نـيّــام

أبـوعـدي لاشـك رمـز ٍ و تـذكـار=مرفوع رأسه في منصّات الإعدام

عايش عزيز ومات صارم وجبّـار=مكشوف وجهه والغطاء يخفي أقزام

باقي بذكـره والغـدر يجلب العـار=موته شموخ ٍ يرتفع فوق الأعلام


http://www.kwety.net/kwety1/q89/ASSERT1%20%2865%29.gif
وتزودوا فان خير الزاد التقوى ,, عبر ونصائح ,, للقلوب الغافلة ,,

ترى الرجّال مهما طال عمره= يبـي يرحـل ويطوّقــه اللحافي

بيوم تترك المرضع ولـدهـا= تخـاف الهـول تطلب للعـوافي

رصيد الناس بأفعال الحساني= ويوم ٍالعرض بتبـان الخوافي

وتـرى الـدنيـا ومـا فيهـا يروّح= ولــو يملك عقـار ٍ والألافـي

وأختمه بالصلاه ثم السلامي = على محمد على حوضه يشافي


http://www.kwety.net/kwety1/q89/ASSERT1%20%2865%29.gif
للحب من شعره نصيب ,, وليل المحبين يشعل الذكريات .
.وفي خضم الأحلام يكون لقاء الارواح والقلوب

{ حبيبي }

حبيبي مع حلول الليل أحسّـــك تجبـر التفكير=.يسولف لك عن جروح ٍ بوسط الصدرتبلاني

حبيبـي قصتـي حـزن ٍيسابـق دمعهـا الـتعبير= وأنـا ساهـي وقلبـي راح لد يارك وخلاني

حبيبـي العـمـر مـره ويمكن ننذكـر بالخير=.وألاّ الشـر يتبعنـي وأصيـر بحسبـة الجـاني

حبيبـي والشمـوع اللي تنـّور دربنـا تنويـر= وفجـاه بعـد مـاطفيت يـاكيف أعيـش وحداني

حبيبي مـا أقدر الدنيـا بدونك كيف هذا يصير=.لو أصبر يرتحل صبري وتبقى سبة أحزاني


http://www.kwety.net/kwety1/q89/ASSERT1%20%2865%29.gif
درب الرجوع لابد من تذوقها وارتشاف كلماتها قطرة قطرة ,,,


]درب الرجوع


المسـافرلو رحل نيّته درب الرجـوع=ــ لويطـول في غيابـه عانـد الخاطر بقاه

والحرارولوجاعة ماينزلها الخضوع=دوم تفرس بالمخالب حكمه من الله عطاه

والزمن هـذا تغيّـرالغني صايـر يجـوع=كن مالـه يارفيقي بالقبـر يـدفـن معـاه

والحروف أللي تدوّن تاصف االرجل الجزوع=ـ بعـض منهـم نحمـدالله دنيته يلهث وراه

مبتلش بالكون كله صار يومه والسبوع=يركض بسرعه وراها ماقدر ياصل مداه

يالله المنعم بعفوك لك سجود ولك ركوع=ـ تحمي نفسي من عناها مسلم ٍ يرفع يداه

http://www.kwety.net/kwety1/q89/ASSERT1%20%2865%29.gif
وينك ياراحة البال .؟؟
في ضيقة يسعفه مداد القلم
ليدون بعضاً من أحاسيس القلب الموجوع ,,,

: البال ضايق:

البال ضايق به هموم ٍ يغدرن=والعين عانت من كثير المصايب

والحال تنقص والمشاكل يزودن=لوني ولد ياخوك قد صرت شايب

بنات فكري لظلم الليـل لجّـن=حيثه تشوف الوقت فيه العجايب

وبعض البشر عايش وكنّه مع الجن=متغطرس ٍ لا طيب والفعـل عايب

عقله مريض ولا حضر دوم يفتن=عز الله إنّه ما يفك النشايب

والهيس هذا ماعرف حمسة البن=ولد عجوز ٍ مهنته بالسبايب

خيّال هرج وبالمجالس معاهن=الشور لأمه ما صمد بالنوايب

ياكثرهم باليسر ياقلهم .. وإن=ضاقتك بوجهك وأنت بالناس هايب

نـاس ٍ تنافـق بالمجامل تفنن=يظهر سواده واضح ٍ جاك خايـب



http://www.kwety.net/kwety1/q89/ASSERT1%20%2865%29.gif
وتتوالى الهمومو الآلام ,,والشعر خير متنفس فكانت هذه الجميلة ,,,

{ بغداد }
الله من هم{ن}بصـدري وداكـوك=متمركز{ن} بالجوف وسط الحنايا
حسـّه بقلبـي صايرن كنّه الشـوك=أوشـوط كهـرب مـع جميـع الزوايا
بغـداد تذبـح والدمـاء لين كركوك=والبصـره تمسح مـابها مـن بنايـا
والقايم اللي مامشت خلف صعلوك=تضرب وحيثـه مـاتقـر الوصـايـا
وجهات قامت تمنح أوراق وصكوك=لـلـي يفجّــر مسلم{ن}بـالشضــايـا
وأرض العراقي بين لغم{ن} وبازوك =يـالله دخيـلك يـوم كشـف النـوايـا
ياللي تفخخ موتـرك وأنت مشـروك=بتواجـه المعبـود رب البــرايـا
القتـل والله مـايجيـزه وأنـا أخـوك=إلا عــدّون غـارق{ن} بالدنايا

http://www.kwety.net/kwety1/q89/ASSERT1%20%2865%29.gif



انصهار المحبين ,, وغياب الأنا ..


أنـ[ أنت ]ـت

أنت قلبك ساكن ٍوسط الظلال=ماصلاه من الدهر حـظٍ ردي

وأنت حبٍ مانبي غيره بـدال=من كواه الداب جاهـز للعدي

في هواكم قد تعديت المجال=في عطارد أوترى يم الجدي

يابعد منه ترك فيني ســؤال=البشـر في حبها ماتنشدي

في غيابك ماأطيق الإحتمــال =والنفس مايغتني عنه إجـسدي

ياصغيرالسن يكفيك الــــدلال =هاك روحي يابعدروحي هـدي

وأنت ريم ٍ زادك الله بالجـمال=عل قلبك يـم قلبي يهتـــدي

وأنت نور الشمس أوضي الهلال=وأنت عشق ٍ صاحبي فيك نغدي


http://www.kwety.net/kwety1/q89/ASSERT1%20%2865%29.gif
كتب في الغزل فامتعنا ,,,

الغـلا يابنت}


الـغـلا يابنـت شيـّّن نحصـره=محتوينه يابعد عمـري جميع

لوخفوقي حاوين بعض الشره=لوأباأبعد غصب ماقدرماستطيع

المحبه بالميه لوهي عشـره=أشهد إني في حنانك لاأضيع

الكـره ياكـم تحـوي مـن مره=لكن أنتي خص زهري والربيع

أزجر الليـل المظلّم وأنهـره=لاتمادى في جروحي ما أطيع

واللي مثلك لو تنـاسى نذكره=مايغيب ولورفع جسر ٍ منيع

والقطيعه سم تجلب مسخره=والجروح تزيد والعالم يضيع

يابنيّـه قلـب في ظـل شجـره=أحتـواه الـهـم في نبض ٍ سريع


http://www.kwety.net/kwety1/q89/ASSERT1%20%2865%29.gif
مضى الزمان وتوقفت الأيام برحيلها كل شيء يفقد معناه ,,,

(عقرب الساعه)

أستدارت عقرب الساعه يسار=.يـوم رحتـي و القمـر عيّا يبين

والهـوى مـن جـاه لابـده يحـار=عايش ٍ كني بهـا الدنيا سجيـن

السهـر وإن طـال يقفـاه النهـار= وقتها ما كنت أدري وش تبين

كان قلبي مبتلش وسـط المـدار= ومالقيت إنسان غيرك يحتوين

ياعنـود ٍ جيت مـن كنّا صغـار=كنت حلم ٍ أضمحل عبرالسنين

ياشتـات العمـريـالـولـو محـار=ياجواهر عشـق يامعـدن ثمين


http://www.kwety.net/kwety1/q89/ASSERT1%20%2865%29.gif
خفيفة ,,, بحس جميل ,,,

يكتمـل عقـد السعـاده لـول لـول =دام روحي ماعرف درب الميول

هوصغير السن له خصر ٍ نحيل =ظبيـة ٍ لي والحقيقـه جت جفـول

أبتلش لاغاب وإن جاني فرحت =فرحة الشاوي إلى أطروله سيول

السعد أمسى في عينـه والحنـان =والهوى راعيه في حالـة نـزول

والمحبّه عشتها عيشـة صـويب =في نهار الكون تدهمـه الخيـول


http://www.kwety.net/kwety1/q89/ASSERT1%20%2865%29.gif
اختم بهذه الابيات التي تحمل وصف رائع للربيع ,, يدهشنا ,,,

يـاديـرتي أصبحـت أرقب سحـابـك=خير{ن}من الله مرسله رب الأرباب
سـاق السحـابـه ليـن دكّـة تـرابـك= وسال الشعيب بمنظر{ن}كله إعجاب
والأرض رويـاء والزهـر في جنابك=مع أم سالم تزعـج الصـوت جـذاب
والروض أخضـر والرعـد مايهابـك=نجد العذيّه والوسم صاروا أصحـاب
وصـار البختـري والنفـل من ثيابـك=مخضّرة الريضان في حسبة الغاب


اخيرا اتمنى ان اكون قد وفقت في تسليط بعض الضوء على شاعر يوازي هامة عبد الكريم

أرق التحايا

[مفرح بن مناحي]

مشكورة يا صهيل الصمت

استمتعت بالإبحار مع الشاعر الرائع / عبدالكريم بن خزّيم

صفحة سأعود لها كل ما احتجت لمشاهدة الإبداع

[سلمان الثوري]

صهيل الصمت ,,

اختيار رائع لشاعر قمه في الروعه

صح لسان الشاعر / عبدالكريم

والله لا يهينك

تحياتي لك

[فايز ماجد]

الف الف شكر

ياصهيل الصمت على جهدك وحسن اختيارك

لشاعر مبدع

بحجم عبدالكريم بن خزيم

بالفعل استمتعت هنا

الله يعطيك العافية

وصح لسانك عبدالكريم

تحياتي لكم

[علي عبدالرحمن الأسمري]

اختيار موفق
وشاعر ولا اروع
تحياتي للجميع

[بدر ناصر المورقي]

الله يعطيك العافيه ياصهيل على هذى الجهد الجبار

وصح لسان الشاعر الرائع عبدالكريم شاعر جميل يطربني حرفه

تحياتي

[صهيل الصمت]

http://www.3z.cc/sml/30/003.gif
مفرح بن مناحي


مرور ساحر

وحضور مبكر أسعدني

دُم بالجوار

[محمد بن ضاوي]

ضيف راقي في برنامج راقي



شكرا للضيف وصح لسانه ولاهان على امتعنا به من شعر


وايضا شكرا لمعدة هذه التحفة الرائعه

[احمد مناحي]

صهيل الصمت

هلا بك وغلا

بيض الله وجهك على جهودك لخدمة الشعر وا لشعراء وانتي دائما ركن من اركان

النجاح الله لايضرك ..

عبدالكريم بن خزيم

شاعر فرض احترامه بااحترامه من خلال تعامله الاخلاقي مع الجميع ..

ووضع له بصمه خاصه في جبين الشعر الجزل من خلال مايقدم من نصوص هادفه

وساميه وراقيه دائما ....

انا متابعيك ياابو ابراهيم ومن معجبيك

وفق الله الجميع

[سود العيون]

\
\
\


سهرة استعذبتُ أغانيــها


حروف تـَــغنـّـتْ بجمال الإبداع ، وبموسيقى الحرف ..


عبد الكريم بن خزّيم


نايـُـكَ أشجاني ...


لكَ الـورد وعطره ....


القديرة صهيل الصمت ..


سلمتي يا عذبـة القلب والروح.

[عبدالكريم بن خزيّم]

الأخت / صهيل الصمت

كلامات الشكر مجتمعه لاتكفيك

فاقول الله يعطيك العافية على جهودك

وماقصرتي يالغالية وعذرا ً يعلم الله لم أرى هذا الانجاز

إلا هذه اللحظة

دمتي بخير حال يالغالية ,,,,,,,,,

[عبدالكريم بن خزيّم]

شكرا ً صهيل الصمت

شكرا ً لكل الموقعين هناء فأنتم الداعمين لي من بدايات

والله يبيّض وجيهكم جميع ,,,,,