سلام ردّه ،، محاوره والمجال مفتوح :)

[ابن هندي]

السلام عليكم جميعا ،،

ودّي بـ طاروق مع اقرب شاعر


سلام ردّه للقصص هاتو لنا راع القصص=تِبْدآ بذكر الله وتختم بالصلاة إعلى النبي
اللي ملا بطنه من العيشه يجي بطنه مغص=ساعة زمن ويعوّد إبْوَ الركض فالدرب ايحبي

[رائد الشريف]

وعليكم السلام
هلا وغلا
استلم لاهنت
وانشاء الله استمر معك لين يجي واحد من شعارنا افضل مني واسمله مكاني
لاني ماني قدك وفيه الافضل بس مدام للحين محد جا واول واحد يجي تراه مكاني
والمعذره منك

جيتك يابن هندي وانا ميئس ولاعندي فرص
................................... ترفع رصدي بالهوى من يوم ماضاع اتعبي
ان كان قدري ماعلا في الحب لالا مانقص
................................... ويش السواه اليوم قلي كان تعرف مطلبي؟

اخوك الدويبي

[ابن هندي]

الله يحييك يالدويبي

ودام انك رديت فـ لا مجال لغيرك وانت
كلك خير وبركه واستلم


مال الهوى عندي طريق ولادروس ولاحصص=الذيب مثلي ما طمع فإعراش من راس الظبي
اليا لقيت ابليس فوق السان ابو عليا رقص=اشب ناري من عظام اعضاه واخش احطبي

[رائد الشريف]

تبقا وتدوم
الله يبارك فيك
اسلتم لاهنت

الذيب دايم مطلبه انه يدوّر له قنص
.................................. وان نشدته كيف يقنص قال عندي مخلبي
مايبي غير البراري.. ولو تحطه في قفص
................................... ينتحر لجلك حبسته عن هواه المطربي

[ابن هندي]

طيب طيب يالدويبي


استلم ،،



هرجتك هرجة مسلمٍ عيّا يعم ولايخص=واللي رطن وشلون ابهرّجه هرج اليعربي
الموت من ناب الافاعي فالرجل لامن قرص=احرص من جحور الحيايا لاتجي رجلٍ غبي

[محمد بن دحيلان]

ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه هه

طيب طيب
الاغيره



ياسلام ياشعار وااااصلوا



تحياتي


للجميع

[طيف الوله]

الدويبي:برافو: الذيب دايم مطلبه انه يدوّر له قنص

.................................. وان نشدته كيف يقنص قال عندي مخلبي

ابن هندي:برافو: الموت من ناب الافاعي فالرجل لامن قرص

..................................احرص من جحور الحيايا لاتجي رجلٍ غبي

صحت قلوبكم مليووون لا تقولون خلاص تو المحاوره بأولها استمرو ونحن متابعين :confused:

[صائد الطرائد]

الله الله

فعلاً محاورة رائعة

صح لسانك يا شعرنا ابن هندي
وصح لسانك يا شعرنا الدويبي

[الأميرة الناعمة]

الله الله

صح لسانكم

بانتظاركم :confused: