من يوم جاني علمك اللي تحاتيه ** ماغير بالافراح حرفي يتمتم

[صالح المرزوق]

بسم الله الرحمن الرحيم

أسعد الله أوقاتكم بكل خير

أعود بعد انقطاع طويل جدا ,,, التمس من الجميع العذر .. وبإذن الله يدوم التواصل

صديقي زف لي اليوم خبر عقد قرانه .. فكانت هذه الابيات



يالله بارك له وتمّم مساعيه = ادعي عسى ربي يعين ويتمم

يالله عسى التوفيق دايم يخاويه = لايعرفه تقصير أو خوف أو هم

من يوم جاني علمك اللي تحاتيه = ماغير بالافراح حرفي يتمتم

يابخت حرفي بس منهو يضاهيه = دامه بيكتب لك شعوري ويرسم

عيا القلم يكتب ويبرز معانيه = كن المراجل منك تدرس وتفهم

يابو محمد وين مثلك الاقيه = طيبك تعدى الكل بالكيف والكم

لاقلت كلمة (لا) توصل لنا (ايه) = لاتسألون شلون , السر مبهم

احب كل اللي يحبون طاريه = وافديهم بنفسي وروحي وبالدم

واكره جميع انسان وده يعاديه = والله لو بيدي ابسقيه علقم

عندي معاذ ومنهو غيره يساويه = آمر تدلل وش تبي يالغلا سم

الله يسمّ اعداك ويشلّ رجليه = والله يوفق قلبك اللي تقدم

يابو محمد قلت ابكتب واهنّيه = اهني قلبك يوم اقبل وعزّم

من يوم جاني علمك اللي تحاتيه = ماغير بالأفراح فمي يتمتم


وسلامتكم


* سلام خاص جدا ً للغالي ( أبو عبدالرحمن )

.
.
.


صالح المرزوق

[خــــالـــــد]

صالح المرزوق
ـــــــــــــــــــــــــ ــــــ
صح لسـااانك واعتلا شااانك

وتسلم يمينك يالجزززل

تراك تطول علينا بـ قصايدك

لاهنت يالغالي

ولا تحرمنا جديدك وتواصلك
ـــــــــــــــــــــــــ ــــــ
أخوكـ/خالد

[فيصل فرج العتيبي]

صح لسانك ياصالح

هكذا القصائد القلبيه

عفوية

سلسه بدون تعقيدات

مبدع ياصالح

[جارح الكسر]

صح لسااااااانك

من طول الغيبات جايب الغنااااااااااااااااااااا اااااااااايم

ياصااالح والف مبرووووووووووووووووووووك

لزميلك

جارح

[سلمان الثوري]

صالح المرزوق,,,

صح لسانك

قصيده غاية في الروعه سلمت اناملك

تحياتي لك

[محمد نايف العتيبي]

.


صالح المرزوق


الله يعطيك العافيه ابيات جميله ورائعه ..



صح لسانك ولاهنت



دمت بخير



محمد بن نايف

[نياف العتيبي]

من طول الغيبات جاب الغنايم


الحمد لله على السلامه ياصالح


ويسلم راااسك رااائعه لاتستغرب منك


فالمتابع لحرفك يستشف ذلك


صح لسااانك

ولاهنتتتتتتت


النااايف

[أمل عبدالعزيز]

,
,
,
الأخ القدير والشاعر العذب صالح المرزوق:

أهلاً بك وبعودتك الجميلة
وعوداً حميداً إن شاء الله وأتمنى أن تبقى بالجوار على الدوام..


يابو محمد وين مثلـك الاقيـه
طيبك تعدى الكل بالكيف والكـم

لاقلت كلمة (لا) توصل لنا (ايه)
لاتسألون شلون , السر مبهـم

احب كل اللي يحبـون طاريـه
وافديهم بنفسي وروحي وبالـدم

.
.

صح قلبك وكلك على هذا الجمال والعذوبة
والتفاني والمحبّة الوفيّة
لله درّك ياصالح...

[أبوعبدالرحمن]

صالح المرزوق


صح قلبك وكلك


وسلمت اناملك


جزلة ومن شاعر جزل


تحيتي لك

[صالح المرزوق]

بسم الله ..

خــــالـــــد : هلا بالغالي وحياااك الله منور الصفحة يالذيب .. صح بدنك وماقصرت يابعد راسي


* * *

فيصل فرج العتيبي : حياك الله .. شرفني تواجدك وحضورك الرائع

لاعدمناك .. وماقصرت


* * *

جارح الكسر : حياك الله ,, صح بدنك .. ويعلم الله لك وحــــشــة ياجارح

شاكر لك هالمرور العَطِر يالغالي

.
.
.


صالح المرزوق

[صالح المرزوق]

بسم الله ..

سلمان الثوري : حياك الله ,, صح بدنك وسلم لي هالحضور الطيب


* * *

محمد نايف العتيبي : حياك الله .. كل الشكر لك على هالتواصل والاطلالة والتشريف ,, صح بدنك وما قصرت يالغالي


* * *

نياف العتيبي : صدقني يا نياف ,, مجرد قراءتك لي .. تشريف بحد ذاته

اشكر لك تواجدك واثراءك للموضوع .. من القلب شكرا


.
.
.


صالح المرزوق

[عبد الرحمن مازن العطاوي]

.
.


لاقلت كلمة (لا) توصل لنا (ايه)
لاتسألون شلون , السر مبهـم

احب كل اللي يحبـون طاريـه
وافديهم بنفسي وروحي وبالـدم


حضور وحرف وصداقه واضحه
صح لسانك ملاييين ولاهنت ياصالح
تحيتي لك

.
.

[مدغم أبوشيبه]

احب كل اللي يحبـون طاريـه
وافديهم بنفسي وروحي وبالـدم

واكره جميع انسان وده يعاديـه
والله لو بيـدي ابسقيـه علقـم

صح لسانك

[صالح المرزوق]

بسم الله ..

أمل عبدالعزيز : مجرد حضورك شرف ,, اشكر لك هذا التواصل الدائم

تواجدك اضافة كبيرة لي وللقصيدة .. شاكر لك هالاطلالة اختي أمل .. صح بدنك وما قصرتي


* * *

أبوعبدالرحمن : حياك الله استاذي .. صح بدنك يابو عبدالرحمن

وما قصرت وانا اخوك .. شاكر لك هالتواجد


* * *

عبد الرحمن مازن العطاوي : صح بدنك وقلبك وكلك .. ما قصرت على هالتواجد والحضور الرائع ..


* * *

مدغم أبوشيبه : صح بدنك اخوي مدغم .. ما قصرت يالغالي

شاكر لك حضورك وتواجدك


.
.
.


صالح المرزوق

[فايز ماجد]

احب كل اللي يحبـون طاريـه
وافديهم بنفسي وروحي وبالـدم


ياسلام ياصالح

والله يوفقك صديقك ويوفقك

ياهلا وغلا فيك

طال غيابك علينا يامبدع

ومانسمح لك ابد

صح لسانك ملايين

الله يعطيك العافية

تحياتي لك