قصيدة ( ظلم وتمادي )

[خالد الجعيدان السبيعي]

السلام عليكم
كيفكم جميعا ان شاء الله بخير
بحط بين يديكم الكريمة هذي القصيده اتمنى ان تحوز على اعجابكم
ولا تحرمونا الفايدة اذا كان فيه ملاحظات ولا هنتو يالوجيه الطيبة


لو جبتو من زين البشر فاتناتي
ما يفتنني عن وليف الفؤادي



اللي سكن بالقلب وبيت بياتي
ومو ميت الا مع الموت المنادي



ارياح حبي حولي هي عاصفاتي
تقلعني من وادي ليا شر وادي



واطلب نجاة الولف وما به نجاةِ
واشوف حولي الموت رايح وغادي



لو عارف ان الحب يدني المماتي
كان اجهله مثل الطفل بالمهادي



واتمنى لو هالحب رجل بالصفاتي
كان اقتله وارتاح من هالطرادي



بالامس انا ما كنت اعرف شكاةِ
بالحب وصرت اشكي واطلب ضمادي



ياللي سكنته امس جنة حياتي
واسكنتني نارك اليوم وقّادي



رجعني للجنة رجاي ما ماتي
باخر طريق العمر ارجي الودادي


أنوي لك الخيرات وتنوي لوفاتي
ما هوب هذا عدل ظلم وتمادي

وسلامتكم

بقلمـــــــــــــــــــــ ـــي

[عبدالله الدلبحي]

صح الله لسانكـ يا الذيب

صح الله قلبك


الله يعطيك العافيه يا المبدع كفو والله وإنشالله تحقق الي طموحك فيه


انتظر جديدكـ

تقبل حياتي بدل تحياتي اخوكـ عبدالله الدلبحي

[محمد بن ضاوي]

تسلم شاعر القلوب على هالنص


حقيقه القصيده بس يبي لها شوية تركيز من ناحية الوزن

لان معظم ابياتها موزونه


صح لسانك يالشاعر ولا هنت

[غلا أبوها]

صح لسانك ولاهنت أخوي

[خالد الجعيدان السبيعي]

صح الله بدنك وقلبك يالحبيب

وعافاك الله على هذا المرور المعطر والمشرف

لك خالص تقديري

[خالد الجعيدان السبيعي]

الله يسلمك اخوي مضاوي وصح بدنك

ومشكور على المرور المشرف بالتنويه

ما قصرت ولا هنت يالطيب

[خالد الجعيدان السبيعي]

صح بدنك اختي معلمه

مشكوره ولا هنتي على المرور الطيب

[ينابيع الأمل]

صح لسانك

كلماتك تدندن بهدوء تام

وحروفي تشكرك على كل حرف وسطر
سطرته لنا

ننتظرك ابداعك
القادم
لتسطره هنا