عبدالله الفهري
05-07-2008, 10:06 PM
السلام عليكم ورحمة الله وبركاته
مشاركة متواضعة آمل أن تحوز على شيئاً من رضاكم
يا هجوسي دام راسك كل تكوينه نعاره = ما علي من مايل الوقت الشقي لو زاد ميله
صاحبك صاحب مبادئ . حُر وانته له لشاره = وينجرح بطن الشعيب ان جار سيله في مسيله
ليه بعض المسرحيه . لِعب من خلف الستاره = ليه . ما لعبت على المكشوف وتبين الحصيله
وش بلاك تطيح تاره . وش بلاك تقوم تاره = كن لك في طبخة اهل المسرحيه زننجبيله
الخطا ما هو وسيله لو (ا)مبرره الإثاره = سود الله وجه غايات(ن) لها الزله وسيله
ويا ذكي لنْك ذكي ترا الذكا عكس الثواره = والذكي عقله لمنها احتاست اوضاعه دليله
يا ذكي لا قام نجم الليل يستنكر مداره = واصبحت كل العلاقه . حاك حيله . حِيك حيله
ويا ذكي لا ضاق صدر الرجل حتى من إزراره = وابعدت كل الأماني لين صارت مستحيله
ويا ذكي لاكفنوا باق النقا حي بإزاره = واجتمع فالمقبره مع الأمانه والفضيله
ويا ذكي لا صار يمنى الجود تحكمها يساره = ينقطع بين العرب نسل الجزاله والجزيله
ويا ذكي لما استوى مشي الجرز مع الخباره = تصبح الأخلاق تمشي بين خلق الله عليله
ويا ذكي لا صار حتى الحر ما يملك قراره = تستوي النفس الكريمه فالقدر مع الذليله
ويا ذكي لا صار سلب الناس رمز(ن) للشطاره = استوا راس الزمن في تالي أيامه وذيله
ويا ذكي لا صار ظلم الخلق عنوان الحضاره = من يفرق . بين بوش . وبين الأشرم فوق فيله
ويا ذكي لما اجتمع في الجيب مسواك وزقاره = إعرف ان الراس طق من القصيره والطويله
وإعرف ان الوقت بدل بالجهل باقي وقاره = وعز راع العقل . وارسل تهنئه يم الهبيله
وسلامتكم
عبدالله بن عايض الفهري
مشاركة متواضعة آمل أن تحوز على شيئاً من رضاكم
يا هجوسي دام راسك كل تكوينه نعاره = ما علي من مايل الوقت الشقي لو زاد ميله
صاحبك صاحب مبادئ . حُر وانته له لشاره = وينجرح بطن الشعيب ان جار سيله في مسيله
ليه بعض المسرحيه . لِعب من خلف الستاره = ليه . ما لعبت على المكشوف وتبين الحصيله
وش بلاك تطيح تاره . وش بلاك تقوم تاره = كن لك في طبخة اهل المسرحيه زننجبيله
الخطا ما هو وسيله لو (ا)مبرره الإثاره = سود الله وجه غايات(ن) لها الزله وسيله
ويا ذكي لنْك ذكي ترا الذكا عكس الثواره = والذكي عقله لمنها احتاست اوضاعه دليله
يا ذكي لا قام نجم الليل يستنكر مداره = واصبحت كل العلاقه . حاك حيله . حِيك حيله
ويا ذكي لا ضاق صدر الرجل حتى من إزراره = وابعدت كل الأماني لين صارت مستحيله
ويا ذكي لاكفنوا باق النقا حي بإزاره = واجتمع فالمقبره مع الأمانه والفضيله
ويا ذكي لا صار يمنى الجود تحكمها يساره = ينقطع بين العرب نسل الجزاله والجزيله
ويا ذكي لما استوى مشي الجرز مع الخباره = تصبح الأخلاق تمشي بين خلق الله عليله
ويا ذكي لا صار حتى الحر ما يملك قراره = تستوي النفس الكريمه فالقدر مع الذليله
ويا ذكي لا صار سلب الناس رمز(ن) للشطاره = استوا راس الزمن في تالي أيامه وذيله
ويا ذكي لا صار ظلم الخلق عنوان الحضاره = من يفرق . بين بوش . وبين الأشرم فوق فيله
ويا ذكي لما اجتمع في الجيب مسواك وزقاره = إعرف ان الراس طق من القصيره والطويله
وإعرف ان الوقت بدل بالجهل باقي وقاره = وعز راع العقل . وارسل تهنئه يم الهبيله
وسلامتكم
عبدالله بن عايض الفهري