لا صار لك صاحب زاهدٍ فيــــك

[مهنا صالح الدوسري]

لا ترتجي رجوةٍ من لا يرتجيــك
رجوتك تراهــا مثـــل الطــــرارة
لا صار لك صاحب زاهدٍ فيــــك
عده مثل السـراب ما به إبشاره
وجدك على اللي لا حل طاريـــك
يفز قلبـــــــه مثل الشـــــــــرارة
عدو عدوك صديق ما يشانيك
على ما بدالك وافيات أشبــــــاره
ياصالح أسمع الشور يوم أنــاديك
ما كل واحدٍ تأخذ بثــــــــــــــاره
أحدٍ لو ثوبه طويـل ما يغطيك
وأحدٍ لو قصــــر يفك لك إزراره
الله خلق وفرق بين أياديك
حــــذراك اللاش تنكوي بناره
لا جاورت السعد بالسعد يعديك
ولا غراب البين تنعاف ديــــاره

[بكرحسن]

صح لسانك يابن عمي قصيده رايعه

[مهنا صالح الدوسري]

شاكرا مرورك الكريم
تحياتي لك
وكل عام وانت بخير
بمناسبة شهر رمضان المبارك