المساعد الشخصي الرقمي

مشاهدة النسخة كاملة : (معــانــاة ) حصريا على غرابيل :)



فخر أهلها
01-07-2008, 04:08 PM
أسعد الله مساءكم بكل خير

هالقسم صراحه اعجبني بس الظاهر له سلبيات علي :)

يعني انا قبل اذا القصيده ماتكفي اكملها عشان النبطي الحين باهون واخليها على حالها يعني بتخرب علي الحماس :مزون:

يعطيكم العافيه على هالافكار والمجهود المبذول لتطوير المنتدى

عموما استكمالاً لما بدأه ابو عبدالرحمن احب اقدم لكم هالمتواضعه اللي اتمنى تنال رضاكم بس بعدها امنعو مشاركاتي هنا ولا معاد تلقوني بالنبطي ههههه

لكم فقط ( معاناه خاصه جداً )


خلو وزير التربيه يرحم البنت= اللي لها كم عام ترجي ضميره
عزّي لحالي كل ماجيت للنّت=أدور اسمي والاسامي كثيره
وليا قريته أصبحت حالتي زفت=كن المدن ضاقت بشبه الجزيره
اراجع الصفحة ومن خاطري شفت =اسم(ن)مثل اسمي قبيل الأخيره
قمت اتمعن به ومن عقبها عفت=درب(ن) على الديوان رجلي تسيره
ماعاد لي رغبه ولاشفّ مادمت=أشوف حرف (الواو) قايد مسيره


هذا الكلام طبعا يوم كان مشاوير للديوان وزحمه هالسنه الدنيا تطورت التقديم بالنت :)

تحياتي للجميع

مالكـ رجا
01-07-2008, 04:09 PM
الله يعطيكـ العافيهــ

يسلمووووووووو

على الموضوع الرائع

ماجد نصار
01-07-2008, 04:46 PM
امممم

الشاعره فخر أهلها
صح لسانك وإعتلى شانك
وكان الله في عونك أنتِ وكل من ينتظر التعيين
ومع الصبر والإحتساب يأتي الفرج والنور


القسم رائع وفكرته رائعه
وليس بالضروره أن القصيده التي ترفق هنا تترك
قد ياتي يوما ونزيد عليها او نأتي بمثلها او بأقل منها
أحيانا يكفي للتعبير عن مافي خاطرك( بيت او بيتين او حتى ثلاثه..)


ولعل هذه الخطوه تشجع على الإيجاز
لأن الشعر بوجهة نظري حديث موجز

محمد نايف العتيبي
01-07-2008, 05:44 PM
.


خلو وزير التربيه يرحـم البنـت
اللي لها كم عام ترجـي ضميـره
عزّي لحالي كـل ماجيـت للنّـت
أدور اسمـي والاسامـي كثيـره
وليا قريته أصبحت حالتـي زفـت
كن المدن ضاقت بشبه الجزيـره
اراجع الصفحة ومن خاطري شفت
اسم(ن)مثل اسمي قبيـل الأخيـره
قمت اتمعن به ومن عقبها عفـت
درب(ن) على الديوان رجلي تسيره
ماعاد لي رغبه ولاشفّ مادمـت
أشوف حرف (الواو) قايد مسيـره

<< احم احم يعرف يقتبس


فخر اهلها

الله الله

وترى هذي تقبل فالنبطي وانا بطلبك تزودينها بيتين وابي اشوفها فالنبطي ولا ترى نقلت ذي .

صــح لـســـاااااااانـــك مليوووون

ترى وزير التربيه جارنا هههههههه


دمتي بخير


محمد بن نايف

محمد بن ضاوي
01-07-2008, 06:13 PM
اراجع الصفحة ومن خاطري شفت
,,,,,,,,,,,, اسم(ن)مثل اسمي قبيـل الأخيـره


يافرحه ماتمت هههههههههههههههههههه



صح لسانك فخر وعسى الله يوفقك ويوظفك امين


ههههههههههه


ترى قسم اني ادعي لك من قلب

محمد نايف العتيبي
01-07-2008, 10:48 PM
8
8

والله من الصدز هههههه


فخر مثل ماقلت لك اذا ماكملتيها اليوم بكره بنقلها لنبطي .




يمكن وزير التربيه يدخل غرابيل ويقراها ويوضفك

ريمـآن
02-07-2008, 02:02 AM
فخر اهلها

صح لسانتس واعتلا شانتس

وفالي وفالتس التعيين ان شاءالله:)

ريمآن..}

فايز ماجد
03-07-2008, 05:08 AM
رااائعة يافخر أهلها قصيدة جميلة ومؤثرة بالفعل

الله يوفقك يارب

وصح لسانك

وتلحقين خير ان شاء الله وانا اخوك

تحيتي لك

مفرح بن مناحي
04-07-2008, 06:59 PM
الله الله يا فخر

صح لسانك

أجمل ما في الشعر أنه يعبر عن ما بداخلنا

أبدعتِ بصدق

سندهم
04-07-2008, 07:43 PM
صح إلسانك :يافخرإهلهاٌ

ولاهنتي بارك الله فيك

أبوعبدالرحمن
05-07-2008, 03:16 AM
صح لسانك يافخر

ابدعتي في شرح الموضوع وباختصار


تحيتي لكِ

غلا أبوها
06-07-2008, 02:35 AM
صح لسانك فخر أهلها


قصيده رائعه

إشراقـ أمل ـة
06-07-2008, 02:47 AM
فخر أهلها

قصيدة جميلة تسرد معاناتنا بالتعيين ..

مالنا إلا بند سد الشواغر إذا سمعتِ عنه ..

هذا اللي نبيه !!!!!

كعادتك مبدعة وصح لسااانك يالغلا ..

طراد
13-09-2008, 07:32 PM
صح لسانك شاعرتنا
قصيده تختصر المسافات وتعكس لنا هموم الخريجات
ابدعتي وامتعتي
هكذا يكون الشعر رساله وإلا فلا حاجة لنا به
كوني بخير

قيـس
13-10-2008, 05:57 PM
صح لسانك

سيدة الموقف
11-12-2008, 10:02 PM
والله انك ضربتي على الورتر الحسااااس
بس مالنا الا المدارس الخاصه ما يبيلها لا سفر ولا شحططه
مع ان رواتبها مو ذاك الزود بس قليل موجود خير من كثير مفقود
وبصراحه لازم نرسلها على بريد وزير التعليم لعل وعسى

ملاحظه
>>>>> بدينا شحاته
اخ محمد العتيبي لا تنسانا لو زاركم جاركم وزير التعليم >>>>> عندها امل