*·~-.¸¸,.-~* لـــغـــز غــــرابــيـــل*·~-.¸¸,.-~* (( 1 ))

[محمد نايف العتيبي]

بعد الـسلام ,,


اعزائي الغالين شعراء وشاعرات غرابيل , انتم من بصم على التميز وجعله عنوان ٍ له


صباح هذا اليوم اود ان اعرف واتمتع بجزالتكم وحسن تفكيركم بطرح ماهو مفيد لنا ولغيرنا

من افكار تواردت حول لـغـز الاسبوع :

بلا شك سيكون الحل بـ ابيات لا تزيد عن اربعه, موضح ٍ فيها الحل نفسه .



الــلــغــز :



ابنشد اصحاب العقول اللي تفيد وتستفيد=عن رجل يمشي وخلق الله وراه تعـدي
في كل يوم طالع ٍ للناس في ثوب ٍ جديد=ولاحد ٍ بجايز عنـه لـو صبـه ردي



ولا تدققون في وزن اللغز لان ليس من الضروري




ودمـتــم ســالــمــيــن


اخـوكـم /

محمد بن نايف

[نياف العتيبي]

هلا وغلا يابو نااااايف

سلمت يالذيب


وننتظر من يصفقه فوق خده من يمين


النايف

[مفرح بن مناحي]

محمد بن نايف

مشكور على الموضوع

وبحاول أحل اللغز إن شاء الله قبل يحله أحد قبلي

[احمد مناحي]

محمد بن نايف

هلا بك وغلا

شكرا لك على هذا الجهد الذي تقوم به وبيض الله وجهك على هذا التقديم الجميل .

سيكون لي حضور يليق ان شاءالله وساحاول في حل اللغز ..

اتمنى من الجميع التفاعل .

يااخوان ماهو شرط ان اللي يدخل لازم يحل ؟

يكفي فقط الدخول ولو من باب الاطلاع .

وفق الله الجميع

[فخر أهلها]

يعطيك العافيه محمد

مجهود تشكر عليه والله يقويك

انا الليله مافيني اصف كلام فصيح باجيبها على النيه :)

اول شي اللغز معجبني لاني حسيت انه سهل بس يبي له تركيز شوي

وان ازريت اركز فيه زبنت جدي محماس يمكن يفزع لي بالحل :)

بس انت شرطت محد ينقد وزن اللغز لاتجي بكرة النهار تقول فالحل ووزنه شي

موضوع شيق < عودنا للفصيح

اتوقع بيكون حماس شوي

تسلم محمد ويعطيك الف عافيه مره ثانيه

[محمد نايف العتيبي]

الأعضاء الذين شاهدوا الموضوع : 21
๑•ิ. روكسان ิ.•ั๑ , محمد الروقي , محمد نايف العتيبي , مفرح بن مناحي , النوري , اتعبني وفاي , ريمـآن , شاعرة نجد , فراج العتيبي , كل الود .


فيه اسماء كبيره وينها عن اللغز ماحلته .




تراه سهل يبي له شوي تركيز مثل ماقالت فخر اهلها

[النوري]

الله الله

الغاز ونشاط

ماشاءالله عليك


محمد نايف العتيبي

انا لي وقت ادور حول اللغز..واديور..؟

ولي رمعة من عدة رمعات مختلفات

طيب نسدح الحل هنيا..؟ والا نرسله..

والجايزة..

تراها مشاركة..وكل من مر كسب الفخر

لاعدمنا..هالإبداع الحصري

جاري حل اللغز...

[محمد نايف العتيبي]

الشاعره : النوري


لا الحل هنا مثل ماقلتي اسدحيه هنا


.


وبالتوفيق الدعوه مجرد تنشيط للذاكره من زمان عن الالغاز


.

[ريتشارد]

الحل : اليوم

[مفرح بن مناحي]

محمد

يمكن يكون الحل / الرزق

[محمد نايف العتيبي]

.

مفرح بن مناحي


بيض الله وجهك

والحل مثل ماقلت هو ( الـرزق ).


بس انا نوهت يكون الحل في ابيات لكن مدام حليته عفينا عنك هههههه



وكل الشكر للي مروا واللي شاهدوا الموضوع ولا شاركوا



وعلى الخير نلتقي الى لـغز اخـــر .

[مفرح بن مناحي]

أبو نايف

من كثر التفكير في الحل نسيت الشرط حق الأبيات

لكن استلم الأبيات



الحل يا محمد ولد نايف حسب رايي أكيد=( الرزق ) في كف الردي .. و( الرزق ) في كف اجودي
رزقي وزرقك وإن نقص بإذن الولي إنّه يزيد=تلقاه مرة في يدك وألقاه مرة في يدي

وأشكرك على مرة ثانية على موضوعك

[فايز ماجد]

ههههههههههههههه

انا اعرف الحل بس متعيجز ارد بابيات

<<<<<< عاش مصرف

الحقيقة ان ابومناحي ابدع بالحل والابيات الاكثر من رائعة بالفعل

تسلم يمينك يامحمد بن نايف على هالجهد المميز

والجميل

والموضوع الرائع

وبانتظار اللغز الجديد

تحياتي لك