المساعد الشخصي الرقمي

مشاهدة النسخة كاملة : مكتبة جريــر


فراج العتيبي
23-06-2008, 06:35 PM
السلام عليكم

الشاعر / محمد بن نايف له شهر واكثر ممتحني عند القصيّده ذي يباني اشارك بهاومالي الا اجيبها وافك عمري ههه

تقبلوها كما هي..




ياهجوس الشعر صدفه بلا سابق وعد = جابته واللي على البال والله ماصعبه
شرق من كرنيش جده شمال من البلد = على حجاج العين الايمن نشوف المكتبه
وقتها محدود وضروفها ماتستجد = قلتها والعلم هذا تراني مقطبه
نظرته منها خذيت الكلام المعتمد = في ضروفٍ تستبيح القلوب المذهبه
عرضتني للمتاهات ودروب الجهد = مير لامنه دنى الموت معروف سببه
القلوب صخاف والموت الاحمر يجتلد = ولو يخم الرجل في ضرف ساعه قالبه
أقبلت ماكنها الا تباشير السعد = في مثل لمح البصر والضروف مهيبه
فتنة العشاق تقصر خطاها بالعمد= كنها تقطف زهور الفياض المعشبه
كل مافيها على بعض ماهو متحد = ناحاله في حال ولا في حال مدبدبه
والله إن البيض في جنبها كمالة عدد = احسب اللي تحسبه واشطب اللي تشطبه
وبينما هالسوق يكتض بالناس وحشد= إعترضها من ورى ال(sidè) ملعون إرقبه
قصده يرقم وقالت له إستح ياولد = وهو حساب البنت فالسوق ماهو ضاربه
ورعٍ اشوفه من اليوم يرثع ويهبد = قصته مدري وشنهي 00 وحالق شاربه
المهم إني على الخط الاول مستعد=ولا التفت الا وانا مع زراره قاضبه
ودنت الهوشه ولاعاد فيها وش بعد=عقب ماشلته سما واستوى لي قلتبه
وقمت فجاءه من منامي ولاحولي احد = توووي اصحى من حلوم الليال المرعبه
قمت أردد بيني وبين نفسي ياولد = مكتبة جرير ليست مجرد مكتبه

وسلامتكم
النوري
23-06-2008, 06:50 PM
قمت أردد بينـي وبيـن نفسـي ياولـد
مكتبـة جريـر ليسـت مجـرد مكتبـه


فراج العتيبي

الله عليك..

والله دعايه لجرير بمليووون

ابيات جميلة ..ومعاني راقيه..

بيض الله وجهكـ
أبوعبدالرحمن
23-06-2008, 10:14 PM
ذهي احلى دعاية للمكتبه يافراج


صح قلبك وكلك يالغالي

استاذ ومبدع دوما

تحيتي لك
مفرح بن مناحي
23-06-2008, 11:16 PM
صح لسانك يا فراج

بانتظار جديدك
][ سما الدوحه ][
23-06-2008, 11:21 PM
جرير ليست مجرد مكتبه


صح الله لسانك..


وفالك التوفيق..


سما
فهده
23-06-2008, 11:31 PM
فراج

دعايه ولا اروع

صح لسانك


سلام..
يوسف عبدالله الغنامي
24-06-2008, 01:37 AM
الله يبيض وجه محمد بن نايف يومنه أشغلك لين نزلت لنا هالقصيده ويبيض وجهك أنت على روعة هالقصيده



صح لسانك وعلا شانك


أبدعت يافراج وأمتعت


بس لاتنسى تاخذ حق الدعايه من مكتبة جرير ههههه
عزام العزيزي
24-06-2008, 02:08 AM
قمـت أردد بينـي وبيـن نفسـي ياولـد
مكتبـة جريـر ليسـت مجـرد مكتـبـه



ابداع بجد ابداع تعيش جووو مع القصيده ،،،،،،،،، بس حقوق الاعلان لاتنسانا منهااااااااااااااااااا مكتبة جرير ليست مجرد مكتبة
(( الثريا ))
24-06-2008, 02:21 AM
الشاعر فراج العتيبي

صــــــــــح عقلك قصيده جـــــــــــــــزله
بصراحه الشـــاعر محمدبن نايف يحقله
قصيد رائعه من شاعر مبدع

(( الثريا ))
فايز ماجد
24-06-2008, 02:54 AM
فتنـة العشـاق تقصـر خطاهـا بالعمـد
كنها تقطـف زهـور الفيـاض المعشبـه
كل مافيها علـى بعـض ماهـو متحـد
ناحاله في حـال ولا فـي حـال مدبدبـه
والله إن البيض في جنبهـا كمالـة عـدد
احسب اللي تحسبه واشطب اللي تشطبـه


.............................



الله الله الله الله يافراج

وش اقول ووش اخلي

مبدع ماشاء الله وماينلام ابونايف عز الله هههههههه

الا اقول لك
ليه جرير والعبيكان وش ذنبها ههههههههههههه

عموما

صح لسانك ملايين يالغالي

الله يعطيك العافية

تحيتي لك
محمد بن ضاوي
24-06-2008, 04:50 AM
8
8
8

العبيكان ماتذكرني الا بالمشاكل ههههههههههههههه هذا هو ذنبها هههههههههههههههه





وقتهـا محـدود وضروفهـا ماتستـجـد
,,,,,,,,,,,,,,,قلتهـا والعلـم هـذا ترانـي مقطـبـه

هههههههه والله ودنا انك استرسلت يافراج ههههههه


الف صح لسانك ولا هنت
فخر أهلها
24-06-2008, 11:23 AM
فراج


الحين مندمجه مع القصيده وسويت منها مسلسل احتري النهايه وفالاخير يطلع حلم :)

ودعايه لجرير بعد هههه

الله لايلوم محمد يوم نشب لك

ورعٍ اشوفه مـن اليـوم يرثـع ويهبـد
قصته مدري وشنهي 00 وحالق شاربـه
المهم إنـي علـى الخـط الاول مستعـد
ولا التفـت الا وانـا مـع زراره قاضبـه
ودنت الهوشه ولاعـاد فيهـا وش بعـد
عقب ماشلته سما واستـوى لـي قلتبـه

^^^

اعجبني كثير هالمشهد :)

للامانه تستحق القراءه والمتابعه

صح لسانك مدد بلا عدد ويالله تسدك

لك اطيب تحيه
صالح الروقي
24-06-2008, 11:58 AM
ياسلام عليك يافرااااااااج

هندسه شعريه رائعه

صح قلبك وكلك

عدد من زار مكتبة جرير
تحياتي
محمد فضي الشمري
24-06-2008, 12:32 PM
فراج

ابداع وإمتاع

صح قلبك وكلك يا الغالي

تحيه عطره

محمد
احمد مناحي
24-06-2008, 12:58 PM
فراج العتيبي

هلا بك وغلا

صح لسانك الى رضاك

جزله وعذبه وطريفه بذات الوقت ..

اعتدنا منك كل جميل ....

تطربني قصائدك ويعجبني اسلوبك ..

شاعر رائع الله لايضرك

تقبل مروري
أحب ديرتي
24-06-2008, 01:07 PM
ابيات جميلة ..ومعاني راقيه..

بيض الله وجهكـ

تحياتي لك
فراج العتيبي
24-06-2008, 06:03 PM
النوري


صح بدنك ولاهنتي


اخوك
فراج العتيبي
24-06-2008, 06:11 PM
ابو عبد الرحمن

بيض الله وجهك وصح بدنك ولاهنت


تحياتي لك
محمد نايف العتيبي
25-06-2008, 03:07 AM
.

فتنـة العشـاق تقصـر خطاهـا بالعمـد
كنها تقطـف زهـور الفيـاض المعشبـه
كل مافيها علـى بعـض ماهـو متحـد
ناحاله في حـال ولا فـي حـال مدبدبـه
والله إن البيض في جنبهـا كمالـة عـدد
احسب اللي تحسبه واشطب اللي تشطبـه

الله الله يافراج وتلومني يوم اطلبك هالقصيده فديت خشيمك ههههههههه

.

وبينما هالسوق يكتض بالنـاس وحشـد
إعترضها من ورى ال(sidè) ملعون إرقبه
قصده يرقـم وقالـت لـه إستـح ياولـد
وهو حساب البنت فالسوق ماهو ضاربـه
ورعٍ اشوفه مـن اليـوم يرثـع ويهبـد
قصته مدري وشنهي 00 وحالق شاربـه
المهم إنـي علـى الخـط الاول مستعـد
ولا التفـت الا وانـا مـع زراره قاضبـه
ودنت الهوشه ولاعـاد فيهـا وش بعـد
عقب ماشلته سما واستـوى لـي قلتبـه

اثرك مانت بهين ياولد ههههههههههه عساك رقمتها بدال الورع ههههههههههه


فراج

انت تعرف رائي وفي ذمتي ان قصيدك انت لحاله له طعم خاص فالجزاله


صح لسانك مليوووووووووون ويالربع ترى عنده واجد مثل هاذي واطيب



لاهنت يالغالي ويعطيك العافيه



دمت بخير



محمد بن نايف
فراج العتيبي
25-06-2008, 02:11 PM
سما الدوحه


حياك الله
أحمد السكران
25-06-2008, 02:29 PM
صح لسانك يالعتيبي
والحمدلله انه امتحنك على شان نشوف هالرائعة
فراج العتيبي
26-06-2008, 02:31 AM
مفرح بن مناحي


بيض الله وجهك وصح بدنك ولاهنت


اخوك
عبدالعزيز بن سعيد البحيري
26-06-2008, 06:46 AM
هههههههههه

اقسم انك مبدع

لافض فوووووووووووك
فراج العتيبي
26-06-2008, 02:46 PM
بنت برقا



حياك الله
فراج العتيبي
26-06-2008, 04:55 PM
يوسف العتيبي


بيض الله وجهك وصح بدنك ولاهنت


اخوك
صهيل الصمت
26-06-2008, 06:13 PM
http://www.3z.cc/sml/30/003.gif

هههههه يافراج


جميـــلة


ُدم بخير
فراج العتيبي
27-06-2008, 05:38 PM
عزام العزيزي

حضورك زاد المتصفح نور


صح بدنك ولاهنت



اخوك
محمد الروقي
27-06-2008, 07:04 PM
يافراج

ماعندك مستودع ؟ جايك بتريلاتي

نصهاا محملة(ن) صح لساااااانك والبايقي


ود وورد


مروري وشرطتي وعجابي

ومتابعتي مدام فيها هالمثل من الجزاله
فلاح المورقي
28-06-2008, 06:26 AM
فراج العتيبي


جزل وبيض الله وجهك
صح لسانك ولاهنت


تقبل تقديري