المساعد الشخصي الرقمي

مشاهدة النسخة كاملة : الزين لابلندن ولاهو بلبنان = وسط السعوديه مدينه .. مدينه !


محمد الجبريني
18-06-2008, 09:04 PM
مساء الخير
ابيات كتبتها

قبل قليل

استلموها للتواصل
والمعذرره على
الاخطاء
والتقصير.

واللي يرى خطاء املائي ويقدر يعدله اكون
شاكر
له ومقدر
ولاهنتم جميع




الزين شفته بين مكه وعسفان =متشامل(ن) يسلك طريق المدينه
سيارة المزيون جمسٍ .. سووووبرمان =ارربع ميه لاشك حجم المكينه
روح وهملني وانا ابيه يافلان =وانا على موتر سبوقٍ ذا زينه
مشية طبلونه وربي على شان = اشوف من سلم علي بيمينه
لان.. يده تبرق اشكال والوان =واللي.. اجن.. منها.. تبسم جبينه
كنه. . يوم انه سلم ايقول عجبان = وانا بغيت اروح لجله عجينه
قسم بربي دخة من ضحك الاسنان=والزين يلعبي برمشه وعينه
والخط زحمه جداً وبعد تعبان =وصيانت الخط أصل(ن) ام هملينه
ذاك الطريق الخطر والناس غشمان=واقيادة(ن) قشراء وقلة فطينه
هونت والسرعه ياخي ماهي اجنان=وفعل الحوادث يالمجنن مشينه
معاد انا طارد ولاني بولهان =ولاني بخاين والخيانه لعينه
والله لو ماني على بنز صنيان =لادست له يسبح سواة السفينه
مرسدسي اللي فيه ماني ببلشان =شركته اللي لي.. هم ظامنينه
لازدة له يطربك لو كنت غضبان =وايسلي اصدور اللذي راكبينه
اني مديني ملتطم لي بظلعان=ورايح بسبتهم عدام ودشينه
ماهو بتايوتا.. ولاهو.. بنيسان =كل البشر تشهد له وخابرينه
ولاهو بصنعة كوريا والمريكان =اللي على ماقالو ام لفقينه
والله ماركب غير تصميم اللمان =بلى..s ..s.. وفررة .. بلى ..لومينه
حتى ليامن ثار فالراس شيطان=ماموت من بنشر كذيه غبينه
بس البلى ان الزين لامر له شان =وأيفززز له قلبي لياشاف زينه
اضرم سواة اللي على التتن ضرمان=واكتب لياشفته بيوة(ن) ثمينه
وان كان ماشفت احد سبحان سبحان =ماكتب بشعري لو.. بيتين زينه
الشعر صدق أشعور وافكار وأشجان=والزين تفاحه وخوخه وتينه
وانا ماعرف أكتب لين اشوف غزلان=وان شفت شي افكار شعري فطينه
والا ماني والله عاشق على شان =فعل الردى والا الأمور المهينه
مستور حال.. واب.. واعول بزران=ونفسي عن ادروب الخماعه حصينه
والزين ماهو فالصور والا الابدان =الزين هو طيب الاقلوب الامينه
دين, وسمو أخلاق, وحفظ , قران=وتواضع,(ن), لله, وثقل, ورزينه
هاذي ترى شيهانة(ن) بنت شيهان=وهاذي هي الزينه وهذاالحسينه
وبنت الجبان اتجيك شرواه جبان =واتجيك خوانه وزفته واشينه
والزين لو شانت حلاياه ماشان = والشين لو زانت وصوفه ياشينه
الزين, لابلندن, ولاهو, بلبنان=,وسط السعوديه مدينه .. مدينه
متوفر اللولو, واموجود, مرجان=واهل الكرم والجود هم مالكينه
ماهو كما اللي شكلهن كله اعفان=الله يكرمكم سواة الكبينه
لاكن بعض الناس فالجهل غرقان =وانا ترى الغرقان ديني ودينه
وانا مغير احيان واحيان واحيان=لاشفت شعار الشعر مرخصينه
اثور من شعري ثوران بركان =واسطر ابيات القصيد السمينه
ومدامت اني شاعروعندي السان=ارطن بشعري لين يظهر رطينه
وختامها يالله لنا ديم الامان=واحفظ لنا ابو متعب ونايبينه


وسلامتكم


وشكراً لشاعر السميري والشاعر عواض المالكي على ردكم امس في القصيده التي انحذفت



مانسيهم جاء بيرد اليوم مالقي القصيده
علي عشوي العنزي
18-06-2008, 09:33 PM
مساء الورد اخوي محمد وصح لسانك ملايين حقيقة قصيدة رائعة وجزلة بماتحمله معاني الكلام قصيدة عشت معاها بيت بيت لم استطع اترك منها بيت لم اقرأه بس في خطأ املاءي بسيط في البيت قسم بربي دخة(دخت)مش تاء مربوطة تاء مفتوحة والعكس في كلمة صيانت الخط (صيانة) وكلمة مدامت اني (ومادمت اني شاعر) معليش تحمل ملاحظاتي صرت عليك كأني مدرس املاء وبيض الله وجهك على هالقصيدة الطيبة تقبل مروري
محمد الروقي
18-06-2008, 09:55 PM
الـزيـن شفـتـه بـيـن مـكــه وعـسـفـان
متشـامـل(ن) يسـلـك طـريـق المـديـنـه

شكلك جاين مع الخط القديم

الي يجي من يم مدركه وشمنصير

ههه وصح لساااانك الى رضاااك تقبل المرور
علي عبدالرحمن الأسمري
18-06-2008, 09:58 PM
صح لسانك ياغالي
وتسلم يمناك
دمت بالف خير
تحيااااااااتي و احتراااامي
سندهم
18-06-2008, 10:01 PM
مستـور حـال.. واب.. واعــول بــزران
ونفسـي عـن ادروب الخماعـه حصينـه

يابعدي ياعم :محمد الجبريني

على هالقصيدة صح إلسانك

والله يخليك لبزرانك

تساهل والله حُبة رأس ::برافو برافو::برافو برافو::برافو برافو::برافو برافو::برافو برافو::برافو برافو::برافو برافو::برافو برافو::برافو برافو::برافو برافو::برافو برافو::برافو برافو::برافو
محمد الجبريني
18-06-2008, 10:20 PM
مساء الورد اخوي محمد وصح لسانك ملايين حقيقة قصيدة رائعة وجزلة بماتحمله معاني الكلام قصيدة عشت معاها بيت بيت لم استطع اترك منها بيت لم اقرأه بس في خطأ املاءي بسيط في البيت قسم بربي دخة(دخت)مش تاء مربوطة تاء مفتوحة والعكس في كلمة صيانت الخط (صيانة) وكلمة مدامت اني (ومادمت اني شاعر) معليش تحمل ملاحظاتي صرت عليك كأني مدرس املاء وبيض الله وجهك على هالقصيدة الطيبة تقبل مروري

اخوي على عشيوي العنزي مساء الود والاحتراام
(املاءي )ماش ولا بد والكلمه اللي بين قوسين ناصخها وملصقها من عندك ولا ما كل ساع اجيبها لاهنت
ههههههههه

وصح اخووي ابدنك وكلك ولاهنت اكبر شرف مرورك يالذيب والملاحضاات الي نبهتني لها واشرة لها انشالله يعدلونها الذيابه اللي مثلك وشرواك انا عندي مشكلة التا هذي المفتوحه والمربوطه ياخوي فككت مخي اجيها منا تطلع منا اعودلها من تعودلي مناااك ههههههههه شكلي معاد انا جايب قصيده فيها تا مربوطه ولا تا مفتوحه وبيظ الله وجهك تقبل فااائق مودتي وتقديرررري
محمد الجبريني
18-06-2008, 10:45 PM
الـزيـن شفـتـه بـيـن مـكــه وعـسـفـان
متشـامـل(ن) يسـلـك طـريـق المـديـنـه

شكلك جاين مع الخط القديم

الي يجي من يم مدركه وشمنصير

ههه وصح لساااانك الى رضاااك تقبل المرور

هههههههههههه

ماشالله عليك ملم بالطرق وتدل جيد
اَ لاهنت ياخوك اظنه لاسلم ولا دري يمكن ينزل الشماسه تغطيه عن الشمس بس اخوك يدور عذر ويدخل به في مجال الغزل بس المشكله ازريت والله صدق الحق ذاك الموتر وهو قديم تحت اللفينات والزين راكب ورى ماعندة شماسه والمشكله بعد ان اللي معي موتر اخوي والفين وسبعه وحجم 600من الشرقيه الى مكه حول خمس ساعات جبتها وانا ممشي نص طبلونه
لو انه خردتي ماشرهت عليه


ويوم ذاك الموتر شخفه قدامي ازريت اثبت واين درربه وايغيت اتربق لي بكم شايب من اصحاب الهلكسات المنتهي تاريخها
في عصر الاتراك هههههههههه وراع الجمس ياقربه من الصوره فى توقيعك


وشكله سارح لمدرسه ومتأخر لني على وقت دوام المدارس انا يوم اطرده يولد هووو يجي عليه انه انت ههههههه

صح صح بدنك يابو روق ولاهنت
وتقبل فاائق تقديرري والله يطول عمرك
ويحفظك
محمد الجبريني
18-06-2008, 10:50 PM
صح لسانك ياغالي
وتسلم يمناك
دمت بالف خير
تحيااااااااتي و احتراااامي


استاذي الغالي
الشاعر على عبدالرحمن الاسمري صح بدنك
وقلبك وكلك ولاهنت على مرورك تقبل تقديري
واحتراامي
محمد الجبريني
18-06-2008, 11:06 PM
يابعدي ياعم :محمد الجبريني

على هالقصيدة صح إلسانك

والله يخليك لبزرانك

تساهل والله حُبة رأس ::برافو برافو::برافو برافو::برافو برافو::برافو برافو::برافو برافو::برافو برافو::برافو برافو::برافو برافو::برافو برافو::برافو برافو::برافو برافو::برافو برافو::برافو


ياغربول اصلي
متأكد انت . ؟ ههههه انك اصلي اصلي ياباني , ولا مريكي
ماتخبر لي غربول تجاري ولا غربوله تجاريه للبيع الأصلي مافينا شده عليه يابه غالي هههههه ان عينت صيني عطي خير



ولاهنت والله
يالغربول الاصلي صح بدنك وقلبك وكلك وابيض الله وجهك والمعذرره على التطاول عليك في
المداعبات والمرح تقبل فااائق تقديررري
واحترااامي بلا حدوود
ابراهيم صبحي العضيله
19-06-2008, 12:26 AM
صــــــــــح لســـــــانك

يعطيك العافيه
أبوعبدالرحمن
19-06-2008, 01:23 AM
وش هالزين يا محمد


قصيدة وصورة مرة وحده


رفقا بنا


وصح قلبك وكلك يالغالي


تحيتي لك
السُّلمي
19-06-2008, 02:28 AM
هـاذي تـرى شيهانـة(ن) بنـت شيهـان
وهــاذي هـــي الـزيـنـه وهذاالحسـيـنـه
وبنـت الجبـان اتجـيـك شــرواه جـبـان
واتـجـيـك خـوانــه وزفــتــه واشـيـنــه
والـزيـن لــو شـانـت حـلايـاه مـاشــان
والشيـن لــو زانــت وصـوفـه ياشيـنـه
الـزيــن, لابـلـنـدن, ولاهـــو, بلـبـنـان
,وســط السـعـوديـه مـديـنـه .. مـديـنـه
متـوفـر اللـولـو, وامـوجـود, مـرجــان
واهــل الـكـرم والـجــود هـــم مالكـيـنـه


الفاضل : محمد الجبريني

صح لسانك ولاهنت على الرائعة

بس ليه زعلت علينا أهل لبنان ؟

يسلم رأسك يا الجبريني ولاهنت

دامت بك الخيرات

أخوك السُّلمي
أمل عبدالعزيز
19-06-2008, 10:38 AM
,
,

الشاعر قوي الشكيمة ( محمد الجبريني ) :
منّك لله يامحمد ..
هذي قصيدة ولا معلّقة
ماشاء الله عليك والله لايضرك ..
ماخليت شيء ماحكيت عنه بهالنص
من الخط للبلدية للشيهانة للسيارات للحوادث للحياة وتعبها للدين للشعر
يعني أنا بسميك المحيط والأطلسي بعد
عارف محمد
أنت تشيلنا من ديرة لديرة بنصك الجميل هذا
الواحد مرة يلقى نفسه بخط عسفان , فجأة وإلا هو في برلين ثواني وإلا بلبنان
روح ياشيخ منّك لله يامعذبهم
وصح قلبك وكلك وعلى قولة بن راجس ( كلش ملش )
ونتوق لجديدك يامجننهم أنت ...
احمد مناحي
19-06-2008, 12:07 PM
محمد الجبريني

هلا بك وغلا

صح لسانك الى رضاك

اعتدنا منك الجزاله والفنا منك العذوبه وخفة الظل .

لحضورك نكهة خاصه تميزه دائما ..

راقت لي وقريتها اكثر من مره لجمالها وطلاقة شاعرها ...

شاعر رائع الله لايضرك

تقبل مروري
سندهم
19-06-2008, 03:21 PM
ياغربول اصلي
متأكد انت . ؟ ههههه انك اصلي اصلي ياباني , ولا مريكي
ماتخبر لي غربول تجاري ولا غربوله تجاريه للبيع الأصلي مافينا شده عليه يابه غالي هههههه ان عينت صيني عطي خير

ولاهنت والله
يالغربول الاصلي صح بدنك وقلبك وكلك وابيض الله وجهك والمعذرره على التطاول عليك في
المداعبات والمرح تقبل فااائق تقديررري
واحترااامي بلا حدوود
_______________________________________

ههههههههههههههه
ماعندي إلا حلالك :يامحمد الجبريني

غربولي أصلي : ولإ تجاري (تقليد )خخخخخخخخخخخخخخخخ:مزون:

بس علأمة الجودة :ملزقه على (جبهتي ): :قلب:هههههههه:


ولاهنت والله
يالغربول الاصلي صح بدنك وقلبك وكلك وابيض الله وجهك والمعذرره على التطاول عليك في
المداعبات والمرح تقبل فااائق تقديررري
واحترااامي بلا حدوود
الله يخليك ياخوي: محمد الجبريني

وصح لسانك مرة اُخرى

ولا تطاول ولا شي ولاهنت وجعل قلبك :خضر .:مزون:

وسلامي لك::huglove:
مدغم أبوشيبه
19-06-2008, 06:05 PM
الـزيـن شفـتـه بـيـن مـكــه وعـسـفـان
متشـامـل(ن) يسـلـك طـريـق المـديـنـه
سيارة المزيون جمسٍ .. سووووبرمان
ارربــع مـيـه لاشـــك حـجــم المكـيـنـه

هذا حب محطات البنزين الله يكفينا شره

والزيـن مـاهـو فالـصـور والا الابــدان
الـزيـن هــو طـيـب الاقـلـوب الامـيـنـه
ديـن, وسمـو أخـلاق, وحـفـظ , قــران
وتـواضـع,(ن), لله, وثـقـل, ورزيـنــه


هذي كلها عرفتها في المحطه
منت بسيط يالجبريني


وانا ماعرف أكتب لين اشـوف غـزلان
وان شفـت شـي افكـار شعـري فطيـنـه
والا مـانـي والله عـاشـق عـلـى شـــان
فـعــل الـــردى والا الأمـــور المهـيـنـه

قول وفعل
صح لسانك
احمدالعارضي
19-06-2008, 06:34 PM
محمد الجبريني
صح لساااااااااانك من الحين الى يوم الدين
ماخليت شي يامحمد
وصف دقيق وقصه دخلنا في جوها
لله درك من شاعر يجبرني دائما على الوقوف احتراما له ولقصيدته
وشهادتي فيك تعرفها يالذيب
تقبل مروري المتواضع
تحياتي وتقديري لك
محمد الجبريني
20-06-2008, 12:22 AM
صــــــــــح لســـــــانك

يعطيك العافيه

اخوي الشاعر ابراهيم صبحي العظيله
صح بدنك وقلبك وكلك ولاهنت اخوووي
تقبل جزيل شكري وفائق مودتي وتقديري
محمد الجبريني
20-06-2008, 10:02 AM
وش هالزين يا محمد


قصيدة وصورة مرة وحده


رفقا بنا


وصح قلبك وكلك يالغالي


تحيتي لك

اخوي
ابو عبدالرحمن
سعد الروووقي صح
بدنك وقلبك وكلك ولاهنت تقبل مودتي واحترااامي
صهيل الصمت
20-06-2008, 10:08 AM
http://www.3z.cc/sml/30/003.gif

محمد الجبريني


صح لسانك وقلبك ملايين



دمت بخير
محمد الجبريني
21-06-2008, 04:50 AM
الفاضل : محمد الجبريني

صح لسانك ولاهنت على الرائعة

بس ليه زعلت علينا أهل لبنان ؟

يسلم رأسك يا الجبريني ولاهنت

دامت بك الخيرات

أخوك السُّلمي


اخوي السلمي
صح بدنك وقلبك وكلك
ولاهنت تقبل جزيل شكررري واحتراامي
على مرورك وفااائق مودتي وتقديرررررررري

ومازعلت لبنان ولا شي بس انت يتوارالك
ليه خاطب من لبنان يالأخو انت هههههههه
ومعدين احنا اللي زعلانين عليه ليه مايتعامل بالريال السعودي ليش يتعامل بالدولار غالي الدولار الله يطرح سوقه
ودمة بود
اخووووك
القبريني
محمد الجبريني
21-06-2008, 05:18 AM
,
,

الشاعر قوي الشكيمة ( محمد الجبريني ) :
منّك لله يامحمد ..
هذي قصيدة ولا معلّقة
ماشاء الله عليك والله لايضرك ..
ماخليت شيء ماحكيت عنه بهالنص
من الخط للبلدية للشيهانة للسيارات للحوادث للحياة وتعبها للدين للشعر
يعني أنا بسميك المحيط والأطلسي بعد
عارف محمد
أنت تشيلنا من ديرة لديرة بنصك الجميل هذا
الواحد مرة يلقى نفسه بخط عسفان , فجأة وإلا هو في برلين ثواني وإلا بلبنان
روح ياشيخ منّك لله يامعذبهم
وصح قلبك وكلك وعلى قولة بن راجس ( كلش ملش )
ونتوق لجديدك يامجننهم أنت ...



اختي الفاضله الشاعره أمل بنت عبد العزيز
صح أبدنك وكلك ولاهنتي على مرورك العذب يا اعذب شاعره في غرابيل
تقبلي فاائق تقديرري
,
,

الشاعر قوي الشكيمة ( محمد الجبريني ) :

يعني أنا بسميك المحيط والأطلسي بعد
عارف محمد
أنت تشيلنا من ديرة لديرة بنصك الجميل هذا
...


شكر لك على التسميه ياالطيبه


ياخي انا سمية نفسي قبلك بهاذ الاسم ههههههههههه وماهو بسم جديد علي ترااه دووري غيررره بسررررعه هههههه
ياالطيبه

والدليل على ذالك عند ماقلت
انا بحر ياهل سمعتو بحر جف
,,,,,,,,,,,, مايجف الأطلس والمحيط الشمالي
اليا بغيت الجززل منه اتقطف
,,,,,,,,,,,, احلى من السكر وتمر الهلالي
ولاهنتي على تأكيد الاسم تقبلي فاائق احتراامي
محمد الجبريني
21-06-2008, 05:28 AM
محمد الجبريني

هلا بك وغلا

صح لسانك الى رضاك

اعتدنا منك الجزاله والفنا منك العذوبه وخفة الظل .

لحضورك نكهة خاصه تميزه دائما ..

راقت لي وقريتها اكثر من مره لجمالها وطلاقة شاعرها ...

شاعر رائع الله لايضرك

تقبل مروري

اخي واستاذي
الشاعر/احمد مناحي الشمري
صح بدنك وشكراً على مرورك وقرئتك
لأبياتي شرف ومكسب طال عمرك لاهنت تقبل تقديرري
السُّلمي
21-06-2008, 05:23 PM
اخوي السلمي
صح بدنك وقلبك وكلك
ولاهنت تقبل جزيل شكررري واحتراامي
على مرورك وفااائق مودتي وتقديرررررررري

[color=#ff0000]

[size=6][quote]ومازعلت لبنان ولا شي بس انت يتوارالك
ليه خاطب من لبنان يالأخو انت هههههههه

هههههههههه ليه يا محمد ماهم ناس مثلي مثلك
تصدق يامحمد ياهي قوية بس .


ومعدين احنا اللي زعلانين عليه ليه مايتعامل بالريال السعودي ليش يتعامل بالدولار غالي الدولار الله يطرح سوقه

الناس مقامات يا محمد قال الريال السعودي قال

ودمت بود
اخووووك
القبريني
يعطيك العافية يا محمد

ودمت بالخيرات

أخوك السُّلمي
ضيف الله السميري
21-06-2008, 07:44 PM
صح لسانك ياشاعرنا


ابي اروح ادور على خط المدينه الحين هههههههههه


صح لسانك يالذيب
مفرح بن مناحي
21-06-2008, 09:21 PM
صح لسانك يا محمد

راااائع

وبانتظار جديدك
حزن النوايف
22-06-2008, 01:52 AM
الله الله الله عليك ياااااااامحمد ماشاء الله

وانا ماعرف أكتب ليـن اشـوف غـزلان
وان شفـت شـي افـكـار شـعـري فطيـنـه
والا مـانـي والله عـاشـق عـلــى شـــان
فـعــل الـــردى والا الأمــــور المـهـيـنـه
مستـور حـال.. واب.. واعــول بــزران
ونفسـي عـن ادروب الخماعـه حصيـنـه

بيض الله وجهك وحمى الله قبيلة انت منها
هذا الشعر ولا بلاش

مشكور لك وافر التقدير والتصفيق والتشجيع مني يا محمد
واتمنى ان ارى لك الكثير
لك تحياتي
محمد الجبريني
22-06-2008, 08:25 AM
_______________________________________

ههههههههههههههه
ماعندي إلا حلالك :يامحمد الجبريني

غربولي أصلي : ولإ تجاري (تقليد )خخخخخخخخخخخخخخخخ:مزون:

بس علأمة الجودة :ملزقه على (جبهتي ): :قلب:هههههههه:

الله يخليك ياخوي: محمد الجبريني

وصح لسانك مرة اُخرى

ولا تطاول ولا شي ولاهنت وجعل قلبك :خضر .:مزون:

وسلامي لك::huglove:


اخوووي الغالي حياك اله مره اخري والف مليون بمرورك فخر
ولاتعتبر البيتين هذي من باب الدعاء عليك بل للفكاهة معك وتسليتك
والله لو ماني بواثق انك تفهمها ولا تصضايقك لماقلتها لك وتقبل تقديرري واحتراامي

هههههههههههههه
غربول لاتغربلني الله يغربلك
,,,,,,,,,,,,,,ترى المحبه ياسندهم تغربل
ياجعل نار الحب ياشيخ تاكلك
,,,,,,,,,,,,,,,,حتى معاد انك عليه تبلبل
رغم انني ماعرفك بس متصورك
,,,,,,,,,,,,,,,,انك عريب معرب(ن) من هل اللبل
محمد الجبريني
22-06-2008, 10:13 AM
الـزيـن شفـتـه بـيـن مـكــه وعـسـفـان
متشـامـل(ن) يسـلـك طـريـق المـديـنـه
سيارة المزيون جمسٍ .. سووووبرمان
ارربــع مـيـه لاشـــك حـجــم المكـيـنـه

هذا حب محطات البنزين الله يكفينا شره

والزيـن مـاهـو فالـصـور والا الابــدان
الـزيـن هــو طـيـب الاقـلـوب الامـيـنـه
ديـن, وسمـو أخـلاق, وحـفـظ , قــران
وتـواضـع,(ن), لله, وثـقـل, ورزيـنــه


هذي كلها عرفتها في المحطه
منت بسيط يالجبريني


وانا ماعرف أكتب لين اشـوف غـزلان
وان شفـت شـي افكـار شعـري فطيـنـه
والا مـانـي والله عـاشـق عـلـى شـــان
فـعــل الـــردى والا الأمـــور المهـيـنـه

قول وفعل
صح لسانك





الشاعر
مدغم أبو شيبه

اررررحب يامدغم أبو شيبه ... هو انت



صدق

مدغم

أبو شيبه

والله


ان

الصوره


صدق
هههههههههه


صورة مدغم


ابو شيبه


مع اني


ماعرفك يالذيب


الا عن طريق وسائل الأعلام واستمتعة بعدة قصائد لشاعر مدغم ابوشيبه واني لشديد الأعجاب بالشاعر وبقصائده ..



وحياك الله ان كان وانه انت مدغم
الشرف لي بمرور
شاعر في حجمك


اخوي تقبل فاائق

تقديرري واحترااامي


وصح بدنك وكلك
محمد الجبريني
22-06-2008, 10:19 AM
محمد الجبريني
صح لساااااااااانك من الحين الى يوم الدين
ماخليت شي يامحمد
وصف دقيق وقصه دخلنا في جوها
لله درك من شاعر يجبرني دائما على الوقوف احتراما له ولقصيدته
وشهادتي فيك تعرفها يالذيب
تقبل مروري المتواضع
تحياتي وتقديري لك



اخوي
الغــالي
الشاعر / احمد العارضي
صح بدنك وقلبك وكلك ولاهنت يالذيب
على مروررك ولاخلى ولاعدم شرواك تقبل فاائق احتراامي
محمد الجبريني
24-06-2008, 06:02 PM
http://www.3z.cc/sml/30/003.gif

محمد الجبريني


صح لسانك وقلبك ملايين



دمت بخير


صهيل الصمت
صح بدنك وكلك ولاهنتي
تقبلي فااائق شكررري وتقديررري
فراج العتيبي
24-06-2008, 06:05 PM
الـزيــن, لابـلـنـدن, ولاهـــو, بلـبـنـان
,وســط السـعـوديـه مـديـنـه .. مـديـنـه


الله الله


البيت هذا لحاله والقصيده اكثر من رائعه


صح لسانك وسلم راسك يالقرم


اخوك
محمد الجبريني
24-06-2008, 06:13 PM
اخوي
الشاعر/ضيف الله السميري
صح بدنك وقلبك وكلك ولاهنت على
مرورك تقبل فااائق مودتي واحتراامي






ابي اروح ادور على خط المدينه الحين هههههههههه





وش تدوور على خط المدينه يالأخو ضايعلك ذهيب هناك
ههههههههههه
والله بتروح عند اول تقاطع عند احد هالويت المعباااه بالماء انتبه لاتسرع خل السرعه 80 كيلو متر في الساعه
والله يوفقك لاهنت ان كان ونك ضيف حياك الله اقلط عند اخوك تقبل ودي ومحبتي يامجننهم على قول أمل بنت عبدالعزيز
محمد الجبريني
24-06-2008, 06:16 PM
صح لسانك يا محمد

راااائع

وبانتظار جديدك


اخـــووي
الغالي/ مفرح بن مناحي
صح بدمك وقلبك وكلك ولاهنت لي
ودك ورضاك تقبل فاائق مودتي واحتراامي
محمد الجبريني
24-06-2008, 06:20 PM
الله الله الله عليك ياااااااامحمد ماشاء الله

وانا ماعرف أكتب ليـن اشـوف غـزلان
وان شفـت شـي افـكـار شـعـري فطيـنـه
والا مـانـي والله عـاشـق عـلــى شـــان
فـعــل الـــردى والا الأمــــور المـهـيـنـه
مستـور حـال.. واب.. واعــول بــزران
ونفسـي عـن ادروب الخماعـه حصيـنـه

بيض الله وجهك وحمى الله قبيلة انت منها
هذا الشعر ولا بلاش

مشكور لك وافر التقدير والتصفيق والتشجيع مني يا محمد
واتمنى ان ارى لك الكثير
لك تحياتي


اخوووي
الغالي حزن النوااايف
صح بدنك وقلبك وكلك ولاهنت على مرورك
تقبل جزيل شكري ولي ودك ورضاك يالقرم تقبل فااائق احتراامي
محمد الجبريني
24-06-2008, 06:35 PM
الـزيــن, لابـلـنـدن, ولاهـــو, بلـبـنـان
,وســط السـعـوديـه مـديـنـه .. مـديـنـه


الله الله


البيت هذا لحاله والقصيده اكثر من رائعه


صح لسانك وسلم راسك يالقرم


اخوك


اخووي الغالي
الشاعر والمفكر /فراج العتيبي
صح بدنك وقلبك وكلك وبيظ الله
وجهك على مرورك
(صدق انك شاعر ومفكر) واختيارك
للبيت دليل على فهمك لمعنااه وما
يقصده اخوووك ..
ولولى أهميته عند اخوووك لماوظعه عنوان
للقصيده .
ولي ودك ورضاك يالقرم تقبل فااائق مودتي
وتقديررري
سعود المجلاد
24-06-2008, 06:36 PM
محمد الجبريني يسلملي النص واللي كاتبه ياخي أنت ماخليت شي

شاعر كبير يستطيع توضيف المفرد كيف يشاء


روووووووح يالمجروح دربك زراعي
محمد الجبريني
24-06-2008, 06:53 PM
محمد الجبريني يسلملي النص واللي كاتبه ياخي أنت ماخليت شي

شاعر كبير يستطيع توضيف المفرد كيف يشاء


روووووووح يالمجروح دربك زراعي




اخووي الغالي
الشاعر /سعود المجلاد
صح بدنك وقلبك وكلك ولاهنت
اخي على مرورك ومرورك شرف وشهادتك
وسام شرف من النوع الفاخر اتقلده على صدري اخوي
واضعه على راسي لاهنت تقبل جزيل شكرررري وفااائق مودتي واحترااامي






روووووووح يالمجروح دربك زراعي

ههههههههه
روح يامجروح دربك زرااعي
,,,,,,,,,,,,,ياصاحبي مخضر تكسوه الأعشاب
ههههههههه

هذا قولك
المقتبس ياخيي يصلح
مطلع قصيده واكملة الشطر الاخر انا له

لاهنت تقبل مروري واحترامي