محمد بن دوشان
11-06-2008, 01:01 AM
من مواطن إلى مسؤول
من المعلم / محمد القرني , إلى معالي وزير التربية والتعليم الدكتور / عبد الله بن صالح العبيد .. حفظه الله ..
دعوة إلى التفكير بصوت مرتفع ..
صلو على سيدنا محمد , عليه أفضل الصلاة وأتم التسليم
يا وزير التربية لك من الـ (تتشر) سلام=من معلم فكر بصوت عالي ثم قال
اسمي سعودي واعرف اللوايح والنظام=وعندي بطاقه وعندي بعد ثوب وعقال
"مسلم" آصلي وازكي بعد شهر الصيام=واعرف ان الذل يعني لمن مثلي الزوال
في "رياض العز" في خير والعيشه تمام="الرياض" اللي غلاها رسا مثل الجبال
"السعوديه" بلادي وهي "دار السلام"="راية التوحيد" من فوقها تاج الجمال
حبها صقر(ن) يسمى "الإمام ابن الإمام"=قال يا عذرا تعالي على عز ودلال
قال هيا فوق فوق أجلسي فوق الغمام=كنه يقول الفضا خد وانتي حب خال
حُر عقّب له حرار(ن) تضيم وما تضام=ذكرهم تاريخ والفعل شي اسمه خيال
فوق " 100عام" والدار عام(ن) بعد عام=تلبس ثياب التطور وتنعم بالظلال
في ذرى "بو متعب" اللي عيونه ماتنام="خادم البيتين" في الدين مايقبل فصال
الوطن والشعب عنده سنام(ن) للسنام=مايبي في "الدين والشعب والديرة" جدال
ينصر المظلوم لامن وصل عنده وقام="ابشر ابشر" ذا جوابه قبل طرح السؤال
مايفرق بين شعبه ولا فيه انقسام="شرق ولا غرب ولا جنوبي أو شمال"
يا وزير التربية بعد هذا الإلتحام=ليش مركزنا به اقزام وقصار وطوال
يا وزير التربية والله انك ماتلام="نحسبك والله حسيبك" من اشراف الرجال
يمكن ان الصوت دونه حواجز في الظلام=زايد ان الضغط شوش علينا "الاتصال"
ماكل لساني لو الجوع يجعلني عدام=رغم إنه في فمي وامضغه طول الليال
الله اللي خصنا بالعقل قبل الكلام=والملك قال الحوار امر مطلوب وحلال
ماني "ارهابي" ولا عشت اروج للحرام=أعرف اسباب الحرام واتقي رب الجلال
ودي اوقف دام لي مثل هالعالم "عظام"=قبل لا "الموت" يتقدم ويعلن الاحتلال
ودي آشوف الفضا كله طيور وحمام=تجتمع في سرب واحد وتسبح باعتدال
مشكلتنا ان "الألف" لا جلس في حظن "لام"=قام "حرف الواو" يطوي على رجله حبال
مشكلة شخصية "اهل الكراسي" الانفصام=بين "تطبيق المبادئ" ونزعة "آل آل"
لو نصوم الدهر ونحج ونصلي القيام=ننثني قدام "تمر المعارف والدلال"
كيف نبني شي اصلاً وحنا من حطام=كيف نقرا ما مسحنا على سمع العيال
يا وزير التربية لك دوام ولي دوام=و"الدوام لوجه ربي" وغيره لا .. محال
كان صوتي ما وصل لك فعلمني قوام="أقطع لساني" واسوي لها حفل اعتزال
من المعلم / محمد القرني , إلى معالي وزير التربية والتعليم الدكتور / عبد الله بن صالح العبيد .. حفظه الله ..
دعوة إلى التفكير بصوت مرتفع ..
صلو على سيدنا محمد , عليه أفضل الصلاة وأتم التسليم
يا وزير التربية لك من الـ (تتشر) سلام=من معلم فكر بصوت عالي ثم قال
اسمي سعودي واعرف اللوايح والنظام=وعندي بطاقه وعندي بعد ثوب وعقال
"مسلم" آصلي وازكي بعد شهر الصيام=واعرف ان الذل يعني لمن مثلي الزوال
في "رياض العز" في خير والعيشه تمام="الرياض" اللي غلاها رسا مثل الجبال
"السعوديه" بلادي وهي "دار السلام"="راية التوحيد" من فوقها تاج الجمال
حبها صقر(ن) يسمى "الإمام ابن الإمام"=قال يا عذرا تعالي على عز ودلال
قال هيا فوق فوق أجلسي فوق الغمام=كنه يقول الفضا خد وانتي حب خال
حُر عقّب له حرار(ن) تضيم وما تضام=ذكرهم تاريخ والفعل شي اسمه خيال
فوق " 100عام" والدار عام(ن) بعد عام=تلبس ثياب التطور وتنعم بالظلال
في ذرى "بو متعب" اللي عيونه ماتنام="خادم البيتين" في الدين مايقبل فصال
الوطن والشعب عنده سنام(ن) للسنام=مايبي في "الدين والشعب والديرة" جدال
ينصر المظلوم لامن وصل عنده وقام="ابشر ابشر" ذا جوابه قبل طرح السؤال
مايفرق بين شعبه ولا فيه انقسام="شرق ولا غرب ولا جنوبي أو شمال"
يا وزير التربية بعد هذا الإلتحام=ليش مركزنا به اقزام وقصار وطوال
يا وزير التربية والله انك ماتلام="نحسبك والله حسيبك" من اشراف الرجال
يمكن ان الصوت دونه حواجز في الظلام=زايد ان الضغط شوش علينا "الاتصال"
ماكل لساني لو الجوع يجعلني عدام=رغم إنه في فمي وامضغه طول الليال
الله اللي خصنا بالعقل قبل الكلام=والملك قال الحوار امر مطلوب وحلال
ماني "ارهابي" ولا عشت اروج للحرام=أعرف اسباب الحرام واتقي رب الجلال
ودي اوقف دام لي مثل هالعالم "عظام"=قبل لا "الموت" يتقدم ويعلن الاحتلال
ودي آشوف الفضا كله طيور وحمام=تجتمع في سرب واحد وتسبح باعتدال
مشكلتنا ان "الألف" لا جلس في حظن "لام"=قام "حرف الواو" يطوي على رجله حبال
مشكلة شخصية "اهل الكراسي" الانفصام=بين "تطبيق المبادئ" ونزعة "آل آل"
لو نصوم الدهر ونحج ونصلي القيام=ننثني قدام "تمر المعارف والدلال"
كيف نبني شي اصلاً وحنا من حطام=كيف نقرا ما مسحنا على سمع العيال
يا وزير التربية لك دوام ولي دوام=و"الدوام لوجه ربي" وغيره لا .. محال
كان صوتي ما وصل لك فعلمني قوام="أقطع لساني" واسوي لها حفل اعتزال