عليك حق ياطيف .........

[زابن الدوسري]

عزيزتي الاخت طيف نبي نعاتبك شوي وهذا من باب الميانه


وكلها مزوح في مزوح .......



ياهيه ياللي تلبسين العبايا= ياحيف يابعض الخطا كيف ماكان

تدعين ناس كاملين المزايا= وتنسين ناسٍ شانهم بالدهرشان

ياطيف كلمه موجعه بالحنايا= ماهيب لك يابنت ذربين الايمان

ماضقت من دعوة رجال الحمايا= لاكن نسيتي افلان وافلان وافلان

اقولها من صافيات النوايا = هذي مزوح وضحك مانيب زعلان
وسلامتكم

[طيف الوله]

هلاااا والله بالواثق






لك حق تزعل واعتذر عن خطاياااا=ماهوب تحقيرٍ ولكنه نسيااان

الله عليم بخافيات النوايااااا=لك قدر عالي وانت للشعر ربااان

ادري الخطا فوقي وتحتي وورايااا=لو اعتذر ماينفع العذر غلطااان

ياخوك زله جت ولاهي برضايااا=من قلب مغرم بالمحاور وولهان

هذه حروفي قلتها والحكاياااا= إني بغيت الكل والكل اخوااان

[شاهر الشرهان]

الواثق

صح السانك انت دائماً مبدع

شاعر تعرف معنا الكلام وتصيغه شعراً

الف صح السانك

ولكن عتبي على طيف الوله الشاعره الحساسه؟ ولا تعليق؟

تحياتي للجميع
.............

[الخيال]

صح لسانك ابو سلطان وصح لسان شاعرتنا الفاضله طيف

وهذا عتب حلو من شاعر الى شاعره

واكيد الاخت طيف هي من الناس الواعيه والمتفهمه للعتب

وهذا سبب ايضا جعلك تعاتبها بطريقه اخويه جميله



شكرا ابو سلطان

وشكرا للاخت طيف

لامتاعنا بهذه الابيات الجميله

[الخيال]

!!!!

من هذا


شاهر !!!

ههههههه


حلو جدا

ااه بس لو يدرون

واله الا يتولجونك محاورات ليوم الدين

[طيف الوله]

:(

لا احد يزعل علي

انا طلبت اللي متعوده عليهم معنا في المحاوره وماكان القصد تقليل من شأن الباقين الكل فيهم الخير والبركه

والعذر والسموحه من كل واحد زعل مني :(


:eek:

[زابن الدوسري]

الا خت طيف الوله

انا واثق تمام الثقه من مصداقيتك وتفهمك ولكن انا قلت من باب الميانه فقط



العذر يقبل ياعديم السجايا=لا هان راسك دايم الدوم لاهان

لو لحقني شكً ببعض السوايا=كان السكوت اخير في بعض الاحيان

اشره على مثلك وجرب غلا يا=والا الردي لو قال ماني بندمان

يا طيف قافك يتبعونه سرايا=لا هل وبله مثل همال الامزان

الله عطاك الي جزيل العطايا=والله على خلقه كفيلً ومنان وتقبلي جل تحياتي
....................

[رائد الشريف]

الله الله
ابدعتما واسف على التأخير

صح لساانك يالواثق ولاهنت

وكذلك الاخت طيف الوله

دمتا لنا

[زابن الدوسري]

اخوى الشاااعر العذب

الدويبي


صح بدنك ولاهنت على مرورك العطر.


وانا اسف على تطفلي وانا كنت اقصد مزوح


لآني اعتبر نفسي واحد منكم ولااحد يزعل مني


شااااكر لكم جميعااا ولكم تحياااااتي.....


الوااااااااثق،،،،،

[الأميرة الناعمة]

الله الله

امتعتوونا من جد

كملو << انبسطت

[محمد الاسمري]

الله الله


الروعة تتجسد في الوووووووواثق

صح لسانك على ما قدمت ،، ودمت ودام عزك


___________


صح لسانك أخت طيف

أنشهد أنك بنت رجال ولا تطلع منك العيبه

سلمتي على ما قدمتي

والعتب صابوووون القلوووب

دمتو بخير

[عبدالله بن راجس]

اخوي الشاعرالواثق واختي الشاعره طيف الوله



الله الله عليكم يا اثنين كم انتم مبدعين ولكم مكانتكم الخاصه في قلوبنا وفي المنتدى 00 بيض الله وجيهكم 00 واسف على التائخير



عوتونا على مشاركاتكم الرهيبه


تقبلو تحياتي


اخوكم 00 عبدالله بن راجس