الــشـقــايــق

[محمد السالم]

تَسّلبني أعذارك إذا صرت رايق = وإذا زَعلت تصير كلّك حكاية
أشتاق لك بالثانية والدقايق = ياجمل نديم ليّ وأجمل رواية
آمالنا تشبه أماني الشقايق = الكل منهن عندها كمّ ؛ غاية
يا ذوق معشوقك عدا كل ذايق = هل للنّفق دونك بداية نهاية ؟
علّقت في سُحب الأماني العلايق = وشكّلت من حلمي عليها حِماية !
عبدّت لك حدب المحاني طرايق = ياطا بها طيفك إذا مرّتايه
بالله لا جاتك شجوني وسايق = تضفي عليها من حنانك ملاية
اطعن فتوق الوهم باصدق حقايق = واتلو عليها من كتاب الهداية
نقهر هل النّمّة وراع اللفايق = نشبك يدينا في ضحاهم نكايه
تعيش بي رايق وانا عيش فايق = تصير لي موج وانا صير مايه
نصير لأهل الحُب ضي وحدايق = والكل منهم يبتدرنا بنايه
ننشر صحايف حبنا في وثايق = يكسب خلفنا من سلفهم درايه
لوّ تنظر بصدري جهولٍ يوايق = لامرّ طاريّك رفعها دعاية
يعيش دونك مكتئب وجه ضايق = تخشى تقاسيمه زوايا المراية
ماعاد هو دونك على البعد طايق = هذا هو يقدم شفوع الشكاية
ساقه من الوجلا عليك ألف سايق = ذب الخطام ولحقه بالعباية
خلّك على ظنه حنونٍ ولايق = لا تفرح الحساد وهل الوشاية
حذراك لا تفرح عليه الخلايق = ويصير نيشان الحسد فالرماية

[احمد مناحي]

محمد السالم

هلا بك وغلا

صح لسانك الى رضاك

بدون مجامله قصيدة من اروع ما قرأت في الاونه الاخيره ..

كل ابداع شعري موجود في هذا المتصفح ..

بااختصار :

لااجد من التعليق مايليق لذا ساكتفي بالتصفيق ..

سلمولي على الشعر الصحيح

[مسلط المغيري]

مثل ماقال اخوي احمد الشمري من افضل ماقراءت في الاونه



الاخيره



صح لسانك وبيض الله وجهك


بانتظار جديدك

[محمد الروقي]

شاعر من العيار الثقيل


جزل وصح لساااااااااانك لين ترضاا

هذا القصيد الي له طعم تقبل تحياتي وتقديري

[محمد نايف العتيبي]

.

الله واكبر عليك

محمد السالم

ابيات محبوكه وجزله واشهد بالله اني صبحت على ابيات جزله


لاهنت يامحمد وبالتوفيق


صح لسااااااااانك لاهنت


دمت بخير


محمد بن نايف

[أبوعبدالرحمن]

محمد السالم

هلا بك وغلا

صح لسانك

جزلة ومن شاعر جزل


تحيتي لك