زبن بن عمير
18-05-2008, 08:43 AM
في حفل بهيج اعلن سمو الامير عبدالعزيز بن سعود بن محمد عن حل اللغز الذي طرحه قبل فترة وكان:
حراير نبتت على النار والنور=تحدث الكون الفسيح ببهاهن
من حكمة الخلاق ولدن بديجور=وبدد ظلام الليل عالي سناهن
حسابهن في خانة البضع محصور=وبعصرهن غطن على من سواهن
خوات مختلفات باحوال وعصور=متشابهات بوصفهن وبنماهن
ياللي بحل رموز الالغاز مشهور=هات الخوات الغر والا حداهن
وقد حل سموه اللغز بابيات مجاريه للغز حيث قال:
على الشريعه مجد الادوار مخبور=أدوار ربـي رافـعٍ مستـواهـن
الدور الأول صار له بالوطن دور=ساده " محمد " بالعدل مـا تماهـن
والثاني اللي جدد العهـد منصـور=" تركي " وتركي قاد ركبه واراهن
والثالث اللي فك داره من الجـور=" عبد العزيز " احياض داره ملاهن
عدلٍ وأمانٍ صار له بالوطن طـور=بثوبٍ من المجد الحنيفـي كساهـن
فيما كانت النتائج كالتالي:
المركز الاول
ابراهيم محمد الحقيل وقال:
الحل شفته يابو راشد على السور=في فرجة المصمك بقايا نباهن
ثلاث حلن في الجزيره بلا جور=ياطيب مبداهن وماكثر عطاهن
ريف الضعيف اللي من الظلم ممرور=وعز لمن صان الشريعه معاهن
تاريخهن في صفحة العز منشور=سمي جدك يابو راشد بداهن
وانا اشهد ان اللغز جزل ومحكور=مير الفكر بالطيب دلل وجاهن
المركز الثاني
محمد موسى العتيبي
ياللي بدعت اللغز وافي ومشكور=الله يجملنا نجدد ولاهن
ثلاث اخرهن لها النور دستور=وارواحنا لعيونها يافداهن
ترثة معزي عقب دابان والكور=و ام الرياض وروسٍ الله وراهن
روسٍ تورث طيب كابر لمكبور=ياجعل ربي يسعد النا مساهن
هذي محل الظن والنور يانور=الله يجملني مادور سواهن
المركز الثالث
صالح بن محمد الحقباني
حراير "من طهرهن كنهن الحور =متفـــــاوتات بعمرهن و بحلاهن
حراير" خلقن بلا ارقاب ونحور=وكم عاشق" من دم قلبه رواهن
هلهن هل الطولات والعلم والشور =كم فارس" عدوه ماجا حماهن
في خدمة الإسلام شفنا لهن دور=و فالثالثه فاقن جميع انظراهن
دوله سعوديه لها الشرع دستور=وفي ظل ابومتعب تطاول مداهن
المركز الرابع
سعود بن تركي القحطاني
باشارك برمعه ليا جاني الدور =دام السوالف عالي مستواهن
مراحل الدوله على سنين و شهور=قامت و تاريخ العرب ما ناسهن
الاوله و الثانيه مابهن جور=والثالثه على السعد من وراهن
بقيادة آل سعود و العلم مخبور=قوم مع عدوانها ما تداهن
عسى معزي طيب الراي و الشور=جمايله في الشعب يلقا جزاهن
المركز الخامس
نايف بن مضحي ابو ربعه
يامير حل اللغز هين ومقدور=حرايرٍ قدكمل الله حلاهن
الأوله دولة لها قدر مخبور=هي ساس للتالي وهي مبتداهن
والثانية كانت على مد وجزور=لكنها نبراس في مستواهن
والثالثة حصن مشيد بدستور=مسك الختام اللي ختم مبتغاهن
ثلاث مزيونات يمشن على الدور=متساويات بزينهن وبنقاهن
ملوك نجد قروم وسباع وصقور=نيران للعادي فدا من فداهن
المركز السادس
طايع المنهالي
حل اللغز يبغي علم والعلم نور=الغر أنا منهن وعمري فداهن
النايفات الغر في أسم مشهور=دولة هل العوجأ سعودي أنتماهن
الأوله حر دخل سور وقصور=راهن أبوتركي وكمل بناهن
عاش الملك عاش الوطن خير دستور=حكمه بشرع الله رفع مستواهن
المركز السابع
علي بن احمد علي الطريقي
يااللي كتبت اللغز مشكور مشكور=باابيات شعرٍ عالي مستواهن
في عهدهن ماحد رأى الظلم والجور=والعدل رفرف فوق عالي سماهن
ثنتين فاتن والزمن كان له دور=الله يرحم كل شيخ" حماهن
والثالثه عشنا بها بأمن وسرور=الله يعز اللي بروحه فداهن
حراير نبتت على النار والنور=تحدث الكون الفسيح ببهاهن
من حكمة الخلاق ولدن بديجور=وبدد ظلام الليل عالي سناهن
حسابهن في خانة البضع محصور=وبعصرهن غطن على من سواهن
خوات مختلفات باحوال وعصور=متشابهات بوصفهن وبنماهن
ياللي بحل رموز الالغاز مشهور=هات الخوات الغر والا حداهن
وقد حل سموه اللغز بابيات مجاريه للغز حيث قال:
على الشريعه مجد الادوار مخبور=أدوار ربـي رافـعٍ مستـواهـن
الدور الأول صار له بالوطن دور=ساده " محمد " بالعدل مـا تماهـن
والثاني اللي جدد العهـد منصـور=" تركي " وتركي قاد ركبه واراهن
والثالث اللي فك داره من الجـور=" عبد العزيز " احياض داره ملاهن
عدلٍ وأمانٍ صار له بالوطن طـور=بثوبٍ من المجد الحنيفـي كساهـن
فيما كانت النتائج كالتالي:
المركز الاول
ابراهيم محمد الحقيل وقال:
الحل شفته يابو راشد على السور=في فرجة المصمك بقايا نباهن
ثلاث حلن في الجزيره بلا جور=ياطيب مبداهن وماكثر عطاهن
ريف الضعيف اللي من الظلم ممرور=وعز لمن صان الشريعه معاهن
تاريخهن في صفحة العز منشور=سمي جدك يابو راشد بداهن
وانا اشهد ان اللغز جزل ومحكور=مير الفكر بالطيب دلل وجاهن
المركز الثاني
محمد موسى العتيبي
ياللي بدعت اللغز وافي ومشكور=الله يجملنا نجدد ولاهن
ثلاث اخرهن لها النور دستور=وارواحنا لعيونها يافداهن
ترثة معزي عقب دابان والكور=و ام الرياض وروسٍ الله وراهن
روسٍ تورث طيب كابر لمكبور=ياجعل ربي يسعد النا مساهن
هذي محل الظن والنور يانور=الله يجملني مادور سواهن
المركز الثالث
صالح بن محمد الحقباني
حراير "من طهرهن كنهن الحور =متفـــــاوتات بعمرهن و بحلاهن
حراير" خلقن بلا ارقاب ونحور=وكم عاشق" من دم قلبه رواهن
هلهن هل الطولات والعلم والشور =كم فارس" عدوه ماجا حماهن
في خدمة الإسلام شفنا لهن دور=و فالثالثه فاقن جميع انظراهن
دوله سعوديه لها الشرع دستور=وفي ظل ابومتعب تطاول مداهن
المركز الرابع
سعود بن تركي القحطاني
باشارك برمعه ليا جاني الدور =دام السوالف عالي مستواهن
مراحل الدوله على سنين و شهور=قامت و تاريخ العرب ما ناسهن
الاوله و الثانيه مابهن جور=والثالثه على السعد من وراهن
بقيادة آل سعود و العلم مخبور=قوم مع عدوانها ما تداهن
عسى معزي طيب الراي و الشور=جمايله في الشعب يلقا جزاهن
المركز الخامس
نايف بن مضحي ابو ربعه
يامير حل اللغز هين ومقدور=حرايرٍ قدكمل الله حلاهن
الأوله دولة لها قدر مخبور=هي ساس للتالي وهي مبتداهن
والثانية كانت على مد وجزور=لكنها نبراس في مستواهن
والثالثة حصن مشيد بدستور=مسك الختام اللي ختم مبتغاهن
ثلاث مزيونات يمشن على الدور=متساويات بزينهن وبنقاهن
ملوك نجد قروم وسباع وصقور=نيران للعادي فدا من فداهن
المركز السادس
طايع المنهالي
حل اللغز يبغي علم والعلم نور=الغر أنا منهن وعمري فداهن
النايفات الغر في أسم مشهور=دولة هل العوجأ سعودي أنتماهن
الأوله حر دخل سور وقصور=راهن أبوتركي وكمل بناهن
عاش الملك عاش الوطن خير دستور=حكمه بشرع الله رفع مستواهن
المركز السابع
علي بن احمد علي الطريقي
يااللي كتبت اللغز مشكور مشكور=باابيات شعرٍ عالي مستواهن
في عهدهن ماحد رأى الظلم والجور=والعدل رفرف فوق عالي سماهن
ثنتين فاتن والزمن كان له دور=الله يرحم كل شيخ" حماهن
والثالثه عشنا بها بأمن وسرور=الله يعز اللي بروحه فداهن