ا نا مثلك مغربل يامنتدى غرابيل

[خالد السبيعي]

السلام عليكم ورحمة الله وبركاته
هذي ثاني قصيده اكتبها وابي رايكم ونقدكم
وتروني توي كملت 17 سنه يافديتني العمر كله يارب يعني لاتدققون علي مره هههه اللي تمشي على قولة بن جدلان مشوها هههههه


انا مثلك مغربل يامنتدى غرابيل
العمر توه صغير والحمل ثقل الجبال
يتيم شاف من الدنيا شتا البهاذيل
مالقى عن هجير الشمس في (ن) ومقيال
يزيد همه عليه لـ اقبل ضلام الليل
وتذكر اللي عودتهم غدت من المحال
طاحت دموعه واغرقت حضن المناديل
وجوفه يردد الحمديارب على كلُ حال
الدنيا فترة امتحان من بعده الرحيل
تحصل بعده اللي قدمت فيها من اعمال

[اللؤلؤة]

ماشاءلله إحساس راقي
بالتوفيق ياشبل المستقبل
والعمر كله يارب


تحيات وتقدير للجميع

أختكم اللؤلؤة

[صالح الروقي]

الى الامام

وحياك ربي

[محمد بن ضاوي]

حياك الله اخوي خالد

للاسف القصيده تفتقد للوزن وراح يظهر معاك الشي هذا لو لحنتها علي اللحن المطابق

فياليت لو تستشر احد المقربين منك من ذوي الخبره قبل الطرح وراح يساعدك في معرفة مواطن الخلل في القصيدة وكيفية اصلاحه

صح لسانك وباذن الله تقدر على كتابة القصيدة الموزونه

[خالد السبيعي]

اختي اللؤلؤة مشكوره على مرورك وتشجيعك
ربي يسعدك ويحفظك

[خالد السبيعي]

اخوي صالح الروقي الله يحييك
مشكور على مرورك وتشجيعك
ربي يسعدك ويحفظك

[خالد السبيعي]

الله يحييك اخوي بن ضاوي وصح بدنك
ومشكور على مرورك وتشجيعك
والله يابن ضاوي ماعندي غير جدتي تهل علي من قصيد مفرح الضمني عشانه ابناخيها هههههه
ماتعرف لا وزن ولا كسر ماتعرف غير العنز الذريا والحويا هههههه

طيب يابن ضاوي انا لحنت القصيده على لحن واحد مثل ماقلت لي ابي رايك واسف ادري والله اني اشغلتك معي لكن تحملني هالمره لأن رايك يهمني

انا مغربل مثلك يامنتدى غرابيل
عمري صغير توه وحملي ثقل الجبال
يتيم من الدنيا شاف شتا البهاذيل
مالقي عن هجير الشمس فيّه ومقيال
همه عليه يزيد لـ أقبل ضلام الليل
وذكر اللي رجعتهم صارت من المحال
طاحت دمعته وغرقت احضان المناديل
وجوفه يردد الحمديارب على كلّ حال
الدنيا فترة امتحان من بعده الرحيل
بعده اتحصل اللي عملت فيها من اعمال

[لذيذ]

:vampire: