بــحــر مـسـحــوب

[نـواف الشمــري]

ابسحبـك والـعـب معـك بـحـر مسحـوب=لانــك عـلــى بـحــر الــحــدا ماتـبـيـنـي
خليتـنـي فــي خمـسـة أبـيـات مطـلـوب=يالله عـــلـــى رد الـجـمــايــل تـعـيــنــي
درب الهـوى ياصاحـبـي شــر الــدروب=مــــن ذالــبــلاوي دايــمٍ مبـتـلـيـنـي
بيت الشقى في داخل الصدر منصوب=نصبـر عسـى بـيـت السـعـاده يجيـنـي
ربــي رزق بـعـد الصـبـر عـبـده أيـــوب=عسـى الفـرج فــي مقـبـلات السنيـنـي
ان كنـت تبغـى بالشـعـر تمـلـك سـلـوب=حـــاول يـديـنـك مـــا تــفــارق يـديـنــي
وان قـلــت ودك بالـشـعـر تـقـطـع دروب=حاضـر ولـو تبغـى مـع الشـعـر عيـنـي
هــذا ولانــي يــوم أسـاعـدك مـغـصـوب=لاشــــك مـتـنـومـس ولانــــي حـزيــنــي
سـر ياقلـم وارســل تحـيـة غــلا صــوب=لـلـي لـيـا مــن ضـقـت دايـــم يجـيـنـي
الـجـد واحــد والـشـرف عـلــم مـوهــوب=مـــن ربـنــا والـحـمـد لــــه مسلـمـيـنـي
والشـعـر مـاهـو بــس تسـمـع ومكـتـوب=احـسـاس يـفـرح كــل واحـــد حـزيـنـي
والشعـر مثـل الكـاس والقـاف مشـروب=مـعـنــاه فــكــره تــزدهـــر دوم فـيــنــي
وانا على جزل الشعر صـرت محسـوب=والــنـــاس هـــــذي كـلــهــا عـارفـيـنــي